Leymah Gbowee
| Leymah Gbowee | |||
 | |||
| Fødd | 1. februar 1972 (52 år) Monrovia | ||
|---|---|---|---|
| Statsborgar av | Liberia | ||
| Yrke | politikar, forretningsdrivande, samfunnsøkonom, fredsaktivist, aktivist | ||
| Institusjonar | Columbia University | ||
| Utdanna ved | Eastern Mennonite University | ||
| Medlem | Nobel Women's Initiative | ||
Leymah Roberta Gbowee (fødd 1972) er ein liberisk fredsaktivist som var ansvarleg for å organisere ei fredsrørsle som var med på å få slutt på den andre liberiske borgarkrigen i 2003. Dette førte til valet av Ellen Johnson Sirleaf i Liberia, den første demokratisk valde kvinnelege presidenten i Afrika. Saman med Sirleaf og Tawakkul Karman blei Gbowee tildelt Nobels fredspris i 2011 «for sin ikkje-valdelege kamp for tryggleiken til kvinner og for rettane til kvinner til full deltaking i fredsbyggande arbeid».
Leymah Gbowee var 17 år då borgarkrigen braut ut, og ho kunne ikkje ta høgare utdanning. Ho blei etterkvart traumeterapeut og arbeidde med tidlegare barnesoldatar. I 2002 var Leymah Gbowee med på å organisera «Women of Liberia Mass Action for Peace». Fredsrørsla starta med at lokale kvinner bad og song for fred på den lokale fiskemarknaden. Ho organiserte både kristne og muslimske kvinner i Monrovia for å be og halde ikkje-valdelege protestar, kledd i kvite t-skjorter. Folkerørsla har fått mykje av æra for at den liberiske borgarkrigen tok slutt.
Etter krigen har Gbowee vore leiar av sannings- og forsoningskommissjonen i Liberia.
Leymah Gbowee har seks born.
Bakgrunnsstoff
[endre | endre wikiteksten]- Fjernsynsprogram med referat om Leymah Gbowee i Bill Moyers Journal ved PBS
Kjelder
[endre | endre wikiteksten]- Denne artikkelen bygger på «Leymah Gbowee» frå Wikipedia på engelsk, den 7. oktober 2011.
- Anders Haraldsson, «”Hon lyckades försona ett sönderslaget Liberia”», svd.se
- «Gbowee samlet kvinnene til kamp i Liberia», NTB/Dagbladet (07.10.2011).