Anton Graff
Anton Graff (* 18. November 1736 in Winterthur; † 22. Juni 1813 in Dresden) weer en düütsch Maler un de bedüüdenst Portraitmaler in sien Tiet. Ungefähr 2.000 vun sien Warken hebbt överduert.
Leven
[ännern | Bornkood ännern]Graff wurr as Söhn vun de Tinngeeter Hans Ullrich Graff un Barbara Graff geb. Koller in Winterthur (Swiez) boren. Dor un in Augsborg hett he dat Malen lehrt, un hett sück stark de Portraitmaleree towennt. In dat Johr 1766 wurr an de Kunstakademie Dresden as Hoffmaler un Schoolmeester angestellt. Dat hett he tietlevens nich weer upgeven. Sülvst finanziell betere Anbotten, ünner annern ut Berlin, hett he aflehnt. He hett de Grooten ut sien Tiet porträtiert, so ünner annern Gotthold Ephraim Lessing, Moses Mendelssohn, Johann Gottfried Herder, Friedrich Schiller, Christian Felix Weiße, Christian Fürchtegott Gellert, Christoph Willibald Gluck, Heinrich von Kleist, Daniel Chodowiecki un Friedrich Gedike. As sien Hööftwark as Porträtist wurrd dat vun Friedrich den Groten, König vn Preußen, sehn. An’ 16. Oktober 1771 hett he de tweede Dochter vun Johann Georg Sulzer, Elisabeth Sopie Augusta heiraadt. Mit Hülp vun sien Swiegervadder funn Graff Kontakt to de preußisch Hoff. He hett för Berlin över 100 Biller malt. He weer dorüm ok faken in Berlin, bleev aber Dresden trüe. 1772 is en Dochter born, de aver bald ok wedder storven is. Dornah sünd twee Söhns boren: an’ 31. Januar 1773 Carl Anton Graff un 1777 Georg Graff.
An’ 8. Mai 1783 wurrd Graff Ehrenliddmaat vun de Berliner Kunstakademie. An’ 20. Juni 1789 wurrd he Perfesser för dat Portraitfak an de Dresdner Kunstakademie. Graff kopeert 1796 för die Zarin Katharina II. vun Russland völ Biller vun de Dresdner Galerie. In’ Juli 1801 starv sien Söhn Georg. Twee Johr later wurrd he sülvst an’ grauen Star opereert. 1812 wurr he Ehrenliddmaat vun de Kaiserlich Akademie der Malerkunst in Wien un vun de Akademie der Künste in München. An’ 26. April 1812 starv sien Fru. Wohrschienlich 1813 vollendet he sien letzte Arbeit (Selbstbildnis mit grüner Schirmmütze). Graff is an’ 22. Juni 1813 storven un hett en Vermögen vun 40.000 Taler achterlaaten..
In sien latere aber bannig produktiv Schaffensphase hett he sück ok de Landschapsmaleree towendt. Philipp Otto Runge un Caspar David Friedrich leten sück vun sien Landschapen beinflussen. Graff wurr up den eersten Johanniskarkhoff in Dresden bisett. Sien Graff existeert aber nich mehr.
In Winterthur droggt dat technische Berufsschul- und BMS-Bowark sien Naam (Anton-Graff-Haus).
Warken (Utwahl)
[ännern | Bornkood ännern]- Heinrich XIII. Graf Reuss, 1775, Öl auf Leinwand, 112,6 x 84 cm, München, Neue Pinakothek, Inv. Nr. 9954
- Die Elbe bei Blasewitz, ohne Jahresangabe, Öl auf Leinwand, 57 x 74 cm, Städtische Galerie Dresden, Inv.Nr. 1978/k4
- Bildniss der Marie Madeleine Platzmann, Leinwand, 78,8 x 65 cm, Herzog Anton Ulrich-Museum Bruunswiek
Weblenken
[ännern | Bornkood ännern]- Gemälde vun Anton Graff in't Gleimhaus, Halberstadt