Piastra
La piastra èra la moneda d'usança de l'Empèri Otoman e de la Republica de Venècia au sègle XVI dins sei fondegues dau Levant. Era facha de bronze.
Popularament, en dialècte marselhés de l'occitan, la piastra designa tota mena de moneda. Aquest usatge s'es espandit au francitan parlat a Marselha.
De notar tanben que dins lo francés d'America dau Nòrd, en Quebèc coma Loïsiana, la piastra es lo nom donat au dollar locau, canadian ò deis Estats-Units.
Dau temps de l'Indochina francesa, la moneda locala se disia la Piastra indochinesa, que donèt son nom a n'un dei grands escàndous de la Quatrena Republica Francesa.
Encuei, lei sotas divisions de nombrosei monedas d'ancianei provincias otomanas s'anomenan piastras.
