Madrid

Madrid
Madrid; Capitale
	(ES) Madrid
	(dettaglie)
	Madrid – VedutaViste panorameche de Madrid
Localizzazione
State	Spagne
Comunitate autonoma	Madrid
Provinge	Non presente
Amministrazione
Alcalde	José Luis Martínez-Almeida (PP) da 'u 15/06/2019
Territorie
Coordinate	40°30′00″N 3°40′24″W
Altitudine	663 m s.l.m.
Superficie	604,3 km²
Crestiàne	3 223 334 (2019)
Denzetà	5 334 ab./km²
Comuni 'nzeccate	Alcobendas, Alcorcón, Colmenar Viejo, Coslada, Getafe, Hoyo de Manzanares, Leganés, Majadahonda, Paracuellos de Jarama, Pozuelo de Alarcón, Rivas-Vaciamadrid, Las Rozas de Madrid, San Fernando de Henares, San Sebastián de los Reyes, Torrelodones, Tres Cantos
Otre 'mbormaziune
Lènghe	spagnole
Cod. postale	28001–28081
Prefisse	91
Fuse orarie	UTC+1
Codece INE	28079
Targhe	M
Nome javetande	madrileni (madrileños)
Patrone	Isidoro l'Agricoltore, Virgen de la Almudena
Cartografije
	Madrid
	Madrid – Mappa
Site istituzionale
	Cange le date sus Uicchidate · Manuale

Madrid^[3] jè 'a capitale d'a Spagne, e capeluèche d'a omonime provinge. Le abitande sonde chiamate madrilene (madrileños jndr'ô spagnole).

Jè pure 'u comune cchiù populose d'u Paise, 'u terzo de l'Aunione europee, dope Londre e Berline.

Se iacchie jndre l'altipiane d'a Meseta, jè une de le capitale cchiù ierte d'Europe, truvannose a 667 metre de altitudine (sule Andorra la Vella, capitale d'Andorra se iacchie cchiù ierte, a 1.070 m d'altitudine).

Populazzione

Evoluzione 1897 - 2004
Anne	Totale comune	Totale provinge	Percenduale (%)
1897	542.739	730.807	74,27
1900	575.674	773.011	74,47
1910	614.322	831.254	73,90
1920	823.711	1.048.908	78,53
1930	1.041.767	1.290.445	80,73
1940	1.322.835	1.574.134	84,04
1950	1.553.338	1.823.418	85,19
1960	2.177.123	2.510.217	86,73
1965	2.793.510	3.278.068	85,22
1970	3.120.941	3.761.348	82,97
1975	3.228.057	4.319.904	74,73
1981	3.158.818	4.686.895	67,40
1986	3.058.812	4.780.572	63,98
1991	3.010.492	4.647.555	64,78
1996	2.866.850	5.022.289	57,08
2001	2.938.723	5.423.384	54,19
2004	3.099.834	5.804.829	53,40
2007	3.232.463	6.043.031	56,90

'A populazzione de Madrid have subbite 'nu granne aumende da quanne 'a cetate jè devendate capitale d'a Spagne. Quiste aumende jè state particolarmende segnefecative durande 'u XX sèchele, causate d'a granna quantità de immigrate, sie naziunale ca estere, ca se sonde spannute jndr'à cetate.

A partire da le anne settande, 'a cetate de Madrid have iniziate a perde populazzione, 'nu fatte ca s'è 'nvertite a l'inizie d'u XXI sèchele grazzie a 'u forte aumende de l'immigraziune. Seconne l'Istitute de statisteche spagnole jndr'ô 2004 Madrid tèneve 3.099.834 crestiáne, cu 'nu aumende de 161.111 aunità respette a l'urteme censimende naziunale ca have pigghiate luèche jndr'ô 2001. Ce se conzidere l'aree metropolitane 'a populazzione arrive a 5.603.285 crestiáne^[4].

Divisione amministrative

File:Distritos Madrid.jpg

Distrette de Madrid

Madrid jè scucchiáte amministrativamende jndre 21 distrette, ca a lòre vote sonde scucchiáte jndre barrios:

