Симетрија454 (Symmetry454 или Sym454) е предлог календар за реформа на грегоријанскиот календар. Ова е вечен сончев календар кој ја содржи традиционалната седмица од седум дена, има симетрично еднакви тримесечја, а секој месец започнува со понеделник.
Последните седум дена од декември, прикажани со сива боја, се интеркаларни денови кои би важеле само во престапна година.
Идејата за месец со 4 или 5 цели седмици не е нова, веќе е предложена во 1970-те години од Крис Кериер и Џозеф Стинберг. Во нивните предлози неделите во тримесечја се распоредени на следниот начин 5 + 4 + 4 недели и 4 + 4 + 5 недели во едно тримесечје, додека Симетрија454 има симетрични 4 + 5 + 4 недели во едно тримесечје, од каде и доаѓа името на овој календар. (Забелешка - нема празно место меѓу „Симетрија“ и „454“.)
Ваквата поделба на тримесечјата се погодни за работа, бидејќи се од помош при фискалното планирање и анализите. Сите месеци имаат цел број на седмици, и ниеден месец никогаш не завршува на сред недела. Секој месец завршува во недела, и практично никогаш не може да се случи петок тринаесетти. Сите празници, родендени и годишници се фиксни.
Престапната година паѓа еднаш на секои 6 или 5 години, кога декември се претвора во месец со 5 недели. Престапната година е прикажана со бројки во сива боја во декември. Правилото за престапна година е засновано врз симетричниот циклус од 293 години по 52 престапни години во интервали кои се правилно распоредени:
Годината е престапна само доколку остатокот од ( 52 × година + 146 ) / 293 е помал од 52.
"Designs for a new year", in the "Innovators" section of the Toronto Star newspaper, Friday, December 24, 2004, page A3, by reporter Peter Gorrie.
"Star Trek Math Inspires Calendar Reform", Discovery Channel, Thursday, December 30, 2004, by Jennifer Viegas, Discovery News.
"Time and Again, the Calendar Comes Up Short: Sticklers for Symmetry Lament Imperfections in the 400-Year-Old Gregorian System; Earth's Inconvenient Orbit", The Wall Street Journal, December 31, 2009, by Charles Forelle, The Numbers Guy.
