Michigan
| Michigan | ||
 |
| |
| Vlagge van Michigan | Woapen van Michigan | |
 Kaarte van Michigan
| ||
| De Groute Mearenståt De Handskenståt | ||
| Ofkorting | MI | |
| Tiedzone | Eastern (UTC−5/−4) | |
| Informasie | ||
| Oppervlak laand | 250.493 km² () | |
| Inwonners - Dichtheid |
9.883.635 67.1 inw./km² | |
| Geografie en bevolking | ||
| Too-etreaden | 26. januari 1837 | |
Michigan (uutspreaken as MISJE-gön) is nen ståt in de Vereynigde Ståten van Amerika. De name kümt van et Ojibwe woord mishigami, wat grout water of grout mear bedüüdt. Med ungeväär 10 miljoon inwoaners hevt Michigan up neagen ståten nå de meyste inwoaners van de VS. Et is de up 10 nå grötste wat uppervlakte angeyt en de grötste up et westen van den rivier de Mississippi wat uppervlakte angeyt.
De höyvdstad is Lansing, de grötste stad is Detroit. Et verstädelikt gebeed rund Detroit höyrt töt de grötste ekonomien van de VS.
Michigan is den eanigsten ståt wat uut twey skyreilanden besteyt. Et underste hevt den form van ne handske. Et böävenste skyreiland (vake andüüdt med ‘The U.P.’, van Upper Peninsula) is eskeiden van et ünterste döär den Stråt van Mackinac, ’n kanaal van 8 kilometer wat Lake Huron med Lake Michigan verbindet. De Mackinacbrügge verbindet de beiden. Michigan hevt de längste söötwaterküstlyne van de wearld. Et ligt an vere van de vyve Groute Mearen en Lake Saint Clair. Et hevt 64.980 binnenlandske mearen en vyvers.
Verskeidene dusende jåren woanden der verskillende inheymske stämme. In de 17. Eywe eyskeden de Nyfranske kolony et up. Frankryk wör verslån in den Fransk-indiaansken Oorlog in 1762, wårnå et gebeed under britske hearskappye völ. Dee stünden et af an de nye unafhangelike Vereynigde Ståten, do as de britten verslån wörden in de Amerikaanske Revoluty. Et höyrden do by et gröttere Noordwestelike grundgebeed töt 1800, do as westelik Michigan by et grundgebeed van Indiana indeyld wör. Dårup wör et Grundgebeed van Michigan förmed in 1805, mär de noordgrense wör pas afstemd nå den Oorlog van 1812 med Kanada. In 1837 köm Michigan as 26. ståt by et Amerikaanske Verbund, as nen vryen ståt. Rap untwikkelden sik et as ’n vöäranstånd middenpunt vöär industry en handel in de streake en as populäre bestemming vöär immigranten teagen et ende van et 19. en begin van et 20. Jårhunderd.
Michigan hevt ’n verskeiden ekonomy. Toch steyt et vöäral bekend as middenpunt van de amerikaanske autoindustry, wat sik begin 20. Eywe untwikkelden as eyne van de grötste ekonomiske dryvers van den ståt. De dree grötste amerikaanske automarken kommet uut Michigan en hebbet allemål ’n höyvdkantoor in Detroit.
Et Noordelike Skyreiland is dünbevolked, mär döär de ryke natuur belangryk vöär et tourisme. Et Südelike Skyreiland is et middenpunt vöär de maakindustry, holtbouw, buren, deensten en hougtechnologiske industry.
| Verenigde Staoten van Amerika |  | |||||
|---|---|---|---|---|---|---|
|