Esperanto aktuell
| Esperanto aktuell | |
 Kovrilpaĝo de la gazeto, tria n-ro de 2016
| |
| gazeto | |
|---|---|
| Speco | movada revuo |
| Formato | A4 |
| Periodeco | dumonata |
|
| |
| Lando |  Germanio
|
| Posedanto | Germana Esperanto-Asocio |
| Publikigisto | Alfaprint, Martin, Slovakujo |
| Redaktisto | Stano Marĉek, Yashovardhan Singh |
| Etataj aŭtoroj | Uwe Stecher, Hermann Kroppenberg, Utho Maier |
| Establodato | 1982 |
| Prezo | 18 EUR (Germanujo) aŭ 24 EUR (eksterlande) jare |
| ISSN | 0942-024X |
|
| |
Esperanto aktuell estas la titolo de la gazeto de la Germana Esperanto-Asocio (GEA). Jare aperas ses numeroj. Ekde 2011 la gazeton kune redaktas la baratdevena germano Yashovardhan Singh kaj la slovako Stano Marček – internacia redakcia duopo. Ekde la numero 3/2018 (249) ĝi aperas kun la subtitolo Informationen für Esperantofreunde in Deutschland und Österreich (Informoj por Esperanto-amikoj en Germanio kaj Aŭstrio).[1]
Enhavo
[redakti | redakti fonton]La tuta revuo enhavas artikolojn ĉu en la Germana ĉu en Esperanto.
En ĝi aperas informoj pri la Esperanto-movado en Germanujo, raportoj pri Esperanto-ekskursoj, multe da novaĵoj el Interreto, fragmentoj de aliaj gazetoj kiuj parolis pri Esperanto, kalendaro de venontaj Esperanto-aranĝoj, impresoj post okazaĵoj en Esperanto-centroj, intervjuoj.
Kelkaj paĝoj kun fotoj estas presitaj kolore.
Historio
[redakti | redakti fonton]Kiam la longjara afergvidanto de GEA kaj ĉefredaktoro de la Germana Esperanto-Revuo (poste Eŭropa Esperanto-Revuo) Ludwig Pickel mortis en majo 1978, ĉesis aperi la revuo kaj la Esperanto-novaĵoj (Pilo-Press), kiujn li eldonis en Esperanto kaj en germana lingvo.
La unua eldonaĵo kun la titolo Esperanto aktuell aperis en 1978,eldonita de la Ludwig-Zamenhof-Gesellschaft, kiu provis altiri “amikojn de Esperanto„. La societo kunvenis regule dum la germanaj Esperanto-Kongresoj kaj sin engaĝis por la ĝenerala agnosko kaj apliko de la internacia lingvo Esperanto. Ĝi eldonis Esperanto aktuell ĝis 1981 en germana lingvo en interkonsento kun GEA kaj plenigis per tio la breĉon. Redaktoro estis Holm Sörensen.[2]
Samtempe aperis Esperanto en F.R.Germanio kiel oficiala bulteno de GEA precipe en Esperanto.
En 1981 la Ludwig-Zamenhof-Gesellschaft dissolviĝis, kaj GEA transprenis ĉiujn rajtojn, ankaŭ la rajton pri la titolo Esperanto aktuell.[3]
Ekde 1982 GEA aperigis kun la sama nomo Esperanto aktuell iom aliaspekta en la sama formato A5 sian novan revuon kiel Organo de Germana Esperanto-Asocio. Dek jarojn poste ĝi ricevis la aspekton (kaj formaton, A4) de la regiona Esperanto-gazeto en Badeno-Virtembergo (Esperanto in Baden-Württemberg). Dum la unuaj jaroj oni eldonis alterne esperantlingvan kaj germanlingvan ekzempleron, sed fine oni decidis havi ĉiujn ekzemplerojn miksite.
Pasintaj redaktoroj
[redakti | redakti fonton]Redaktoroj de Esperanto aktuell estis i.a. Richard Reuchlin, Dirk Willkommen, Rudolf-Josef Fischer, Andreas Ludden, Frank Stocker, Alfred Knapp, Ziko van Dijk, Dirk Kretschmann kaj Alfred Schubert.
Vidu ankaŭ
[redakti | redakti fonton]Eksteraj ligiloj
[redakti | redakti fonton]- “Esperanto-gazetoj tra la tuta mondo: Okcidenta Eŭropo„ ĉe YouTube
- aktualaj informoj[rompita ligilo] (esperante)
- jen iuj rete legeblaj gazetopartoj el 2012 kaj 2011[rompita ligilo] (en formato pdf)
- kaj jen iuj partoj el 2006 ĝis 2010[rompita ligilo] (en formato pdf)
Referencoj
[redakti | redakti fonton]- ↑ Esperanto aktuell. Informationen für Esperantofreunde in Deutschland und Österreich. Deutscher Esperanto-Bund (Hrsg.), Berlin 3/2018.
- ↑ Esperanto aktuell. Zeitschrift der Ludwig-Zamenhof-Gesellschaft 4/1978, S. 26, kolofono.
- ↑ Esperanto en F.R.Germanio. Oficiala bulteno de Germana Esperanto-Asocio, numero 25, oktobro 1981, Heinrich Nischwitz (red.), Bensheim, p, 2.