Brasil

	Artìcol prinsipal an lenga piemontèisa
	Version an parlà locaj: Astësan Bielèis Canavzan Langhèt Lissandrin Monfrin Noarèis Valsesian Valsusin
	Për amprende a dovré 'l sistema dle parlà locaj ch'a varda sì

Drapò dël Brasil Ël Brasil a l'é na repùblica federal e pressidensial ëd l'América meridional. La nassion La nassion a l'ha 180 milion d'abitant e n'àrea d'8.514.876 kmq. La capital a l'è Brasilia. Tacà al Brasil a-i son la Colombia, ël Venessuela, la Gujan-a, ël Suriname, la Gujan-a Fransèisa, l'Uruguay, l'Argentin-a, 'l Paraguay, la Bolivia e 'l Perù. A l'é bagnà da l'océan Atlàntich. A l'é fàit da 26 ëstat federaj e un distret federal. Sò nòm a riva da col ëd na pianta: ël pau brasil (Caesalpinia echinata). Ij brasilian Ël Brasil a l'è abità da 180 milion ëd përson-e. La mità dj'abitant a l'é origenaria dl'Euròpa, j'àutri a sòn mòro, metiss, asiàtich (Giaponèis, Cinèis, Corean) e Indian d'América (Indios an Spagneul e Portughèis). Al 20% ëd la popolassion a l'é d'orìgin italian-a, an gran part dal Véneto, dël Trentin e dal Friul. Etnìe Ant ël nòrd-est ij brasilian a son metiss e néir. Ant ël nòrd la gran part dj'abitant a l'è metissa ò india. Ant ël sud a son ëd dissendensa europenga. J'indian d'América a son 700.000 e a stan ant le foreste dl'Amassònia. Religion Catolicésim 74% Protestantésim 15% Ortodossìa, Bodism, Ebraism, Islamism, religion tradissionaj e animìste 11%. Stòria Dal 1964 al 1985 a-i é staje na ditatura militar. Dël 1985 a l'é tornaje la democrassìa. La constitussion a l'é dël 1988. Conomìa Ël Brasil a fa part dël Mercosur. La moneda a l'é ël real. A la fin dël 2012, l'anflassion a l'era dël 5,3% e la disocupassion sota al 6%. Ël Brasil a l'ha ël sest prodot anterior ëspòrch dël mond (col ch'a fa stantun për abitant). A l'é ël ters esportator agrìcol mondial e ël prim produtor ëd cafè, polastr, giuss ëd portugal, carn ëd beu. Cheidun-e ëd soe amprèise, tanme Petrobras o Vale, a son dij gigant mondiaj. Sità Le sità amportanti a resto: Brasilia, la capital dal 1960. São Paulo Rio de Janeiro, la veja capital. Curitiba, con 1.808.969 abitant. Belo Horizonte Manaus ant l'Amassònia Organisassion polìtica Ël president a l'é Jair Bolsonaro (dal 1m ëd gené 2019). Stat federaj Acre Alagoas Amapà Amazonas Bahia Cearà Distret Federal Espìrito Santo Goiàs Maranhão Mato Gross Mato Gross dël Sud Minas Gerais Parà Paraìba Paranà Pernamboch Piauì Rio de Janeiro Rio Grande dël Nòrd Rio Grande dël Sud Rondònia Roraima Santa Catarina São Paulo Sergipe Tocantins Anliure esterne Altri progetti Wikimedia Commons Wikimedia Commons a conten figure o àutri archivi su Brasil

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi