Iesland

Island
Vlagge Waepen
Baosisgegevens
Officiële landstaele:	Ieslands
Oôdstad:	Reykjavik
Regeriengsvurm:	Rippebliek
Staetsoôd:	{{{staetsoôd}}}
Regeriengsleider:	{{{regeriengsleider}}}
Religie:	Protestant
Oppervlakte:	102.775 km²
Inweuners:	381.000 (2022) (3,5 inw. / km²)
Aore gegevens
Volkslied:	Lofsöngur
Web | Code | Tel.	.ua | IS | +

Iesland 's winters vanuut de ruumte

Reykjavik

Het durp Hafnir

Eruptie van de Groôte Geiser in de Haukadalurvallei, den oudst gekende geiser in de waereld

Eyjafjallajökull gletsjer, eên van de kleinste gletsjers in Iesland

Iesland is een land in het noordwesten van Europa. Iesland had een bevolkingsaantal van 381.000 (2022) en een oppervlakte van 102.775 km². De oôdstad is Reykjavik. 't is een zeer welvaerend land, al is 't wel arde 'etroffe deu de crisis van 2008. De dunbevolkte en woeste binnenlanden mee z'n geisers en vulkaonen trekke vee toeristen. De inweuners leve tehenwoordig vee van de financiele sector, vroeher vooral van de visserieje.

Vogges de overlevering was de Noor Ingólfur Arnarson, die in 874 arriverende, de eêste permanente beweuner van Iesland. Eeuwenlang wast een ongerdeel van Noorwegen en Denemarken, tiejens de Twidde Wereldoôrlog is Iesland in 1944 zelfstandig 'eworren.

Topografie

Iesland leit in de Noôrd-Atlantischen Oceaon juust ten zuuken van de noôrdpoôlcirkel. Alhoewel het zowel op de Nôord-Amerikoanse en op den Eurazioatise liet, maekt Iesland cultureêl meêr deêl uut van Europa, en wor deur z'n naeste band'n mee Noôrweeg'n en Denemark'n as een deêl van Scandinavië beschouwd.

't Dichtste land is Groenland (287 km) en de Faroer eiland'n (420 km), en den dichtsten ofstand toet 't Europese vasteland is 970 km nae Nôorweeg'n.

Geografie

Iesland is 't achtienste groôste eiland in de waereld, en den twidden in Europa achter Groôt-Brittannië. 't Hoodeiland hèt een oppervlakte van 101.826 km², mee de eiland'n derrond is 't heêle land 103.000 km². Doavan is 't er 62,7% toendra, mè nog 14,3% gletsjers en meer'n. Slechs 23% van de oppervlakte is begroeid meè vegetoatie.

Deur de vele fjordn ao Iesland een lange kustlijn van 4970 km, weeran de meêste steed'n en durp'n ligg'n, angezien 't grooste deêl van 't binnenland onbeweunbaer is. 't Klimaot an de kuste van Iesland wor op'ewermd deur den Golfstroôm. Deerdeur is de kuste meestal vrie van ies.

Taele

De officiêle 'eschreve en 'esproke taele ist Ieslands, een Noôrd-Germaonse taele die 'ofstamd van 't oud Noôrs. Iengels en Deens worre vee as tweêde taele 'esproke. In plekke van femilienaem'n gebruuk'n ze in Iesland patroniem'n, wa beteêekent dat een persoôn an'eduujd wor as de zeune of de dochter van ulder vaoder (bevobbeld: Ólafur Jónsson ("Ólafur, zeune van Jón") of Katrín Karlsdóttir ("Katrín, dochter van Karl"). Deerom ist tèlefoônboek in Iesland 'erangschikt vogges de voôrnaemen in plekke van de femilienaeme.

Regio's mee oôdstad

1. Höfuðborgarsvæðið, Oôdstedelijke regio, Reykjavik
2. Suðurnes, Zuujelek schiereiland, Keflavík
3. Vesturland, Westland, Borgarnes
4. Vestfirðir, Westfjorden, Ísafjörður
5. Norðurland vestra, Noordland west, Sauðárkrókur
6. Norðurland eystra, Noordland oost, Akureyri
7. Austurland, Oôstland, Egilsstaðir
8. Suðurland, Zuudland, Selfoss

Premiers van Iesland

Naem	Ambtsperiôde
Jón Magnússon	1917-1922
Sigurður Eggerz	1922-1924
Jón Magnússon	1924-1926
Jón Þorláksson	1926-1927
Tryggvi Þórhallsson	1927-1932
Ásgeir Ásgeirsson	1932-1934
Hermann Jónasson	1934-1939
Ólafur Thors	1939-1942
Björn Þórðarson	1942-1944
Ólafur Thors	1944-1947
Stefán Jóhann Stefánsson	1947-1949
Ólafur Thors	1949-1950
Steingrímur Steinþórsson	1950-1953
Ólafur Thors	1953-1956
Hermann Jónasson	1956-1958
Emil Jónsson	1958-1959
Ólafur Thors	1959-1963
Bjarni Benediktsson	1963-1970
Jóhann Hafstein	1970-1971
Ólafur Jóhannesson	1971-1974
Geir Hallgrímsson	1974-1978
Ólafur Jóhannesson	1978-1979
Benedikt Gröndal	1979-1980
Gunnar Thoroddsen	1980-1983
Steingrímur Hermannsson	1983-1987
Þorsteinn Pálsson	1987-1988
Steingrímur Hermannsson	1988-1991
Davíð Oddsson	1991-2004
Halldór Ásgrímsson	2004-2006
Geir H. Haarde	2006-2009
Jóhanna Sigurðardóttir	2009-

Externe verwieziengen

• De over'eid van Iesland

Kiek vò meêr plaetjes over dit onderwerp op de bladzie Iceland van Wikimedia Commons.