Jorge Luis Borges
Jorge Francisco Isidoro Luis Borges (1899 nî 8 goe̍h 24 ji̍t – 1986 nî 6 goe̍h 14 ji̍t) sī A-kun-thêng ê chok-ka, si-jîn kap hoan-e̍k-ka. I-ê chok-phín pau-hâm chē-chē bûn-ha̍k ê hoān-tiû; pau-koat toán-phian siáu-soat, toán-bûn, sió-phín, koa-si, bûn-ha̍k phêng-lūn, iáu-koh ū hoan-e̍k bûn-ha̍k.
Borges tī Buenos Aires chhut-sì. In lāu-pē sī sim-lí-ha̍k kàu-su. Borges chū sè-hàn chiū seng-oa̍h tī Se-pan-gâ-gú kap Eng-gú ê khoân-kéng hā, chin hèng bûn-ha̍k, tiat-ha̍k kap lûn-lí-ha̍k. 1914 nî, Borges kui-ke-kháu poaⁿ-chhù kàu Sūi-se; Borges tī hia chiap-siū kàu-io̍k, āu-lâi kiâⁿ-iû Se-pan-gâ. 1921 nî, i tó-tńg khì A-kun-thêng, í chok-ka ê sin-hūn chhut-pán koa-si, lēng-gōa iā tī bûn-ha̍k chiu-khan hoat-piáu sàn-bûn. I mā tī tô͘-su-koán kang-chok, hoat-piáu kòe chē-chē pái kong-chiòng ián-káng. I tī Perón chèng-hú ê sî-kî, cho-gū tio̍h pek-hāi.