Centro: Palacio, Embajadores, Cortes, Justicia, Universidad, Sol.
Arganzuela: Imperial, Acacias, Chopera, Legazpi, Delicias, Moguer, Atocha.
Retiro: Pacífico, Adelfas, La Estrella, Ibiza, Los Jerónimos, Niño Jesús.
Salamanca: Recoletos, Goya, Fuente del Berro, Guindalera, Lista, Castellana.
Chamartín: El Viso, Prosperidad, Ciudad Jardín, Hispanoamérica, Nueva España, Pza. Castilla.
Tetuán: Bellas Vistas, Cuatro Caminos, Castillejos, Almenara, Valdeacederas, Berruguete.
Chamberí: Gaztambide, Arapiles, Trafalgar, Almagro, Vallehermoso, Ríos Rosas.
Fuencarral-El Pardo: El Pardo, Fuentelarreina, Peñagrande, Barrio del Pilar, La Paz, Valverde, Mirasierra, El Goloso.
Moncloa-Aravaca: Casa de Campo, Argüelles, Ciudad Universitaria, Valdezarza, Valdemarín, El Plantío, Aravaca.
Latina: Los Cármenes, Puerta del Angel, Lucero, Aluche, Las Águilas, Campamento, Cuatro Vientos.
Carabanchel: Comillas, Opañel, San Isidro, Vista Alegre, Puerta Bonita, Buenavista, Abrantes.
Usera: Orcasitas, Orcasur, San Fermín, Almendrales, Moscardó, Zofio, Pradolongo.
Puente de Vallecas: Entrevías, San Diego, Palomeras Bajas, Palomeras Sureste, Portazgo, Numancia.
Moratalaz: Pavones, Horcajo, Marroquina, Media Legua, Fontarrón, Vinateros.
Ciudad Lineal: Ventas, Pueblo Nuevo, Quintana, La Concepción, San Pascual, San Juan Bautista, Colina, Atalaya, Costillares.
Hortaleza: Palomas, Valdefuentes, Canillas, Pinar del Rey, Apostol Santiago, Piovera.
Villaverde: San Andrés, San Cristobal, Butarque, Los Rosales, Los Ángeles
Villa de Vallecas: Casco Histórico de Vallecas, Santa Eugenia
Vicálvaro: Casco Histórico de Vicálvaro, Ambroz
San Blas: Simancas, Hellín, Amposta, Arcos, Rosas, Rejas, Canillejas,
Barajas: Alameda de Osuna, Aeropuerto, Casco Histórico de Barajas, Timón, Corralejos

Madrid Capitale

'A capitalità, cu le soje evidende assette spaziale, funziunale e fisionomeche, costituisce l'elemende differenziande de Madrid ce se fàce 'nu rapporte cu 'u reste de le cetate spagnole, stù fatte, pè condre, tremènde 'a cetate ad otre capitale europee cumme Parigge, Londre o Vienne. Jè evidende ca 'a strutture stesse d'a cetate ed 'a soje conversione jndre 'na granna metropole jè 'n mode assolute aunite a l'istituzionalità d'a capitale, inoltre, 'a soje aree metropolitane, le conferisce 'nu carattere distindive, ca 'a fàce devendà deverse da otre granne cetate non capitale.
Fine ad 'u 2006, comungue, 'a specialità de Madrid capitale, non g'ere recanosciute pè quanne reguarde le aspette logisteche e urbanisteche. Da quèdde anne, attraverse 'a diffusione d'a "Ley de Capitalidad y Régimen Especial de Madrid", 'a capitalità de Madrid jè recanosciute ufficialmende da ô state spagnole.

Clime

'U clime de Madrid jè de tipe mediterranee continendale e jè 'nfluenzate assaje da le condizione urbane. Le inverne sonde piuttoste frische, cu temberature spesse cchiù vasce de le 4-5°, e cu gelate frequende e nevicate occasionale. Le estate sonde assaje calde cu temberature medie ca superane le 24° a luglie ed agoste, cu massime ca spesse pòtene arrevà fine a 35°.

**Osservatorie d'u Parque d'u Retiro**
1971-2000	sce	feb	mar	abb	más	giu	lug	ago	set	ott	nov	dic	TOTALE
Medie de le temb. massime (°C)	9,7	12,0	15,7	17,5	21,4	26,9	31,2	30,7	26,0	19,0	13,4	10,1	19,4
Medie de le temb. minime (°C)	2,6	3,7	5,6	7,2	10,7	15,1	18,4	18,2	15,0	10,2	6,0	3,8	9,7
Precipitaziune (mm)	37	35	26	47	52	25	15	10	28	49	56	56	436

**Osservatorie de l'Aeroporte de Barajas**
1971-2000	sce	feb	mar	abb	más	giu	lug	ago	set	ott	nov	dic	TOTALE
Medie de le temb. massime (°C)	10,6	12,9	16,3	18,0	22,3	28,2	33,0	32,4	27,6	20,6	14,7	11,0	20,6
Medie de le temb. minime (°C)	0,3	1,5	3,2	5,4	8,8	13,0	16,1	16,0	12,7	8,3	3,8	1,8	7,6
Precipitaziune (mm)	33	34	23	39	47	26	11	12	24	39	48	48	386

Economije

Hagghie canosciute 'nu granne sveluppe economeche da quanne fù scelte accume capitale d'u regne, ad 'a funziune amministrative ca svolse da quèdde periode, accenduate da 'u carattere cendraliste d'u guverne de le Borbone, se aunì 'nu granne sveluppe 'ndustriale a partì d'a metà d'u XX sèchele, specialmende jndre le settore chìmeche e metallurgeche e otre settore cunnesse cu le conzume urbane de tecnologgie avanzate, cumme 'a meccaneche de precisione, l'elettroneche ed 'a chìmeche farmaceuteche.

