სოფია კოპოლა
| სოფია კოპოლა | |
|---|---|
 კოპოლა კანის კინოფესტივალზე 2013 წელს | |
| დაბადების სახელი | სოფია კარმინა კოპოლა |
| დაბადების თარიღი |
14 მაისი, 1971 ნიუ-იორკი, აშშ |
| საქმიანობა | სცენარისტი, რეჟისორი, პროდიუსერი, მსახიობი |
| აქტიური | 1972 - |
| მეუღლე(ები) |
სპაიკ ჯოუნზი (1999-2003) |
| ოსკარი |
2003 — თარგმანში დაკარგული |
| ოქროს გლობუსი |
2003 — თარგმანში დაკარგული |
| სეზარი |
2003 — თარგმანში დაკარგული |
სოფია კოპოლა (ინგლ. Sofia Carmina Coppola; დ. 14 მაისი, 1971, ნიუ-იორკი, აშშ) — ამერიკელი კინორეჟისორი, სცენარისტი, პროდიუსერი და მსახიობი. ის არის კინორეჟისორ ფრენსის ფორდ კოპოლას ქალიშვილი. სოფია კოპოლა პირველი ამერიკელი ქალია, რომელიც წარადგინეს ოსკარის საუკეთესო რეჟისორის ჯილდოზე.
ბიოგრაფია
[რედაქტირება | წყაროს რედაქტირება]ადრეული წლები
[რედაქტირება | წყაროს რედაქტირება]სოფია კოპოლა ჰოლივუდის პრივილეგირებულ ოჯახში დაიბადა. მისი მამა, ცნობილი რეჟისორი ფრენსის ფორდ კოპოლაა, მსახიობი ნიკოლას კეიჯი კი მისი ბიძაშვილია. მათ ოჯახში ხშირად სტუმრობდნენ აკირა კუროსავა და ვერნერ ჰერცოგი. პატარა სოფია კოპოლა სასკოლო დავალებებს ფილმების სახით ამზადებდა. მან მცირე როლები შეასრულა მამის ფილმებში „აუტსაიდერები“, „კლუბი კოტონი“, „პეგი სიუს ცხოვრება“ „ნათლიმამა III“.
კარიერა
[რედაქტირება | წყაროს რედაქტირება]მოკლემეტრაჟიანი ფილმის „Lick the Star“ (1998) შემდეგ პირველი სრულმეტრაჟიანი მხატვრულ ფილმი „ქალწულების თვითმკვლელობა“ კოპოლამ 1999 წელს გადაიღო ჯეფრი ეუჯენიდესის ამავე სახელწოდების რომანის მიხედვით. მასში გარეუბნელი მოზარდი გოგონების ცხოვრება ასახა. 2003 წელს გამოვიდა ფილმი „თარგმანში დაკარგული“, რომელშიც ბილ მიურეი და სკარლეტ იოჰანსონი ორ გაუცხოებულ მოგზაურს თამაშობენ, რომლებიც ტოკიოში ხვდებიან ერთმანეთს. ფილმმა 44 მილიონი დოლარის მოგება ნახა ჩრდილოეთ ამერიკაში, ხოლო თითქმის 120 მლნ მთელ მსოფლიოში.[1] ფილმმა საუკეთესო სცენარისთვის ოსკარი მოიპოვა, ხოლო საუკეთესო ფილმისა და საუკეთესო სცენარისათვის კი ოქროს გლობუსი მიიღო.
კოპოლას შემდეგ ფილმში „მარი ანტუანეტი“ კომპანია Sony-მ 40 მილიონი დოლარი ჩადო. ფილმი ანტონია ფრეზერის რომანზეა დაფუძნებული და საფრანგეთის სკანდალური დედოფლის ცხოვრებას ასახავს. ფილმმა კრიტიკოსთა განსხვავებული რეაქციები გამოიწვია.
ფილმოგრაფია
[რედაქტირება | წყაროს რედაქტირება]- 1999 — თვითმკვლელი ქალწულები (The Virgin Suicides)
- 2003 — თარგმანში დაკარგული (Lost in Translation)
- 2006 — მარი ანტუანეტი (Marie Antoinette)
- 2010 — სადღაც (Somewhere)
- 2013 — ელიტური საზოგადოება (The Bling Ring)
რესურსები ინტერნეტში
[რედაქტირება | წყაროს რედაქტირება]
- სოფია კოპოლა კინოფილმების ინტერნეტ-მონაცემთა ბაზაში
- ზოგიერთი რამ სოფიას შესახებ დაარქივებული 2022-01-19 საიტზე Wayback Machine. ჟურნალი „ცხელი შოკოლადი“, 1 ოქტომბერი, 2006
სქოლიო
[რედაქტირება | წყაროს რედაქტირება]- ↑ „Lost in Translation“. Box Office Mojo. ციტირების თარიღი: 2009-03-13. დამოწმებას აქვს ცარიელი უცნობი პარამეტრ(ებ)ი:
|coauthors=(დახმარება)
| |||||
