Estatua de la Libertat
L'Estatua de la Libertat o la Libertat enluminant lo mond (en anglés Statue of Liberty o Liberty Enlightening the World, respectivament) es un dels monuments mai famós de Nòva York, dels Estats Units e del monde. Es situada a Nòva York subre la petita illa de Liberty Island (Illa de la Libertat), al sud-èst de Manhattan, a l'embocadura del riu Hudson e a proximitat de l'illa Ellis.
Foguèt un present de França al sègle XIX per la celebracion del centenari de l'independéncia dels Estats Units e un signe d'amistat entre ambedós estats; foguèt inaugurada lo 28 d'octobre de 1886 en preséncia del president dels Estat Units d'aquesta epòca, Grover Cleveland. Lo monument venguèt un simbòl de benvenguda pels immigrants europèus que cercavan la libertat o d'oportunitats pel nòu continent, pr'amor que sovent èra la primièra causa que vesián aprèp la traversada de l'Ocean Atlantic, tal un simbòl universal de la libertat. Foguèt realizada per l'escultor Frédéric-Auguste Bartholdi e l'engenhaire francés Gustave Eiffel dessenhèt l'estructura intèrna[1].
Nòtas
[modificar | Modificar lo còdi]- ↑ UNESCO staff. «Statue of Liberty», 1984. [Consulta: 5 de juliol de2008]