Jndre le urteme anne a le tradiziunale attività amministrative e finanziarie se sonde aunite otre attività legate ad 'u turisme, ad 'a culture e ad 'u divertimende, 'u punde cchiù ierte de stù prucesse s'è avute cu 'a nomine de Madrid cumme capitale europee d'a culture.

'A Reggione de Madrid

Pè quidde ca pòte reguardà quèste reggione, Madrid jè capeluèche de une de le 17 reggione autonome (comunidades autonómas jndr'ô spagnole) d'a Spagne.
Se iacchie ad 'u cendre d'a Penisole ibereche, otre luèche 'mbortande sonde Alcalá de Henares, San Lorenzo de El Escorial, e Aranjuez.
'A reggione se spanne pè 'nu territorie de 8.028 km² e tène 5.527.152 crestiáne (censimende d'u 2003).

Luèche de 'nderesse

'Mbrà le luèche ca s'onne da visità se recordane, 'u Musee d'u Prado, 'u Musee Thyssen-Bornemisza, 'u Cendre de arte d'a reggine Sofía (addò se iacchie 'u famuse Guernica de Pablo Picasso), 'u Palacio Real, 'a Puerta del Sol jndre cui se iacchie 'a placche d'u chilometre zere (ausate pè 'u calcule de le distanze jndr'ô State spagnole) e jndre cui le madrilene se reauniscone ogne fine de l'anne pè aspettà 'u nuève anne mangianne 'nu chicche de uve pè ogne de le dodèce rendocche d'a menzanotte, 'a vicine "Plaza Mayor" (jndre cui totte le week-end se iacche 'u mercatine numismateche e, jndr'ô periode natalizie, quidde de le presèpe), 'u Parche d'u Retiro, e jndre vicinanze 'u monastere e 'u palazze d'u Escorial, Santa Cruz d'a Valle de los Caídos e le cetate de Toledo, Segovia, Ávila e Aranjuez. Da segnalà, specialmende a le turiste tagliàne, 'a piccele chièse dedicate a san Nècole de Bari, jndr'à zone de Plaza Mayor.

'U nuclee urbane origgenarie ca se iacchie a le 'nderne de le mure andiche non g'aví subite cangiaminde segnefecative fine ad 'a metà d'u 800, timbe jndre 'u quale se squasciarene case e cunvende pè crià nuève strade e chiazze.
Jndr'ô inizie d'u 1900 'a cetate tenève comungue angore pè 'na bbuène parte l'aspette d'a vècchie cetate.

Jndre le prime 30 anne d'u XX sèchele 'a populazziune quase devende 'u doppie sfiuranne 'u miglione de crestiáne.
'U spanneminde d'a cetate fàce sì ca fòssere scaffàte alcune pajèsere ca se iacchievane luènghe le vie de comunecazziúne prengepale, fine a quèdde momènde scucchiàte d'a capitale: verse sud Carabanchel, verse nord Chamartin, verse Valencia Vallecas, verse Zaragoza Vicalvaro e Canillas, e verse Burgos Fuencarral.

Nuève pajèsere cumme Ventas, Tetuan o 'u Carmen cògghierene 'u cete proletarie proveniende d'a cambagne, mendre jndre le quartiere ottenute jndre 'u cendre cu le allargamende e le demolizzione se 'nstallave 'a borghesie.

Jndr'ô stesse periode de timbe se aprì 'a Gran Via cu l'obbiettive de decongestionà 'u cendre storèche e jndr'ô 1919 se inaugurò 'a metropolitane.

'A uerre civile hagghie recate assaje danne ad 'a cetate, specialmende jndr'à zone de nord-est, successivamende 'a cetate jè devendate ulteriormende cchiù granne cògghienne otre municipie, passanne da le 66 km² a le 607 km² attuale.

Jndr'ô 1963 'u piane regolatore metropolitane diéde inizie a ll'opere de decendramènde, crijanne nuève municipie metropolitane cumme Alcorcón, Alcobendas, Coslada, Getafe, Leganés, San Sebastián de los Reyes e San Fernando de Henares.

