Ludwik Zamenhof

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Ludwik Lejzer Zamenhof Ludwik Lejzer Zamenhof (Ludwik Łazarz Zamenhof) a l'era nassù a Białystok ai 15 dë dzèmber dël 1859 e a l'é mòrt a Varsavia ai 14 d'avril dël 1917. A l'é ël creador dla lenga ausiliara antërnassional Esperanto. Zamenhof a l'é chërsù ant la sità 'd Białystok (che adess a l'é ant ël teritòri dla Polònia, ma a col temp l'era gionzù a la Russia), anté ch'as parlavo vàire lenghe diferente e a-i era 'd dificoltà ëd capisse antra le vàire colture. Sòn a l'ha possalo a sërché na solussion al problema, e con ël passé dj'agn a l'ha dësvlupà l'Esperanto, con un process longh e laborios. Zamenhof a l'ha seghità ij sò sfòrs malgré l'aparission dël Volapük dël 1879, arsultà dël travaj ëd n'àutr antërlenghista, Johann Martin Schleyer, con ël but ëd creé na lenga antërnassional. Zamenhof a appressiava ël Volapük, ma ij problema ch'a-i ero con costa lenga a lo cissava a continué con ij sò proget. A la fin, dël 1887 e con l'agiut econòmich ëd sò pare, a podìa publiché në studi anté ch'a smonìa ij prinsipi ëd soa lenga antërnassional, sota lë stranòm Dr. Esperanto (paròla ch'a l'é vnùita ël nòm ëd soa creassion). Ij sò tre fieuj a son ëstàit massà dai nasista durant la Sconda Guèra Mondial, dagià che la famija Zamenhof a l'era ebrea.

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi