Ханты язык
| Ханты язык (ханты ясанг) | |
 Ареал хоснованя языка | |
| Ареал | Ханты-Мансийскый автономный округ |
|---|---|
| Число бесѣдникох | 9 580 (2010) |
| Класификация |
|
| Графика | Кирилиця (до 1937 латинка) |
| Статус языка | |
| Регулатор | Обско-угорскый инштитут ужитковых штудий и вывою.[1] Ханты-Мансийск |
| Урядный статус | Ханты-Мансийскый автономный округ |
| Коды | |
| ISO 639-1 | не екзистуе |
| ISO 639-2 | не екзистуе |
| ISO 639-3 | kca |
| Етнология | kca |
| Википедия | |
| Ханты Википедия в инкубаторѣ | |
Ха́нты язы́к, заст. остя́цкый[2] — язык Хантох — домородцьох сѣвера западной Сибирии, жиючых в порѣчу Оби в середном и нижном току и при Иртышови. Подля списованя 2002, число Хантох было 28,7 тыс. особ. Гро Хантох жие в Ханты-Мансийском (окрем его западных районох, заселеных Манси) и Ямало-Ненецком автономных округах (25,9 тыс. особ), зосталы — на сѣверо-западѣ Томской области. Число Хантох бѣгом 20. ст. помалы наростать, але тых, котры поважують ханты язык материнскым, спозначно малѣе: в року 1959 их было 77% при обывательствѣ в 19 410 особ, в 1970 — 68,9% (при 21 138 особ), в 1989 — 61% (при 22 500 особ), а в 2010 — 31% (при 30 900).[3]
Диалекты
[едітовати | едітовати жрідло]Ханты язык мать много диалектох, число котрых е предметом спора лингвистох. Сосѣдуючы диалекты суть взаимно порозумѣлы, але оддалены од себе можуть ся порозумѣти лем тяжко. Часть описаных лингвистами диалектох суть уже мертвы. Найвеце уживаны в медиях суть диалекты приобской групы: казымскый, середно-обскый, шурышкарскый.
Литературный язык
[едітовати | едітовати жрідло]
Литературный ханты язык быв створеный в зачатку 1930-х на основѣ латинкы, а в року 1937 переведеный на кирилицю. В сучасности еднотный литературный язык не ествуе, а публикации суть в четырьох диалектах. Язык ханты е предметом школной выукы в зачаточных класах школы. Выходять новинкы, радиовы высыланя, переважно на казымском диалектѣ.
Родинскы языкы
[едітовати | едітовати жрідло]Найближе ку ханты языкови стоить манси язык з котрым въедно творять обско-угорску групу. Днешный мадярскый язык абсолутно росходить ся з обско-угорскыма языками, так же не може быти ани гадкы о взаимной порозумѣлости. Але тоты языкы мають цѣлый ряд сполочных черт, котры перешли з протоугорской добы, напримѣр объектна конъюгация. Але в лексицѣ од той добы заховало ся лем около 160 слов, переважно зо сферы хова кони.[4]
Дакотра лексика, як части тѣла, родинскы одношѣня, указують очевидну подобность.[5]
| Мадярске | Ханты | Значѣня/жерело |
|---|---|---|
| szem | сем | око[5] |
| kettő, két | кити, кит | два[5] |
| három | кгурем | три[5] |
| meny | мень | невѣста[6] |
| nő | не | жона[6] |
| anyuka | ангки | мамка[6] |
| kés | кеши | нож[7] |
| lepke | лыпынта | мотыль[8] |
| puska | пушкаи | пушка[9] |
| kötél | кет | мотуз[10] |
| husz | хус | двадцять[11] |
Жерела и одказы
[едітовати | едітовати жрідло]- Finn-ugor nyelvek. //Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Том 7, с. 530. мад.
- Khanty, а language of Russian Federation англ.
- Остяцкий язык. //Литературная энциклопедия русс.
- Кашлатова Л. В. Русско-хантыйский словарь с картинками (среднеобский диалект). Департамент образования и молодежной политики Ханты-Мансийского автономного округа - Югры. Обско-угорский институт прикладных исследований и разработок. Ханты-Мансийск, 2010. — 108 с., ил. ISBN 978-5-9611-0040-2 русс.
- Угорские языки. //Лингвистический энциклопедический словарь русс.
Референции
[едітовати | едітовати жрідло]- ↑ Обско-угорский институт прикладных исследований и разработок. русс.
- ↑ Литературная энциклопедия
- ↑ Khanty, а language...
- ↑ Лингвистический энциклопедический словарь.
- ↑ 5,0 5,1 5,2 5,3 Finn-ugor nyelvek.
- ↑ 6,0 6,1 6,2 Кашлатова Л. В., с. 8.
- ↑ Кашлатова Л. В., с. 33.
- ↑ Кашлатова Л. В., с. 60.
- ↑ Кашлатова Л. В., с. 64.
- ↑ Кашлатова Л. В., с. 68.
- ↑ Кашлатова Л. В., с. 78.
Тоты даны суть часточно або цалком основаны на перекладах статей Хантыйский язык на російскій Вікіпедії a Khanty language на анґліцькій Вікіпедії.