'Nu nuève chiane regolatore jndr'ô 1985 hagghie condinuate jndre ll'opere de decendramènde propùnenne pure 'u recupere d'u fiume ca attraverse 'a cetate, 'u Manzanarre.

Jndre le urteme anne 'a populazziune jè 'n avvascemènde a cause specialmende de ll'aumende de le prezze de le càse.

Madrid jè servite da l'aeroporte 'ndernaziunale de Barajas e, pure ce tène 'na populazziune de cirche 3 miglione de crestiáne, tène une de le cchiù sviluppate rezze de metropolitane d'u munne, cu dodèce linee.

Turisme a Madrid

Pe approfondimende, 'ndruche 'a vôsce Turisme jndr'à Spagne.

Luèche da vedè

Edifice e monumende

Sede d'a *Compañía Colonial*, a 'u n. 46 d'a *Calle Mayor*

'U Palazze Reale de Madrid (Palacio Real de Madrid)
'U Templo de Debod
'A Cattedrale de l'Almudena
San Francisco el Grande
San Jerónimo el Real
'A fuente de Cibeles
'A fuente de Neptuno
'A Puerta de Alcalá
'A Puerta de Toledo
'A Fábrica de Tabacos
'U Palazze de El Pardo
'U Tiatre Real
'U Banghe de España
'U Ponde de Toledo
'U Ponde de Segovia
L'arene de Las Ventas

Ce stonne assaje palazze e grattacièle d'u XX sèchele, specialmende jndr'ô distrette finanziarie:

Torrespaña
'A Torre de Madrid
L'edifice España
Las Torres Blancas
'A Torre Picasso
Le Torre Puerta de Europa
'A Torre Windsor (Distrutte da 'nu incendie 'u 12 febbrare 2005 e demolite)
'A Torre d'u Banghe de Bilbao

Musee e gallerie

'U Musee d'u Prado
'U Musee Thyssen-Bornemisza
'U Musee Nacional Centro de Arte Reina Sofía (addò jè esposte l'opere Guernica de Pablo Picasso)
'U Musee Arqueológico Nacional de España
'U Monastere de las Descalzas Reales
'U Monastere de la Encarnación
'U Musee de Ciencias Naturales
'U Musee Nacional d'u Ferrocarril
'U Museo Municipal

Zone commerciale

A cause de le numerose luèche de 'nderesse storèche, totte 'a cetate offre 'nu numere 'nfinite de possibilità commerciale. Nonostande quiste stonne zone assaje speciale, reservate a marche assaje famuse cumme le vie Preciados/Carmen e Serrano/Goya.

Parche e sciardine

'U laghette artificiale d'u *Parque del Retiro*

Le sciardine d'u Cambe de'u More, ca se iacchiene rrète 'u Palazze Riale
'U Palacio de Cristal de la Arganzuela
'U Parque del Retiro jndre stù parche se iacchie 'u Bosche de le scumbarse
'A Càse de Campo
'U Parque del Oeste jndre stù parche se iacchie 'u Tembie de Debod
'U Parque del Capricho
'U Real Jardín Botánico de Madrid
'U Parque Juan Carlos I
'A Dehesa de la Villa

Otre puèste de 'nderesse

Otre luèche de 'nderesse sonde:

'U quartiere de Chueca, cu 'na 'mbortande comunità gay.
Le numerose locale addò jè possibbele ballà 'u flamenco.
'U Parque del Buen Retiro addò ogne dumèneche, a le pide d'u monumènde a Alfonso XII de Spagne, avviene 'nu ingondre 'mbrà decine de percussioniste madrilene e afro-americane e gruppe de sciucoglière.

Vite notturne

Plaza Dos de Mayo, 'u luèche pe se retrovà preferite pè le uagnune de *Malasaña*

Madrid jè particolarmende canosciute pè 'a vite notturne soje, o movida madrileña (pè 'a quale s'aví adoperate assaje 'u defunde alcalde Galván), e pè le soje discoteche, ca sonde comparesciute da totte le parte dope 'a muèrte de Francisco Franco. Fine jndre epoche recende, non g'ere 'nu fatte strane assaje pè le madrileños ballà totta 'a notte, fare 'a colaziune cu chocolate y churros, turnà a casa, farse 'na docce e scè ad 'u fatije.

