ᱯᱷᱮᱥᱵᱩᱠ
ᱯᱷᱮᱥᱵᱩᱠ ᱫᱚ ᱢᱤᱫ ᱚᱱᱞᱟᱭᱤᱱ ᱥᱟᱹᱜᱟᱹᱭᱟᱱ ᱥᱟᱭᱤᱴ ᱠᱟᱱᱟ ᱾ ᱱᱚᱶᱟ ᱨᱮ ᱟᱭᱢᱟ ᱜᱟᱛᱮ ᱠᱚ ᱥᱟᱶ ᱨᱚᱲ-ᱨᱚᱯᱚᱲ, ᱠᱟᱛᱷᱟ ᱮᱯᱮᱢ, ᱪᱤᱛᱟᱹᱨ, ᱵᱷᱤᱰᱤᱭᱚ ᱮᱢᱟᱱ ᱠᱚ ᱦᱟᱹᱯᱟᱹᱴᱤᱧ ᱜᱟᱱᱚᱜ-ᱟ ᱾ ᱱᱚᱶᱟ ᱫᱚ ᱤᱱᱴᱚᱨᱱᱮᱴ ᱫᱟᱨᱟᱭ ᱛᱮ ᱫᱩᱥᱚᱢ, ᱫᱤᱥᱚᱢ ᱵᱟᱨᱦᱮ, ᱪᱤᱱᱦᱟᱹᱣ ᱚᱪᱤᱱᱦᱟᱹᱣ ᱦᱚᱲ ᱥᱟᱞᱟᱜ ᱦᱚᱸ ᱥᱟᱹᱜᱟᱹᱭ ᱛᱚᱯᱚᱞ ᱜᱟᱱᱚᱜ-ᱟ ᱾ ᱱᱤᱛᱚᱜ ᱯᱷᱮᱥᱵᱩᱠ ᱨᱤᱱ ᱵᱮᱵᱷᱟᱨᱤᱭᱟᱹ ᱠᱚᱣᱟᱜ ᱮᱞ ᱕᱐ ᱠᱳᱴᱤ (crore) ᱠᱷᱚᱱ ᱦᱚᱸ ᱵᱟᱹᱲᱛᱤ ᱟᱠᱚ ᱾ ᱦᱟᱨᱵᱷᱟᱰ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱤᱱᱤᱡ ᱞᱟᱛᱟᱨ ᱥᱚᱱᱮᱨ ᱫᱚᱥᱟᱨ ᱥᱮᱨᱢᱟ ᱯᱟᱹᱴᱷᱩᱣᱟᱹ ᱢᱟᱨᱠ ᱡᱩᱠᱚᱨᱵᱚᱨᱜᱽ ᱒᱘ ᱚᱠᱴᱚᱵᱚᱨ ᱒᱐᱐᱓ ᱥᱟᱞᱮᱨᱮ ᱯᱷᱮᱥᱢᱟᱥ (ᱯᱷᱮᱥᱵᱩᱠ ᱨᱮᱱᱟᱜ ᱢᱟᱬᱟᱝ ᱨᱩᱯ) ᱨᱮᱱᱟᱜ ᱠᱳᱰ ᱚᱞ ᱞᱮᱫ ᱛᱟᱦᱮᱸᱫ-ᱮ ᱾ ᱚᱸᱰᱮ ᱢᱤᱫ ᱥᱟᱦᱴᱟ ᱨᱮ ᱵᱟᱨᱭᱟ ᱠᱩᱲᱤ ᱜᱤᱫᱽᱨᱟᱹ ᱪᱤᱛᱟᱹᱨ ᱮᱢ ᱠᱟᱛᱮ ᱚᱠᱚᱭ ᱡᱟᱹᱥᱛᱤᱭ ᱪᱚᱨᱚᱠᱟ ᱱᱚᱶᱟ ᱨᱮᱱᱟᱜ ᱢᱚᱱᱚᱛ ᱵᱮᱵᱷᱨᱤᱭᱟᱹ ᱠᱚᱭ ᱠᱩᱞᱤᱭᱮᱫ ᱠᱚ ᱛᱟᱦᱮᱸᱫ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱤᱞᱤᱯᱥ ᱮᱠᱥᱴᱚᱨ ᱮᱠᱟᱰᱮᱢᱤ ᱠᱷᱚᱱ ᱡᱩᱠᱚᱨᱵᱚᱨᱜᱽ ᱫᱚ ᱥᱚᱱᱮᱨᱮ ᱥᱤᱫ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱮᱠᱟᱰᱮᱢᱤ ᱠᱷᱚᱱ ᱯᱷᱚᱴᱚ ᱵᱩᱴᱟ ᱯᱩᱛᱷᱤ (photo