Shahada
|
Quest articol chì l'è scrivud in lombard, con la Noeuva Ortografia Lombarda |
La Shahada a l'è la testimonianza de fed de l'Islam, che la dis che 'l mussulman el cred domà a 'n Dio (Allah) e in la mission de profeta de Maomet, e l'è part di cinch pilaster de l'Islam.
La dis "Ašhadu an lā ilāha illā Allāh - wa ašhadu anna Muḥammadan Rasūl Allāh", cioè "Testimoni che gh'è domà un Dio e che l'è Allah e che Maomet l'è 'l so messager". L'è anca parnonziada de quei che se converten a l'Islam, denanz a du testimon, per deventàll ofizzialment. Despess i scita ghe sgionten che "Ali l'è el Wali de Allah", menter i coranista disen domà la prima part, vist che in del Coran a gh'è nissun oblegh de testimonià in sul Maomet.
A l'è representada in sui bandere de l'Arabia Saudita, de l'Afghanistan, del Somaliland, di Taleban, de l'ISIS e de Al-Shabaab.
Bibliografia
[Modifega | modifica 'l sorgent]- Alberto Ventura, «Gli atti di culto», in: Islām, Storia delle religioni (a cura di G. Filoramo), Roma-Bari, Laterza, 1999, pp. 120-121.
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Shahada