Urang Jawa
Urang Jawa (Jawa Ngoko: wong Jawa, Krama: tiyang Jawi; Indonésia: suku Jawa) nyaéta salah sahiji kelompok étnis asli nu ngeusi utamana bagian tengah jeung wétan Pulo Jawa, Indonesia. 85 juta urang, mangrupa urang Jawa nu disebut ogé étnis panglobana di Pulo Jawa ogé di Indonesia. Maranéhna sabagéan badag aya di puseur bagéan timur di pulo ieu. Sanggeus mangabad-abad migrasi kiwari bisa dipanggihan di sabagéan wilayah Indonésia, Semenanjung Malaysia jeung Suriname di Amerika beulah kidul.[1] Dina abad ka-21 urang Jawa geus nyebar di sakuliah dunya. Populasina kurang leuwih 90 yuta.
Basa
[édit | édit sumber]Urang Jawa ngagunakeun basa Jawa dina pacariosan sapopoé. Jawa nyaéta kulawarga basa Austronesia. Hal ieu aya patalina, tapi béda ti basa séjénna di Indonesia. Basa ieu leuwih nyoko ka kekecapan Sansekerta di sagala widang komo dina sastra mah. Hal ieu nyababkeun panjangna sajarah jeung pangaruh Hindu Budha di Jawa.[2]
Lolobana urang Jawa di Indonesia bilingual jeung ngagunakeun ogé basa Indonesia, nu mangrupa basa persatuan. Basa Jawa umumna ditulis ngagunakeun aksara Jawa, nu leuwih kawentar ku ngaran Hanacaraka atawa Carakan.[2]
Agama
[édit | édit sumber]Sacara historis, Jawa nyaluyukeun bentuk sinkretik Hindu, Budha jeung Kejawen sabab maranéhna ngahiji di handap karajaan Hindu/Budha mangabad-abad. Ti mimiti abad ka-15, Islam jeung Kristen datang ka Jawa jeung saeutik-sautik nyumebar. Islam nyumebar kalintang gancang di handap karajaan Islam nu anyar. Sumebarna Kristen dibawa ku kakawasaan kolonial. Sakabéh agama gampang dicokot ku urang Jawa sabab saluyu jeung ajén inajén tradisional Jawa, nyiptakeun hiji sét anyar kayakinan kaagamaan nu unik keur budaya lokal. Bangsawan Jawa nu nolak ayana Islam, lumpat ka Bali.[3]
Tokoh-tokoh Jawa
[édit | édit sumber]- RA. Kartini, Pahlawan Nasional.
- Michelle Branch, Penyanyi internasional katurunan Jawa.
- Wage Rudolf Supratman, Pangripta lagu "Indonesia Raya".
- HM. Soeharto, Mantan présidén Républik Indonésia.
- Soekarno, Proklamator lan mantan présidén Républik Indonésia.
- Susilo Bambang Yudhoyono, présidén Républik Indonésia.
- Megawati Soekarno Poetri, Mantan présidén republik Indonésia sekaligus présidén wanita nu kapisan di Indonésia
- Abdurrahman Wahid, Mantan présidén Républik Indonésia.
- Paul Salam Soemohardjo, Ketua Parlemen Suriname jeung Ketua Partai Pertjaja Luhur ing Suriname.
- Khofifah Indar Parawansa, Politikus jeung Mantan Menteri Negara Pemberdayaan Perempuan.
- Ahmad Dahlan, Ulama (Kyai) jeung pendiri organisasi Muhammadiyah.
- Saifullah Yusuf, mantan Menteri Negara Percepatan Pemwangunan Daerah Tertinggal.
- Nurcholish Madjid, cendekiawan jeung budayawan.
- Purnomo Yusgiantoro, Menteri énérgi jeung Sumberdaya Mineral.
- Wahid Hasjim, pahlawan nasional Indonésia jeung menteri negara kabinet kapisan Indonésia.
- Hasyim Asyari, Pendhiri Nahdatul Ulama.
- Julius Darmaatmadja, Uskup Agung Jakarta jeung Mantan Ketua KWI (Konferensi Waligereja Indonesia)2000-2006.
Catetan
[édit | édit sumber]- ↑ Shukri, M. A. M. (1986). Muslims of Sri Lanka: avenues to antiquity. Jamiah Naleemia Inst..
- ↑ a b Muljana, Slamet (2005). Runtuhnya kerajaan Hindu-Jawa dan timbulnya negara-negara Islam di Nusantara. Yogyakarta, Indonesia: LKiS. ISBN 979 8451 16 3.
- ↑ Geertz, Clifford (1976). The religion of Java. University of Chicago Press. ISBN 0226285103, 9780226285108.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |