Hái-hōaⁿ sûn-hông-tūi
Hái-hōaⁿ sûn-hông-tūi (海岸巡防隊), kán-chheng hái-sûn (海巡), sī chi̍t-kóa kok-ka ia̍h-sī tē-khu siat-tì ê hái-iûⁿ an-choân ki-koan. Tī bô-kāng ê chèng-hú tiong, hái-sûn ū bô-kāng ê khoân-hān, thong-siông ū koán-lí hái-iûⁿ chu-goân, hō͘-hî sûn-lô, hái-he̍k an-choân, hái-hōaⁿ chip-hoat ê chek-jīm. Tāi-to hū-chek hái-hōaⁿ kap kīn-hái kok-lūi hái-sū chip-hoat sū-gî, chhin-chhiūⁿ cha cháu-su ia̍h thau-tō͘ téng, mā kiam kiù-oān kap chhú-lí hái-iûⁿ u-jiám sū-kiāⁿ.