address book) ᱠᱚ ᱛᱮᱭᱟᱨ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱫᱚ ᱯᱷᱮᱥᱵᱩᱠ ᱢᱮᱱᱛᱮ ᱠᱚ ᱧᱩᱛᱩᱢᱮᱫ ᱛᱟᱦᱮᱸᱫ ᱾ ᱱᱚᱶᱟ ᱠᱷᱚᱱ ᱯᱟᱹᱴᱷᱣᱟᱹ ᱠᱚ ᱥᱮᱪᱮᱫᱚᱜ ᱨᱮᱭᱟᱜ ᱥᱟᱹᱠᱷᱭᱟᱹᱛ ᱠᱚ ᱧᱟᱢᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱟᱡ ᱫᱚ ᱟᱡᱟᱜ ᱵᱟᱥᱟ ᱠᱷᱚᱱ ᱜᱮ ᱚᱱᱟᱭ ᱪᱚᱲᱟᱣᱮᱫ ᱛᱟᱦᱮᱸᱫ ᱾ ᱮᱛᱚᱦᱚᱵ ᱫᱚ ᱩᱱᱤ ᱦᱟᱵᱷᱟᱨᱰ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱜᱮᱭ ᱩᱪᱷᱟᱹᱱᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱟᱡᱤᱡ ᱵᱟᱥᱟ ᱜᱟᱛᱮ ᱦᱚᱥᱴᱤᱱ ᱢᱚᱥᱠᱚᱵᱷᱤᱡᱽ ᱥᱟᱶ ᱢᱮᱥᱟ ᱠᱟᱛᱮ ᱮᱴᱟᱜ ᱟᱥᱲᱟ ᱠᱚ ᱦᱚᱸ ᱠᱤᱱ ᱥᱮᱞᱮᱫ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱟᱹᱠᱤᱱ ᱨᱤᱱ ᱛᱤᱢᱤᱱ ᱜᱟᱛᱮ ᱠᱚ ᱥᱟᱶ ᱠᱟᱞᱤᱯᱷᱚᱨᱱᱤᱭᱟ ᱨᱮᱱᱟᱜ ᱵᱟᱞᱚ ᱟᱞᱴᱚ ᱛᱮ ᱠᱚ ᱥᱮᱱᱮᱱᱟ ᱾ ᱚᱸᱰᱮ ᱢᱤᱫ ᱵᱷᱟᱲᱟ ᱚᱲᱟᱜ ᱨᱮ ᱯᱷᱮᱥᱵᱩᱠ ᱨᱮᱱᱟᱜ ᱮᱛᱚᱦᱚᱵ ᱠᱟᱹᱢᱤ ᱚᱲᱟᱜ ᱠᱚ ᱵᱮᱨᱮᱫ ᱞᱮᱫ ᱛᱟᱦᱮᱸᱫ ᱾ ᱡᱩᱠᱚᱨᱵᱚᱨᱜᱟᱜ ᱠᱩᱨᱩᱢᱩᱴᱩ ᱫᱚᱲ ᱛᱮ ᱯᱤᱴᱚᱨ ᱛᱷᱤᱭᱮᱞ ᱯᱷᱮᱥᱵᱩᱠ ᱨᱮ ᱯᱩᱸᱡᱤ ᱞᱟᱜᱟᱣ ᱞᱮᱫ ᱛᱟᱦᱮᱸᱫ ᱾ ᱒᱐᱐᱔ ᱥᱟᱞᱮ ᱨᱮᱱᱟᱜ ᱛᱟᱞᱟᱢᱟᱞᱟ ᱨᱮ ᱯᱷᱮᱥᱵᱩᱠ ᱨᱮᱱᱟᱜ ᱮᱛᱚᱦᱚᱵ ᱠᱟᱹᱢᱤ ᱚᱯᱷᱤᱥ ᱠᱚ ᱵᱮᱨᱮᱫ ᱞᱮᱫ ᱛᱟᱦᱮᱸᱫ ᱾
ᱵᱮᱵᱷᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱭᱞᱩ ᱫᱚ ᱟᱵᱚ ᱯᱷᱮᱥᱵᱩᱠ ᱨᱮᱱᱟᱜ ᱩᱣᱮᱵᱽᱥᱟᱭᱤᱴ ᱨᱮ ᱥᱮᱱᱚᱜ ᱦᱩᱭ ᱟᱵᱚᱱᱟ ᱾ ᱟᱨ ᱚᱱᱟ ᱛᱚᱢ ᱚᱸᱰᱮ ᱤᱢᱮᱞ ᱵᱩᱴᱟᱹ ᱟᱫᱮᱨ ᱠᱟᱛᱮ ᱧᱩᱛᱩᱢ ᱚᱞ ᱚᱪᱚ ᱦᱩᱭ ᱟᱵᱚᱱᱟ ᱾ ᱢᱳᱵᱟᱭᱤᱞ ᱯᱷᱳᱱ ᱵᱮᱵᱷᱟᱨᱤᱭᱟᱹ ᱠᱚ ᱫᱚ ᱯᱷᱚᱱ ᱮᱞᱮᱞ ᱮᱢ ᱠᱟᱛᱮ ᱧᱩᱛᱩᱢ ᱵᱚᱱ ᱚᱞ ᱫᱟᱲᱮᱭᱟᱜ-ᱟ ᱾ ᱚᱱᱟ ᱛᱟᱭᱚᱢ ᱵᱚᱞᱚ ᱠᱟᱛᱮ ᱯᱷᱚᱴᱚ, ᱵᱷᱤᱰᱤᱭᱳᱟᱨ ᱚᱱᱚᱞ ᱠᱚ ᱵᱚᱱ ᱞᱟᱫᱮ ᱫᱟᱲᱮᱭᱟᱜ-ᱟ ᱟᱨ ᱪᱤᱱᱦᱟᱹᱣ ᱚᱪᱤᱱᱦᱟᱹᱣ ᱦᱚᱲ ᱠᱚ ᱥᱟᱶ ᱵᱚᱱ ᱥᱟᱹᱜᱟᱹᱭ ᱫᱟᱲᱮᱭᱟᱜ-ᱟ ᱟᱨ ᱨᱚᱲ ᱨᱚᱯᱚᱲ ᱡᱚᱛᱚᱣᱟᱜ ᱵᱚᱱ ᱫᱟᱲᱮ.ᱟᱜ-ᱟ ᱾
ᱵᱟᱹᱲᱤᱡ ᱵᱮᱵᱷᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱩᱛᱚᱜ ᱯᱷᱮᱥᱵᱩᱠ ᱨᱮᱱᱟᱜ ᱟᱹᱰᱤ ᱵᱟᱹᱲᱛᱤ ᱵᱟᱹᱲᱤᱡ ᱵᱮᱵᱷᱟᱨ ᱧᱮᱞᱚᱜ ᱠᱟᱱᱟ ᱾ ᱱᱚᱶᱟ ᱨᱮ ᱢᱤᱢᱤᱫ ᱵᱮᱵᱷᱟᱨᱤᱭᱟᱹ ᱠᱚ ᱮᱲᱮ ᱥᱟᱹᱠᱷᱭᱟᱹᱛ ᱮᱢ ᱠᱟᱛᱮ ᱠᱷᱟᱛᱟ ᱠᱚ ᱛᱮᱭᱟᱨ ᱮᱫᱟ ᱟᱨ ᱦᱟᱹᱱᱤ ᱱᱷᱟᱹᱭ ᱵᱮᱵᱟᱰᱲᱤᱡ ᱠᱚ ᱮᱜᱮᱨᱮᱫ ᱠᱚᱣᱟ ᱥᱟᱶ ᱛᱮ ᱟᱹᱰᱤ ᱟᱭᱢᱟ ᱵᱟᱹᱲᱤᱡ ᱵᱮᱵᱷᱟᱨ ᱦᱩᱭᱩᱜ ᱠᱟᱱᱟ ᱾
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]Facebook Inc's 10-K filed in 2017, listing business "risk factors"
https://en.m.wikipedia.org/wiki/Facebook