Mbretërit e Arabisë Saudite
| Mbreti i Arabisë Saudite | |
|---|---|
| ملك المملكة العربية السعودية | |
 | |
| Në detyrë | |
 | |
| Selman ibn Abdulaziz Al Saudi since 23 January 2015 | |
| Të dhënat | |
| Stili | Mbrojtësi i Dy Xhamive të Shenjta (zyrtare) ose Madhështia e Tij (marrëdhënie diplomatike) |
| Trashëgimtar i fronit | Muhamed bin Selman |
| Monarku i parë | Mbreti Abdulaziz |
| Vendosja | 23 shtator 1932 |
| Vendbanim | Pallati El-Jamame |
Mbreti i Arabisë Saudite është kreu i shtetit dhe kreu i qeverisë së Arabisë Saudite që mban pushtetin absolut. Ai është kreu i familjes mbretërore të Arabisë Saudite, Shtëpia e Saudit.[1] Mbreti quhet "Mbrojtësi i Dy Xhamive të Shenjta" (خادم الحرمين الشريفين), një titull që nënkupton juridiksionin e Arabisë Saudite mbi xhamitë e Mesxhid el Haram në Mekë dhe Mesxhid en-Nebevi' në Medine. Titulli është përdorur shumë herë gjatë historisë së Islamit. Monarku i parë saudit që përdori titullin ishte Mbreti Feisal, megjithatë, Mbreti Halid nuk e përdori titullin pas tij. Në vitin 1986, Mbreti Fehd zëvendësoi "Madhështinë e Tij" me titullin e Kujdestarit të Dy Xhamive të Shenjta dhe që atëherë është përdorur nga Mbreti Abdullah dhe Mbreti Selman bin Abdulaziz.[2]
Historia
[Redakto | Redakto nëpërmjet kodit]Abdulaziz Al Saudi (i njohur në Perëndim si Ibn Saud) rifitoi trashëgiminë e tij, e cila njihet si Arabia Saudite e sotme në vitin 1902. Duke rivendosur familjen e tij si emirë të Emiratit të Riadit, ai më pas krijoi Sulltanatin e Nexhdit si selinë e tij në vitin 1922. Pas vendosjes së Riadit si kryeqytet i shtetit të tij, mbreti Abdulaziz më pas pushtoi Hexhazin në vitin 1925.[3]
Ibn Saud i shpalli dominimet e tij si Sulltanati i Nexhdit në vitin 1921, pak para se të përfundonte bashkimin e rajonit. Ai u shpall mbret i Hexhazit në vitin 1926 dhe e ngriti Nexhdin në një mbretëri gjithashtu në vitin 1927. Për pesë vitet e ardhshme, Ibn Saudi administroi dy pjesët e mbretërisë së tij, Mbretërinë e Hexhazit dhe Nexhdit si njësi të veçanta. Më 23 shtator 1932, ai bashkoi zyrtarisht territoret e tij në Mbretërinë e Arabisë Saudite.[4][5]
Trashëgimia
[Redakto | Redakto nëpërmjet kodit]- Artikulli kryesor: Pasardhja në fronin e Arabisë Saudite
Mbretërit që nga vdekja e Ibn Saudit kanë qenë të gjithë bijtë e tij dhe të gjithë pasardhësit e menjëhershëm të mbretit Salman do të jenë nga pasardhësit e tij. Djemtë e Ibn Saudit konsiderohen të kenë pretendimin kryesor mbi fronin e Arabisë Saudite.[6] Kjo e bën monarkinë saudite mjaft të dallueshme nga monarkitë perëndimore, të cilat zakonisht paraqesin familje mbretërore të mëdha, të përcaktuara qartë dhe urdhra të trashëgimisë, dhe përdorin sistemin absolut parësor të trashëgimisë. Muhammed bin Najef ishte nipi i parë i Ibn Saudit që ishte në linjën e pasardhësit përpara se të shkarkohej nga pozita e Princit të Kurorës me një dekret mbretëror në 2017.[7]
Fuksione tjera
[Redakto | Redakto nëpërmjet kodit]Mbreti i Arabisë Saudite konsiderohet gjithashtu kreu i Shtëpisë së Saudit dhe kryeministër. Princi i Kurorës është edhe “zëvendëskryeministri”. Mbretërit pas Feisalit kanë emëruar një "zëvendëskryeministër të dytë" si trashëgimtarin e mëvonshëm pas princit të kurorës.
Falmuri mbretëror
[Redakto | Redakto nëpërmjet kodit]- Artikulli kryesor: Flamuri i Arabisë Saudite
Flamuri mbretëror përbëhet nga një flamur i gjelbërt, me një mbishkrim arab dhe një shpatë të paraqitur në të bardhë, dhe me emblemën kombëtare të qëndisur në ar në kantonin e poshtëm djathtas.[8]
Shkrimi në flamur është shkruar në shkrimin Thuluth. Është shehadeti ose deklarata islame e besimit:
- لَا إِلٰهَ إِلَّا الله مُحَمَّدٌ رَسُولُ الله
- lā ʾilāha ʾillā-llāh, muhammadun rasūlu-llāh
- Nuk ka zot tjetër pos Allahut, Muhammedi është i dërguari i Zotit.[9]
Mbretërit e Arabisë Saudite
[Redakto | Redakto nëpërmjet kodit]Mbretërit e Arabisë Saudite që nga deklarimi i sajë si Monarki kanë qenë:
- Abdulaziz Al Saudi, (22 shtator 1932 - 9 nëntor 1953)
- Saud bin Abdulaziz Al Saudi, (9 nëntor 1953 - 2 nëntor 1964)
- Feisal bin Abdulaziz Al Saudi, (2 nëntor 1964 - 25 mars 1975)
- Halid bin Abdulaziz Al Saudi, (25 mars 1975 - 13 qershor 1982)
- Fehd bin Abdulaziz Al Saudi, (13 qershor 1985 - 1 gusht 2005)
- Abdullah bin Abdulaziz Al Saudi, (1 gusht 2005 - 23 janar 2015)
- Selman ibn Abdulaziz Al Saudi, (23 janar 2015-?)
Referime
[Redakto | Redakto nëpërmjet kodit]- ^ "Saudi Arabia - Government and society". Encyclopedia Britannica (në anglisht). Marrë më 2020-07-26.
- ^ "Story behind the king's title". Arab News (në anglisht). 2015-01-27. Marrë më 2020-07-26.
- ^ "History | The Embassy of The Kingdom of Saudi Arabia". saudiembassy.net (në anglisht). Marrë më 2020-07-26.
- ^ "About Saudi Arabia". UNDP in Saudi Arabia (në anglisht). Arkivuar nga origjinali më 10 janar 2022. Marrë më 2020-07-26.
- ^ "History of Saudi Arabia. ( The Saudi National Day 23, Sep )". pmu.edu.sa (në anglisht). Marrë më 2020-07-26.
- ^ "Governance and Politics of Saudi Arabia". Fanack.com (në anglishte amerikane). Arkivuar nga origjinali më 24 janar 2021. Marrë më 2020-07-26.
- ^ "Mohammed bin Salman becomes Saudi Crown Prince with 31 out of 34 votes". Al Arabiya English (në anglisht). 2017-06-21. Marrë më 2020-07-26.
- ^ "Royal Standard (Saudi Arabia)". crwflags.com (në anglisht). Marrë më 2020-07-28.
- ^ "About Saudi Arabia: Facts and figures" (në anglisht). The Royal Embassy of Saudi Arabia, Washington D.C. Arkivuar nga origjinali më 17 prill 2012. Marrë më 24 prill 2012.