Aryabhata ël vej

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Aryabhata Matemàtich e astrònom indian. Aryabhata ël vej a l'era nassù an Kashmir anviron dël 476. A l'ha vivù a Kusumapura (ancheuj Patna) e a l'é mòrt anviron dël 550. A l'é conossù da j'àrabo con ël nòm d'Aryabha e ant l'Euròpa dl'età ëd mes a lo ciamavo Ardubarius. Sò travaj Aryabhata a l'ha studià la trigonometrìa e a l'ha costruì na tàula dij sen e dij cosen, an pijand 3438 tanme valor dël raj dël sercc, an dasend a π ël valor ${\frac {62832}{20000}}$, visadì 3,1416. Për oten-e ës valor, a l'ha scrivù che si a a l'é ugual a la banda d'un polìgon regolar d'n bande anscrivù ant un sercc ëd diàmeter unitari e b a l'é la banda d'un polìgon regolar anscrivù ëd 2n bande, antlora $b={\sqrt {{\frac {1}{2}}-{\frac {1}{2}}{\sqrt {1-a^{2}}}}}$. A l'ha trovà ëdcò d'arzultà ëd trigonometrìa sférica. A l'ha anandià l'arserca ëd solussion antreghe dl'equassion ax+by=c ant j'incògnite x e y, ma a ventrà speté Brahmagupta për trové na solussion sodësfasenta. A pòrto sò nòm Aryabhata a l'é stàit ël nòm dàit al prim satélit artifissial dl'India, fàit parte ai 19 d'avril 1965. Euvre prinsipaj Aryabhatiya. A l'é n'euvra d'astronomìa, dont ël ters capìtol a l'é dedicà a la matemàtica.

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi