Griffo o Croxe

ZE	Quésta pàgina a l'é scrîta in zenéize, segóndo a grafîa ofiçiâ

Monæe con griffo e crôxe

Zêugo ascì conosciûo cómme "tésta ò crôxe".

Descriçion e stöia

Nómme antighìscimo ch'o ne vêgne da unn-a de prìmme monæe de Zêna (XII-XIII sécolo), o quartâro de ràmmo (quàrto de denaro genovìn), ch'o l'àiva o Grìffo ranpànte de Zêna disegnòu in sciô revèrso, e a l'indrîto a crôxe cumùn a quaexi tutte e monæe cristiann-e do periodo.

O nomme de 'sta modesta monetinn-a, quartaro, o gh'é ascì scrîto inçimma (QVARTARO, opure QVATARO R) insémme a CVNRADVS pe' riciammâ o Re ch'o l'à permisso a-a çitæ de fâ monæe sò ( dixembre 1138 ).