Krim
De Krim is e schiereiland in Ôost-Europa, bykan hêlegans omgeevn deur de Zwarte Zêe en de kleindere Zêe van Azov. De grotste stad is Sebastopol. De Krim hèt een ippervlak van 27.000 km² met 2,4 miljoen inweuners en stoat sedert 2014 oender Russische bezettinge.
De landengte van Perekop verbindt 't schiereiland met den oblast Cherson ip 't vasteland van Oekraïne. In 't ôostn overspant de Krimbrugge, gebouwd in 2018, de Stroate van Kertsj en verbindt 't schiereiland mè Krasnodar Krai in Rusland. De Schoorwalle van Arabat, geleegn in 't nôordôostn, is e smalle stroke land die de Syvash-lagunes scheidt van de Zêe van Azov. An den overkant van de Zwarte Zêe ligt Roemenië in 't westn en Turkeye in 't zuudn.