Orinoco
| Mouth of the watercourse | Delta Amacuro  |
|---|---|
| Conchi hidrogeno | Laman Karibe |
| Basin country | Venezuela |
| Kontinente | Sur Amérika |
| Pais | Venezuela, Colombia |
| Koordinato geográfiko | 8°33′36″N 60°30′0″W, 2°19′5″N 63°21′42″W |
Orinoco ta un riu na Venezuela i un di e riunan mas importante na Sur Amérika. E ta origená na Sierra Parima (den region suitwest di e sierra di Guyana), serka di e frontera ku Brasil. Despues susesivamente e riu ta hasi birada rònt di e eskudo di Guiana, ta forma e frontera ku Colombia pa kasi 400 kilometer, ta pasa stret dor di Venezuela na ost i finalmente ta desemboká den Oséano Atlántiko serka di Trinidad i Tobago. E fluho di e riu ta kubri Venezuela pa 65% i Colombia pa 35%. E estuario ta un delta di riu enorme (41.000 km²) ku mondi i selva. E riu ta 2.140 kilometer largu[1]; e ta e di kuater mas largu na mundu i e di dos mas largu na Sur Amérika tras di Amazona. Den temporada di awaseru e riu Orinoco por bira 22 kilometer hanchu i 100 meter hundu.
E riu ta pa gran parti nabegabel (e nòmber ‘Orinoco’ na idioma Warau literalmente ta nifiká lugá ku por nabegá: barkunan grandi ku ta bai laman por yega Ciudad Bolívar, 435 kilometer for di kosta).[2][3] Orinoco i su afluentenan ta e sistema prinsipal di transporte pa Venezuela oriental i interior i pa e yanonan di Colombia.
E fondo di e riu Orinoco tambe ta importante ekológikamente. E ta e úniko habitat di e kaiman Orinoco (Crocodylus intermedius). Esaki ta un di e reptilnan mas raro na mundu, ku ménos ku 250 ta biba den naturalesa. E ta tambe kas di dòlfeinnan di riu Amazona (Inia geoffrensis).
Fuente, nota i/òf referensia
|