Maiken Faraday
Maiken Faraday (22 Sepitemba 1792 – 25 Ọgọs 1867) ìre ogwu usọ ifuk-ibot nrom ogwu Ingilan. Ọmọ ìre gwun̄ ogwu ikwaan̄ okwukwut ònikana ge me lek ebi usọ ifuk-ibot nrom ìsisibi etip ichit me etete ebi emen òso senturi 19.
Eria ọmọ isiuwu-ikpa ge òkup me ama ya inyi isi ikween̄ ifufuk mè igege. Ogwu mkpulu ntitiin̄ Awaji ge okpe ikpoko uwu-ikpa ya, mije îmun̄ ibe ke ọmọ ìre gwun̄ òkakaan̄ ifuk-ibot ikpa. Faraday înikana ogwu òmimin ichit me etete ebi ifuk-ibot nrom ìkirọ inu isibi [experimental physicist] me emen òso senturi akọp mè onaan̄ge.<ref1,2>
Ubọk geelek îrebe ke Faraday ìsi uwu-ikpa ọdọ gaalek, ìkarọriọọn̄ si ifuk ebi usọ ifuk [higher mathematics], ọmọ îkana ge me lek ebi usọ ifuk-ibot nrom ìkakaan̄ nnyirinya ichit [most influencial] me mfufuk. Owuwa inu îriọọn̄be, ọmọ gaalek ojeen̄ lek kan̄.
Me ukot mgbọ kan̄, ebi ene ekigwen ebi ìkaan̄ ifuk-ibot kire ọmọ ibe ke ere ebi ikpele ifuk-ibot ìsasa eyi kiban̄ iniman [natural philosophers]. Me emen mgbọ ya, atalek sọntiik inu gaalek ke eriọọn̄ ofolek <electricity>. Maiken Faraday îweek iriọọn̄ owuwa inu òfolek ike <electricity> òkije me emen <wire> môkọtbe irọ inu kire maginet. Ọmọ si îweek iriọọn̄ ike mêkọtbe isa <electricity> igbaan̄ mèlek ugwun̄ ikwaan̄ [chemicals] isa irọ inyi ema enwene.