Le zone cchiù vitale d'a cetate notturne sonde sicuramende quèdde cendrale, 'ndorne ad 'a "Puerta del Sol", chiazze "Santa Ana" e "Calle del Arenal" jndre cui stonne 'nu munne de discoteche 'mbrà cui 'u famuse "Joy Eslava" e 'u "Palacio de Gaviria". Me 'u tembie d'u divertimende pè eccellenze jè 'u "Kapital", discotèche a sette chiane ca se iacchie 'nzigne ad 'a staziune de atocha, nocanosciute non sule pè le ttrè differende piste da balle, 'nu chiane karaoke e deverse bar, me pure pè le fandasteche sciuèche de luce ed effette speciale ca accumbagnane 'a musèche. Otra canosciute discotèche jè 'u "Pachà" jndre Calle de Barcelò.

Otre luèche de 'nderessesonde 'u quartiere Malasaña, cu 'nu pubblèche alternative de uagnune, 'u quartiere Lavapiés, 'na zona multietneche.

Pè finì otre zona de movida notturne jè 'u quartiere de Chueca, quartiere ad 'a mode, cu 'nu munne de locale, ristorande e discotèche gay. 'A popolazziune lgtb se jè 'nsediate aqquà picche anne fa e hagghie trasfurmate 'u quartiere da 'na zone degradate a 'na zone ad 'a mode. Le madrilene dìcene ca le residende onne de gran lunghe preferite le piume a le siringhe (tener pluma jndr'ô spagnole segnefeche esse effeminate). Sonde state remodernate 'nu munne de edifice co 'nu conseguende aumende de le prezze. Inoltre, pure grazzie a le recende polìteche d'u guverne Zapatero, accume l'allargamende d'u matrimonie pure a coppie formate da partner d'u stesse sesse, Madrid se sta trasformanne jndre 'nu vere luèche de attrazione pè gay, lesbiche e trangender de totte l'Europe. Non ge sonde picche le Tagliàne ca la scelgone cumme residenze proprie pè quiste motive.

Trasporte

Aeropuerte 'ndernaziunale de Madrid-Barajas, terminal 4

'A cetate tène une de le metropolitane cchiù granne e spannute d'u munne. Ôsce a die 'a Metropolitane de Madrid (Metro de Madrid) jè 'a seconne rezze metropolitane de l'Europe occidentale e 'a seste a 'u munne cu ben 12 linee deverse.

Ce stè 'na rezze de autobus urbane, gestite da l'Empresa Municipal de Transportes, cu cchiù de 1900 veicole jndr'ô másce 2005.

Assaje madrilene d'a periferie ausane le servizie ferroviarie de superficie e le autobus pè scè jndr'à cetate e potè accussì ausà 'a metropolitane.

AVE Spagnole, trene a ierte velocità (350 km/h)

'A combagnie pubbleche de trasporte ferroviarie (Renfe) fatije jndre quase totte le linee de trene spagnole. Le staziune cchiù 'mbortande de Madrid sonde 'a Staziune de Atocha ed 'a Staziune de Chamartín. Jè 'n pruggette pè quèste decade (2001-2010) 'u spannamènde de le linee d'a ierte velocità (AVE, Alta Velocidad Española) cu l'obbiettive de diminuì a 'nu massime de 4 ore 'u timbe necessarie pè potè scè a Madrid da le otre cchiù 'mbortande cetate d'a Spagne.

Pe finì, l'Aeropuerte 'ndernaziunale de Madrid-Barajas, jè 'a puèrte aeropuertuale cchiù 'mbortande de totte 'a Spagne. L'aeropuerte cu 'u cchiù granne numere de vole derette pè l'Americhe Latine, hagghie tremènde fine ad 'u 2006 granne fatije de quagghiamende pè 'a realizzazione d'u Terminal T-4, 'nu vere e proprie aeropuerte a sé stande chiamate T-4 pè condinuità cu le 3 terminale de l'aeropuerte ca se iacchieve prime. Da 'u Masce 2007 pure 'u spannamènde T4 de l'aeropuerte de Madrid jè cullegate ad 'a cetate grazzie ad 'a fermate T4 d'a linee 8 d'u Metromadrid.

L'aeropuerte jè state luèche de 'nu disastre aeree 'u 20 aguste 2008, jndre cui 'nu aeree d'a Spanair, ca avéve da scè a le Isole Canarie, hagghie pigghiate fuèche jndr'à fase d'u decolle, provocanne 'a muèrte de cirche 150 crestiáne a borde.

