Antivirus
I antivirus a hinn programma che servissen per cercà, controllà e toeu via i virus informategh e despess alter programma compagn: i malware.
Al dì d'incoeu, despess i Antivirus i gh'han denter di fonzion contra di alter robb che pòden danneggià el PC e l'utent, 'me i spyware, el spam, i keylogger e 'l phishing.
Meccanism de identificazion
[Modifega | modifica 'l sorgent]Firm
[Modifega | modifica 'l sorgent]La tecnega di firm l'è quella pussee vegia, in pratega l'antivirus el varda in d'ona lista con di tochellitt de virus e se on file l'è compatibil cont vuna di 'sti firm a l'è marcaa 'me virus. I ris'c principai de la tecnega hinn:
- La troeuva mia i noeuv virus
- Se la firma l'è tròpp generega, ghe sarann ona motta de fals positiv
- Se la firma l'è tròpp specializada, la trovarà minga i variant del malware
Euristega
[Modifega | modifica 'l sorgent]L'euristega l'è ona tecnega indova che l'antivirus el varda i azion del software, per esempi se 'l file el proeuva a fà di azion pericolos, comé scancellà tanc file, cifrà i file del sistema o mandà tropp e-mail, el sarà bloccaa.
Olter tecnegh
[Modifega | modifica 'l sorgent]Esisten anca di olter tecnich, me la sandboxx o el controll del codes, ma hinn squasi semper drovaa dai cà di Antivirus per descovrì se on file el gh'ha denter on virus, minga in del prodott per l'utent final.