امام نسائي
| امام | |
|---|---|
| امام نسائي | |
| |
| معلومات شخصيت | |
| ڄم | سال 829 |
| موت | 28 آگسٽ 915 (85–86 سال)[1][2] |
| مدفن | بيت المقدس |
| شھريت |  خلافت عباسيہ
|
| عملي زندگي | |
| استاد | امام ابو دائود |
| ڪم جي ٻولي | عربي ٻولي |
| دلچسپي | حديثي ادب ،فقه |
| نمایان ڪم | سنن نسائي |
ترميم  |
|
مشهور شيخ -الاسلام- ۽ حافظ حديث ابو عبدالرحمان عرف -امام نسائي- خراسان جي هڪ ڳوٺ نسا ۾ 215ھ/ 830ع ۾ پيدا ٿيو. ابتدائي -تعليم- اباڻي شهر مان حاصل ڪيائين، پوءِ پندرهن سالن جي عمر ۾ علم جي تحصيل لاءِ خراسان، عراق، حجاز، شام ۽ مصر جي وڏن عالمن جي صحبت ۾ گهڻو ڪجهه پرايائين. -امام نسائي- اسلامي دنيا جي سڀني علمي مرڪزن کان فيضياب ٿيو ۽ آخرڪار مصر ۾ رهائش اختيار ڪيائين، پر پوءِ لڏي وڃي دمشق ۾ رهيو. دمشق ۾ رهائش دوران هڪ ڏينهن مسجد جي ڪجهه ماڻهن کانئس پڇيو ته -امير- معاويه جي شان ۾ ڪا حديث ٻڌايو. -امام نسائي- هڪدم چيو ته مون کي ڪا خبر نه آهي. آءٌ ڇا ٻڌايان ۽ وڌيڪ هي لفظ چيائون: ’لا اشبع -الله- بطنه‘ اهو -ٻڌي- دمشق جي ماڻهن -امام- نسائيءَ کي مسجد ۾ ڏاڍو ماريو ۽ انهيءَ مار کان پوءِ هي عالم دين سخت بيمار ٿي پيو. بيماريءَ جي حالت ۾ -امام نسائي- پنهنجن شاگردن کي چيو ته مون کي مڪي کڻي هلو. جڏهن مڪي پهتا ته اتي -امام نسائي- 303ھ/915ع ۾ رحلت ڪئي، وصيت مطابق کين صفا ۽ مروه جي وچ ۾ دفن ڪيو ويو. امام نسائيءَ جي شهرت سندن ڪتاب ’السنن‘ جي ڪري تمام گهڻي ٿي. ڪتاب ’السنن‘ جو مقام صحاح سته جي ڪتابن ۾ پنجون ۽ سندن ڪتابن ۾ ٽيون آهي. -امام نسائي- ڪتاب ۾ زندگيءَ جي هر پهلوءَ متعلق حديثون جمع ڪيون آهن. ايستائين جو رڪوع ۽ سجدا ۽ هر قسم جي دعائون ڪثرت سان روايت ڪيون آهن. ”السنن“ ۾ پندرهن هزار ست سؤ ايڪهٺ (15761) حديثون موجود آهن. هي ڪتاب ڪيترائي دفعا شايع ٿي چڪو آهي. -ان- کان سواءِ -امام- نسائيءَ جي هڪ مشهور -تصنيف- ”خَصَائص علي رضه“ پڻ تمام گهڻي مشهور آهي، -ان- ڪتاب جو ترجمو ”مناقب مرتضوي“ جي نالي سان مطبع محمدي لاهور مان 1310ھ/ 1892ع ۾ شايع ٿي چڪو آهي.[3]
تعارف
[سنواريو]امام نسائي جو پورو نالو احمد بن شعيب النسائي آهي. اوهان جو نسب احمد بن شعيب بن علي بن سنان،بن بحرين دينار النسائي الخراساني آهي. اوهان جي ولادت نساءِ شهر ۾ ٿي تنهن جي ڪري اوهان کي نسائي سڏيو ويندو آهي. اوهان جو لقب الحافظ الحديث آهي.
سن پيدائش
[سنواريو]امام نسائي جي سن پيدائش ۾ اختلاف آهي ڪجهه جي نظرن ۾ اوهين 214 هجري ۾ پيدا ٿيا ۽ ڪجهه لکن ٿا تہ اوهين 215 هجري ۾ پيدا ٿيا.
استاد ۽ تعليم
[سنواريو]اوهان پندرھن سالن جي عمر کان ئي علم جي سفر لاءِ پنڌ ڪيا حديثن کي گڏ ڪرڻ لاءِ عراق،شام ۽ مصر جا سفر ڪيا.اوهان جي استادن ۾ امام بخاري.امام ابو دائود، امام احمد، امام قتبيه سعيد ۽ امام ابو حنيفه شامل آهن.
ڪتاب
[سنواريو]اوهان جو مشهور ڪتاب سنن نسائي شريف جيڪو صحاح سته ۾ شامل آهي ان کان علاوه اوهان هي ڪتاب لکيا آهن.
- السنن الڪبري
- المجتبي
- خصائص علي
- مسند علي
- مسند مالڪ
- ڪتاب التميز
- ڪتاب المدلسين
- ڪتاب الغعفاء
- ڪتاب الاخوت
- مسند منصور
- مسيحت انسائير
- اسماءالروات
- مناسڪ حج
وفات
[سنواريو]امام نسائي جڏهن اهل بيت جي فضائلن تي ڪتاب لکيو ۽ خواهش ڪيائين تہ دمشق جي مسجد ۾ هن ڪتاب کي پڙهان ته جيئن ماڻهو اهل بيت کي سمجهن پوءِ ڇا ٿيو تہ هڪ ماڻهو اوهان کان پڇو تہ معاويہ جي فضيلت ۾ ڪجهه لکيو آهي يا نه اوهان جواب ڏنو تہ مون کي معاويہ جي فضيلت ۾ ڪجهه نہ مليو تہ هن اوهان کي شيعو شيعو ڪري مارڻ شروع ڪيو ۽ هن واقعي کان پوءِ اوهان جو موت واقع ٿيو. اوهان جي قبر صفا ۽ مروه جي وچ ۾ آهي اوهان جي وفات جو سن سفر مھينو 303 هجري آهي.
پڻ ڏسندا
[سنواريو]حوالا
[سنواريو]- ↑ GND ID: https://d-nb.info/gnd/11946263X — اخذ شدہ بتاریخ: 14 آگسٽ 2015 — اجازت نامو: Creative Commons CC0 License
- ↑ subject named as: Aḥmad ibn Shuʻayb Nasāʼī — SELIBR ID: https://libris.kb.se/auth/33533 — اخذ شدہ بتاریخ: 9 آڪٽوبر 2017 — ناشر: National Library of Sweden
- ↑ امام نسائي : (Sindhianaسنڌيانا)
امام نسائي جي زندگي تي مختصر نظر آرڪائيو ڪيا ويا 2016-03-04 حوالو موجود آهي وي بيڪ مشين.