Educazione e culture

'A Comunità autonome de Madrid jè sede de sèje università pubbleche. De quèste, quàtte onne facoltà jndr'à ll'aree metropolitane d'a cetate:

Università Complutense de Madrid (cu sede jndr'à Cetate universitarie de Madrid).
Università Autonome de Madrid ('u campus soje se iacchie a Cantoblanco).
Universidad Politécnica de Madrid (cu sede jndr'à Cetate universitarie de Madrid e otre facoltà jndr'ô Campus Sur a Vallecas e jndr'ô campus de Montegancedo 'mbrà Boadilla del Monte e Pozuelo de Alarcon).
Universidad Rey Juan Carlos (ca svolge 'a cchù granna parte de le soje attività a Móstoles, Alcorcón e Fuenlabrada).

A Madrid ce stonne pure 'nu munne de musee me le cchiù famuse e canosciute jndre totte 'u munne sonde:

Museo d'u Prado
Museo Nacional Centro de Arte Reina Sofía
Museo Thyssen-Bornemisza (Fundación Colección Thyssen-Bornemisza)

Otre luèche 'mbortande sonde:

'U CSIC Consejo Superior de Investigaciones Científicas - Conziglie Superiore de 'Nvestigaziune Sciendifiche.
'A Biblioteca Nacional de España.
Le deverse Accademie naziunale (Academias nacionales) ca stonne jndr'à cetate.

Sport

'U sport cchiù pratecate e seguite a Madrid, accussì cumme jndr'ô reste d'a Spagne, jè 'u calce. Le dò squadre cchiù 'mbortande d'a cetate sonde 'u Real Madrid e l'Atlético de Madrid; squadre canosciute de mene sonde 'u Rayo Vallecano ed 'u Getafe.

Jndr'à staggione calcisteche 2007-2008 'u Real Madrid e l'Atlético de Madrid sonde le dò squadre madrilene d'a Prime Divisione d'u Cambionate de calce spagnole (liga). Jndr'à Seconne Divisione B sciuèche 'nvece 'u Real Madrid Castilla.

Assaje canosciute jè pure 'a pallacanestre. Le dò squadre cchiù rappresendative d'a cettate , totte e dò jndr'à liga ACB, sonde 'u Real Madrid e l'Estudiantes.

'U Gire de Spagne de ciclisme (Vuelta Ciclista a España) quase sembre termine a Madrid, sie piccè jè 'a capitale, sie pè tradiziune.

Jndr'à atleteche, 'a combetiziune cchiù 'mbortande jè chiamate San Silvestre Vallecana, 'na maratone ca se celebbre ogne 31 de decemmre.

Candedature olimpeche

Madrid jè state candedate pè organizzà le sciuèche olimbeche d'a XXX Olimbiade de l'Ere Moderne jndr'ô 2012. Quèste candidature fù promosse da 'u sinnache José María Álvarez del Manzano e se jè sveluppate grazzie ad 'u soje successore, Alberto Ruiz Gallardón.

'U Comitate Olimbeche 'Ndernazionale, 'u 18 másce 2004, hagghie seleziunate jndr'à cetate svizzere de Losanna le cinghe cetate candidate ufficialmende a l'organizzaziune de le Sciuèche Olimbeche d'u 2012 (oltre Madrid pure Mosca, Londra, Parigge e New York). 'U 6 luglie d'u 2005, 'u Comitate Olimbeche 'Ndernazionale hagghie scelte 'na vote pè totte 'a cetate organizzatrice, e le sciuèche sonde state lassate organizzà da Londra. Madrid se jè classefecate terze.

'A capitale hagghe cchiù nnande pruvate n'otra vote de tendà 'na nuève candidature pè 'u 2016: me pure stà vote jè trasute jndr'à short list ('nzieme a Chicago, Tokyo, Rio de Janeiro) e jè finite seconne rrete ad 'a megalopole brasiliane.

Non ge se sacce se ce sarà 'na nuève candidature de Madrid pè 'u 2020.

Personalità legate a Madrid

Scienziate

Maslama e Madrid (Maslama al-Majriti, matemateche e astronome)
Juan Caramuel Lobkowitz (matemateche)
Andrés Manuel del Río (chìmeche)
Francisco J. Ayala (biologhe)
Ignacio Bolívar y Urrutia (naturaliste)
Gregorio Marañón (medice)
Mariano Barbacid (biochìmeche)
Eduardo Hernández-Pacheco (sciografe e storeche)
Manuel Tuñón de Lara (storeche)
Ramón Tamames (economiste)

Scretture

Felosofe

Polìteche

Museciste

Sportive

Artiste

Releggiose

Isidoro l'Agricoltore, lavoratore sande

Gastronomie

Le piatte cchiù famuse d'a cucine madrileña sonde le seguende:

Cocido madrileño
Callos a la madrileña
Sopa de ajo
Rosquillas tontas y listas
Casquería
Huesos de santo
Torrijas madrileñas

Feste locale

15 másce, feste de Sant'Isidoro (San Isidro). Patrune de Madrid.
9 novemmre, feste d'a Vergine d'a Almudena. Patrune de Madrid.

