Aiuto:Bovègne
Don't speak Tarantino? >> Leggi qui · Read here · Lee aquí · Lisez ici · Lies hier · Leia isto · Прочти это · Читай це · 請看這裡 · 请看这里
Bovègne sus'a tara.wiki, 'a versione 'ndarandine de Uicchipèdie, 'na 'ngeclopedije addò tutt'u munne pote scrivere.
Tutte quande ponne crià' 'na pagena nóve o accunzà' 'n'ótra pagene; pe' ffà' scè' 'nnanze 'stu pruggètte, s'abbesogne de cchiù cristiáne, ma sèmbe reverescènne le réule e usanne 'u bone sienze.
Probbie piccè stè apète a lle contrubbute de tutte quande, pure de le cristiáne sckuresciúte, Uicchipèdie no' pó ddà' nisciuna garanzije e ssecurèzze de le cundenute suje. Pure ce le crestiáne ca stonne vòlene fà' le cose aggarbáte, pote èssere ca 'na paggene avéve accunzáte o 'nguajáte da panarijdde, 'llegale o proibbite d'a lègge e da l'ausànze d'addò 'a comunetáte cambe.
Pe' ffavore, ligge bbuéne-bbuéne 'u disclaimer e arrecuerdete ca le 'mbormazziune ca stonne pòzzene sule jèssere ausáte pe' ccose de canoscènze.
Accume ausà' Uicchipèdie
[cange • cange 'a sorgende]
|
Pe approfondimende, 'ndruche 'a vôsce Help:Esploranne Uicchipèdie. |
Puè naucà' trasènne ìnd'a Pagene Prengepále e ppetecànne 'u link a 'n'argumiende ca te 'nderèsse.
Ce mméce stè vè acchiànne 'na cose cchiù parteculáre, mitte vune o cchiù parole ìnd'a casèlle ca stè a mmanghe (tramiende 'a fote) e ccazze sus'u pulsande vè:
- ce quidde ca vè acchiànne ha state già scritte, t'appáre subbete-subbete
- ce vè acchiànne 'na parole ca stè jndr'a cchiù vôce, 'a puè acchià cazzànne sus'u pulsande revìste
- (vî ca 'a paggene de revìste avéne automatecamènde ce quanne cazze vè no' avéne acchiáte nijnde).
Vuè cu pprove a scrivere?
[cange • cange 'a sorgende]'Nnanzetutte no' jè cumblecáte, avàste pruà' e ffà' accum'a ll'ôtre. Ce vuè cu fface do' assàgge sènze "'ngujà'" 'na vôce d'a 'ngeclopedije, sciuéche a ppruvà' ìnd'a paggene de l'assàgge. Ind'a quèdda paggene puè 'nzagàrte cu l''editing de quidde ca vuè o pruà' tutte le cumànne d'accunzamijnde. Ce preferisce pruà' accunzànne 'na paggene ca stè ggià (accume 'sta 'qquà), copie e 'nzècche 'u cundenute suje jndr'â paggene de l'assàgge e càngele accume vuè. Pe' canòscere tutte cose abbesogne accumenzà' a partecepà' ô pruggètte nuèstre, japre 'a paggene Guida tèrra-tèrre.
Accume collaburà' cu Uicchipèdie
[cange • cange 'a sorgende]
Stonne 'nu sacche de manére pe' cundrembuire a Uicchipèdie. 'U cchiù sèmbrece jè scrivere 'na vôcia nôve ìnd'â 'ngeclopedije o dà' 'na máne a qquèdde ca stonne già. Te 'mmintiáme a llìggere le Canune fundamendále.
Attiende, però:
- Nisciuna violazzione de copyright
- Uicchipèdie no' jè 'nu dizziunarie
- Uicchipèdie no' jè 'nu sciurnále
- Nisciune revìste uriggenále
- Nisciune curriculum persunále o promozziunále
Tutte l'ôtre manére pe' condribuì l'acchie ìnd'a 'ste paggene:
Angore no' ssi reggestráte?
[cange • cange 'a sorgende]Ce vuè cu ppartècepe sèmbe a Uicchipèchie, magáre screvènne 'nguarche vôce o partecepànne a lle descussiune, 'a reggestrazzione è 'nu sacche utele.
Le vantagge d'èssere reggestráte so:
- tenè' 'n'elènghe de tutte le probbie condrebbute condrebbute
- tenè' 'na paggena persunále cu tte presènde
- tenè' 'na paggene de discussione pe' pparlà' cu ll'ôtre crestiáne
- putè' mèttere 'mmaggene e file multemediále 'ngènere
- putè' spustà' le paggene, cangiànne 'u nome
- putè' accunzà' le paggene temboraneamènde protètte da 'ngujamiende sckuresciúte
- putè' vedè' lèste-lèste tutte le cangiamiende de le paggene cu 'a funzione Tramendamiende speciále
- tenè' 'na reservatèzza granne; reggestrànnese no'nge esse cchiù 'u indirizzo IP, ca però rumáne a desposezzione de le check user ìnd'u case de 'ngujamiende (tramiende aqquà)
Vôce curreláte
[cange • cange 'a sorgende]- Aiute
- Guida tèrra-tèrre
- Galateo
- A proposito di Wikipedia
- Purtále:Comunetáte
- Le Cinghe Pelàstre de Uicchipèdie
Ce 'nguarchecose no' jè bbone, no'nge te 'ngarre de stà' aqquà o comungue abbesogne angore d'aiute, l'acchie ìnd'ô banghe 'mbormazziune o ìnd'ô bar ca éte 'na chiazze addò se 'ngondrene tutte le crestiáne de Uicchipèdie. Oppure puè cundattarne 'ndande manére.