Lesse (viyaedje)

Pol discramiaedje des årtikes avou l' mot « Lesse », loukîz cial.

Lesse (si scrît et s' prononce parey e francès, mins e sistinme Feller, c' est Lèsse), c' est on hamtea di Rdû, asteure onk des viyaedjes do Grand Libin.

Rilidjon

I gn a pont d' eglijhe, mins ene tchapele dicåçtêye teyoricmint a Notru-Dame di Walcoû, mins k' on lome «tchapele Sint-Monon».

Lomaedje et spotaedje des djins

Sipotaedje : les Vessoûs; les Miclets.

Nos di des plaeces di Lesse

ås deus aiwes

plake po l' vî hamtea d' Molhan

• Molhan
• Ås deus aiwes: (maxhe di l' Aiwe di Lesse et d' l' Aiwe d' Our)
• Li bwès-e-ban
  • Li Rotche Mårtén
• Pinvå (fr. Pinval).

Djeyografeye

Raiwé di l' aiwe do minme no, ki vént d' inte Transene et Maissin, et court eviè Dåvdisse.

Gn a k' ene voye tarmakêye po-z î avni, ki raloye Ridû a Maissin.

On pout aler direk a Transene pa des voyes di bwès.

Tot londjant l' Aiwe di Lesse, on arive å Pont des Barbouyons, la k' on rdjond li bele voye di Rdû a Dåvdisse.

Istwere

Al revintreye francesse, gn aveut on curé nén djureu si catcha dins on trô d' rotche dins les bwès inte Lesse et Transene. On voet co on M k' il a gravé dins l' pire.

• 
  Rotche Mårtén
• 
  trô ki dmeure
• 
  gravé M

On pordjet di nouzome båraedje so l' aiwe di Lesse diveut neyî tot l' viyaedje, dins les anêyes 1970. Li pordjet fourit abandné.

Alére

(fr) Omer Marchal, Lesse, un village qui ne voulait pas mourir.