Gemellagge

Madrid jè gemellate cu:

Firenze
Damasco
Pechino
Belgrado
Berlino, da 'u 1988
Bordeaux, da 'u 1984
Bruxelles
Caracas
L'Avana
Lisbona
Managua
Cetate d'u Messiche
Mosca
Móstoles
New York
Nouakchott
Panamá
Quito
Rabat
Rome (Accorde 'ndernaziunale, non g'ète 'nu gemellagge)
San José
Santo Domingo
Tripoli
Varsavia
Manila
Buenos Aires

Gallerie fotografeche

Basileche de San Michele.
Convende de le Salesas Reales.
Cattedrale de Almudena.
Facciate prengepale d'u Musee d'u Prado.
San Francisco el Grande Basilica, Madrid.
Case d'a Villa.
Statue de le Monarche jndre 'a Plaza de Oriente.
Puèrte de Alcalá.
Palazze Reale de El Pardo.
Case Gallardo.
Chiese de San Ginés.
San Jerónimo el Real.
Chiese de Las Calatravas.
Quartiere generale de l'Ejército del Aire.
Viste d'u quartiere generale d'u Ministere Spagnole d'a Agricolture, d'a Pesche e d'u Mangiare.
Ospedale de Maudes.
Chese de San Manuel y San Benito.
Chiese collegate de Santa Bárbara.
Arco de la Victoria.
Plaza de España.

Note

↑ (ES) Madrid Economía 2014 (PDF), su madrid.es, Ayuntamiento de Madrid. URL conzultate il 18 agùste 2016.
↑ Spagnole
↑ Assaje s'è parlate sus a l'etimologgie d'u toponime ca pare derivà da 'u latine Matrīce (nome de l'andiche villagge e d'u fiume ca ve scurreve), passate cchiù nnande a l'arabe Majrìt. Cfr. Jaime Oliver Asin, Historia del nombre «Madrid», Madrid, Agencia Española de Cooperación Internacional, 1991.
↑ AUDES project 2007 statistical data

Vôsce cullegate

Attendàte de l'11 màrze 2004 a Madrid

Otre pruggette

Uicchiquote tène citazioni de oppure sus Madrid
Uicchimedie Commons tène files multimediale sus Madrid

Collegamende sus a indernette

(ES) (EN) (FR) (RU) (JA) (ZH) esMADRID.com, Portale ufficiale d'u Consiglie de Madrid
(ES, EN) Site ufficiale de l'aeropuerte de Madrid Barajas
Foto de Madrid
'U site ufficiale d'u Turisme e Commerce a Madrid
Viste de Madrid da 'u WikiSatellite a WikiMapia
Storie de Madrid
Sveluppe e storie d'a cetate de Madrid
"Renta en los Distritos de Madrid 1996"PDF, 1996, estratte 'u 7 Scennare 2006
" En algunos barrios de Madrid el 40% de la poblacion ya son inmigrantes " estratte 'u 7 Scennare 2006
'Na guide sus 'a storie naturale de Madrid
'Nderviste cu Juan Navarro Baldeweg a reguarde d'u Canal Theater de Madrid
'Nderviste cu l'artiste madrilene Pablo Valbuena

