Monzeugh

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Monzeugh Stat: Italia Region: Piemont Provincia: Provincia ëd Lissandria Nòm 'n italian: Montegioco Coordinà: Latitudin: 44° 50′ 30.1′′ N Longitudin: 8° 57′ 45.7′′ E Autëssa: 197 m s.l.m. Surfassa: 5,45 km² Abitant: 319 (2017) Comun dj'anviron: Avolasca, Còsta, Monlià, Montmarsen, Sarzòu, Sregh CAP: 15050 Prefiss tel.: 0131 Còdes ÌSTAT: 006107 Còdes fiscal: F518  Sant protetor: san Fortunà e Santa Maria  Festa dël borgh: 1m ëd giugn e 15 d'ost  Sit istitussional Monzeugh (Montegioco an italian) a l'é un comun dël Piemont ëd 319 abitant , ant la provinsa ëd Lissandria. As treuva ant la region dij Còj Tortonèis ch'a fan part dël pre-Apenin lìgur-piemontèis. Sò teritòri a comprend le colin-e ch'a separo la val dël torent Gruve da cola dël torent Cròu. Stòria La frassion Palass Ant l'Età 'd Mès Monzeugh a fasìa part dij teritòri sota la giurisdission dla Comun-a 'd Torton-a. Un castel a l'era anfeodà a la famija tortonèisa dj'Opisson, dont na branca a l'ha pijà 'l tìtol dë sgnor ëd Monzeugh. A l'é stàit teren ëd conflit antra le fassion locaj dij Guelf e dij Ghiblin, tant che dël 1305 a l'é stàita passà an consegna a j'àrbiter milanèis Dla Tor, ch'a l'han liberà ij përzoné ant la galera dël castel. Dël sécol sucessiv, Monzeugh a intra ant ël feod ëd Garbagna, goernà da la famija Fiesch e peui dai Dòria, ma an sborsand na gran quantità ëd sòld a la Ciambra Ducal ëd Milan a oten soa andipendensa da minca forma 'd vassalagi feodal. Epura, dël 1647 a passa torna an feod a la famija Bussé, ch'a tnisìa an feod ëdcò ël Marchesà d'Avolasca e a resterà sota ij Bussé fin a l'estinsion dël feodalesim dël 1797. Contut ch'a sìa stàita butà sota la protession ëd re Carl Emanuel III ëd Savòja da j'agn Trenta dël Setsent, a l'é mach dël 1815 - d'apress a la fin dla dominassion fransèisa dl'Imperi 'd Napoleon Bon-a-part - che Monzeugh a intra ant ël Regn ëd Sardëgna ant la Divison (peui Provinsa) ëd Lissandria, ant la Provinsa (peui Sircondari) ëd Torton-a e ant ël Mandament ëd Volped. Aministrassion Ël sìndich a l'é Ireneo Fornasari (dal 26/05/2014, dagià sìndich dal 2004 al 2009). Anliure esterne Sit istitussional Arferiment Panorama dle colin-e davzin a Monzeugh

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi