Agronomi
Agronomi bisa disebut salaku produksi tutuwuhan, jeung dihartikeun hiji usaha manajemén tutuwuhan jeung lingkungana pikeun meunangkeun hasil nurutkeun tujuan.[1] Aya dua tujuan, nyaéta pikeun ngamaksimalkeun output atawa ngaminimalkeun input guna ngalestarikeun lahan supaya tetep kajaga.[1] Dina awal kahirupan manusa di bumi, ukur hirup tina néangan dahareun tina hasil leuweung sacara langsung.[1] Kamekaran saterusna, beuki loba anggota kelompokna, tuluy aya tempat keur netep jeung ngamimitian tani dina taneuh di sabudeureun imahna sarta mimiti miara ternak jeung kawangun pakarangan.[1]
Sanggeus éta, mekar di leuweung mupus lahan pikeun budidaya, ku kituna ngan bisa dipelak sababaraha taun saterusna pindah tempat, mindeng dipikawanoh minangka lahan berpindah.[1]
Sanggeus pangeusina mimiti nambahan, sistem-sistem éta teu bisa dijaga, mangka nyoba nahan tingkat kasuburan taneuh jeung mimiti dipikawanoh téhnik budidaya (Agronomi).[1]
Elmu Agronomi mangrupa élmu anu ngulik cara ngokolakeun pepelakan pertanian jeung lingkungan keur meunangkeun produksi maksimum.[2] Produksi maksimum boga harti boh kuantitatif atawa kualitatif.[2]
Manajemén dilumangsungkeun di rupa-rupa tingkat ti anu sederhana nepika maju, sarta dina waktuna tingkat éféktivitas jeung efisiensi geuningan dipangaruhan ku tingkat budaya manusana.[2]
Wengkuan
[édit | édit sumber]Aya tilu poko pikiran utama nu aya dina agronomi.[3] Éta tilu hal téh nyaéta lingkungan tutuwuhan, ngokolakeun, kitu ogé produksi maksimum.[3] Lingkungan téh mangrupa tempat tutuwuhan dibudidayakeun.[3] Tanpa ayana lingkungan pikeun tutuwuhan tumuwuh, mangka hasil nu dipiharep tina tutuwuhan moal bisa dibeunangkeun.[3] Manajemén mangrupa usaha pikeun nyieun lingkungan di mana tutuwuhan tumuwuh nurutkeun pepelakan anu di tumuwuhkeun.[3] Manajemén bisa lumangsung sacara direncanakeun ku ngamangpaatkeun sagala rupa téknologi nu geus aya.[3] Beuki kudu manusa keur dahareun, perlu pikeun produk tutuwuhan ogé jadi beuki loba.[3] Ayana Ligkungan jeung manajemén anu alus kana lingkungan éta bakal méré hasil anu maksimal.[3]
Agronomi mah béda tina usaha tani.[3] Dina Agronomi, aspék ekonomis teu diperhatikeun.[3] Éféktivitas jeung efisiénsi produksi hasil tutuwuhan teu kaasup kana aspék agronomis.[3] Nu aya ngan kumaha carana sangkan tutuwuhan ngahasilkeun panén anu saloba-lobana leupas tina sababaraha lobana modal anu dikaluarkeun pikeun meunangkeun hasil anu maksimal.[3] Aspék agronomi ngan ngawengku pamuliaan tutuwuhan, fisiologi, ékologi, jeung tangtu téhnik budidaya tutuwuhan.[3]