Spagne · Comune d'a provinge de Madrid

Ajalvir · Alameda del Valle · Alcalá de Henares · Alcobendas · Alcorcón · Aldea del Fresno · Algete · Alpedrete · Ambite · Anchuelo · Aranjuez · Arganda del Rey · Arroyomolinos · Batres · Becerril de la Sierra · Belmonte de Tajo · Berzosa del Lozoya · Boadilla del Monte · Braojos · Brea de Tajo · Brunete · Buitrago del Lozoya · Bustarviejo · Cabanillas de la Sierra · Cadalso de los Vidrios · Camarma de Esteruelas · Campo Real · Canencia · Carabaña · Casarrubuelos · Cenicientos · Cercedilla · Cervera de Buitrago · Chapinería · Chinchón · Ciempozuelos · Cobeña · Collado Mediano · Collado Villalba · Colmenar Viejo · Colmenar de Oreja · Colmenar del Arroyo · Colmenarejo · Corpa · Coslada · Cubas de la Sagra · Daganzo de Arriba · El Atazar · El Berrueco · El Boalo · El Escorial · El Molar · El Vellón · El Álamo · Estremera · Fresnedillas de la Oliva · Fresno de Torote · Fuenlabrada · Fuente el Saz de Jarama · Fuentidueña de Tajo · Galapagar · Garganta de los Montes · Gargantilla del Lozoya y Pinilla de Buitrago · Gascones · Getafe · Griñón · Guadalix de la Sierra · Guadarrama · Horcajo de la Sierra · Horcajuelo de la Sierra · Hoyo de Manzanares · Humanes de Madrid · La Acebeda · La Cabrera · La Hiruela · La Serna del Monte · Las Rozas de Madrid · Leganés · Loeches · Los Molinos · Los Santos de la Humosa · Lozoya · Lozoyuela-Navas-Sieteiglesias · Madarcos · Madrid · Majadahonda · Manzanares el Real · Meco · Mejorada del Campo · Miraflores de la Sierra · Montejo de la Sierra · Moraleja de Enmedio · Moralzarzal · Morata de Tajuña · Móstoles · Navacerrada · Navalafuente · Navalagamella · Navalcarnero · Navarredonda y San Mamés · Navas del Rey · Nuevo Baztán · Olmeda de las Fuentes · Orusco de Tajuña · Paracuellos de Jarama · Parla · Patones · Pedrezuela · Pelayos de la Presa · Perales de Tajuña · Pezuela de las Torres · Pinilla del Valle · Pinto · Piñuécar-Gandullas · Pozuelo de Alarcón · Pozuelo del Rey · Prádena del Rincón · Puebla de la Sierra · Puentes Viejas · Quijorna · Rascafría · Redueña · Ribatejada · Rivas-Vaciamadrid · Robledillo de la Jara · Robledo de Chavela · Robregordo · Rozas de Puerto Real · San Agustín del Guadalix · San Fernando de Henares · San Lorenzo de El Escorial · San Martín de Valdeiglesias · San Martín de la Vega · San Sebastián de los Reyes · Santa María de la Alameda · Santorcaz · Serranillos del Valle · Sevilla la Nueva · Somosierra · Soto del Real · Talamanca de Jarama · Tielmes · Titulcia · Torrejón de Ardoz · Torrejón de Velasco · Torrejón de la Calzada · Torrelaguna · Torrelodones · Torremocha de Jarama · Torres de la Alameda · Valdaracete · Valdeavero · Valdelaguna · Valdemanco · Valdemaqueda · Valdemorillo · Valdemoro · Valdeolmos-Alalpardo · Valdepiélagos · Valdetorres de Jarama · Valdilecha · Valverde de Alcalá · Velilla de San Antonio · Venturada · Villa del Prado · Villaconejos · Villalbilla · Villamanrique de Tajo · Villamanta · Villamantilla · Villanueva de Perales · Villanueva de la Cañada · Villanueva del Pardillo · Villar del Olmo · Villarejo de Salvanés · Villaviciosa de Odón · Villavieja del Lozoya · Zarzalejo

[template_divisione_amministrative-superficie-1] (ES) Madrid Economía 2014 (PDF), su madrid.es, Ayuntamiento de Madrid. URL conzultate il 18 agùste 2016.

[template_divisione_amministrative-abitanti-2] Spagnole

[3] Assaje s'è parlate sus a l'etimologgie d'u toponime ca pare derivà da 'u latine Matrīce (nome de l'andiche villagge e d'u fiume ca ve scurreve), passate cchiù nnande a l'arabe Majrìt. Cfr. Jaime Oliver Asin, Historia del nombre «Madrid», Madrid, Agencia Española de Cooperación Internacional, 1991.

[4] AUDES project 2007 statistical data

[1]

[2]

[3]

[4]

V · 'N · C Capitale de le Statère e de le territorije dipendente d'Europe
Capitale de State	Amsterdam · Andorra la Vella · Ankara · Atene · Baku · Belgrade · Berline · Berne · Bratislave · Bruxelles · Bucarest · Budapest · Chișinău · Cetate d'u Vaticane · Copenaghen · Dubline · Erevan · Helsinki · Kiev · Lisbone · Londre · Lubiane · Lussemburghe · Madrid · Minsk · Monache · Mosche · Nicosie · Osle · Parigge · Podgorica · Praghe · Reykjavík · Righe · Rome · San Marine · Sarajevo · Skopje · Sofie · Stoccolme · Tallinn · Tbilisi · Tirane · Vaduz · 'A Vallette · Varsavie · Vienne · Vilnius · Zagabrie
Capitale de territorije dipendente	Douglas · Episkopi Cantonment · Gibilterre · Longyearbyen · Mariehamn · Saint Helier · Saint Peter Port · Tórshavn
Capitale de territorije a status condese	Nicosie Nord · Pristine · Step'anakert · Sukhumi · Tiraspol · Tskhinvali