Lodewyk et Kiend
| 893-911 | ||||||
|---|---|---|---|---|---|---|
| ||||||
| Keunienk van Oost-Francië | ||||||
|
||||||
| Keunienk van Lotharingen | ||||||
|
||||||
|
Lodewyk IV van Oost-Francië of Lodewyk et Kiend (Altötting (Beiern), september of oktober 893 – verzekers Frankfurt am Main, 20 of 24 september 911), was den ênigste wettige zeune van Arnulf van Karinthië en zyn vrouwe Oda van Hessengouwe.
Je was mo zes joar oud ot ’n zyn voader in 899 ipvolgde ols keunienk van Oost-Francië. In 900 krêegt ’n ook Lotharingen der by, achter den dôod van zyn oenwettige broere Zwentibold, die doa keunienk was.
Deurda Lodewyk nog zo joenk en doaby ook ziekelik was, wast ’n mo juste keunienk in noame, want den oadel en de bisschoppn han ol de macht.
Lodewyk was moar 18 joar oud ot ’n stierf en j’is lik zyn voader begroavn in d’abdye Sankt Emmeram in Regensburg.
In Oost-Francië wierd Konrad I verkoozn ols ipvolger, en in Lotharingen Karel de Simpeln van West-Francië.
|
Ofbeeldiengn die ier by passn ku je vien in de categorie Louis the Child van Wikimedia Commons. |