Adelaide (Suid-Australië)

Adelaide
Stad
Vlag Wapen
Ligging van Adelaide
Die stad Adelaide
Koördinate: 34°55′44″S 138°36′04″O
Land	Australië
Deelstaat	Suid-Australië
Administratiewe verdeling	18 Local Government Areas
Stigting	28 Desember 1836
Regering
• Burgemeester	Michael Harbison
Oppervlak
• Stedelik	1 826,9 km2 (705,4 vk. myl)
Hoogte	43 m (141 ft)
Bevolking
• Stad	1 289 865
• Stedelike digtheid	1 295/km2 (3 350/vk. myl)
Tydsone	ACST (UTC+9:30)
• Somertyd	UTC+9:30
Webwerf	Adelaide City Council

Adelaide (Engels: [ˈædɪleɪd], ) is die hoofstad en grootste stad van die deelstaat Suid-Australië. Die stad het ongeveer 1,3 miljoen inwoners en is die 5de grootste stad ten opsigte van sy bevolking in Australië. Adelaide is in 1836 gestig en na Adelheid van Saxe-Meiningen, William IV se vrou, vernoem.

Adelaide is naby die Suidelike Oseaan en is noord van die Fleurieu-skiereiland geleë. 'n Rivier, genaamd die River Torrens, vloei deur die stad. Adelaide het 'n warm Mediterreense klimaat. Druiwe vir die produksie van wyn word in die Barossa-vallei (sowat 50 kilometer noord van Adelaide) verbou.

Die stad is bekend vir sy kunstefees, die Festival of Arts. Die fees word sedert 1960 elke tweede jaar aangebied en is een van die grootste van sy soort ter wêreld.

Adelaide word soms die "City of Churches" genoem vanweë die vele kerke wat daar aangetref word. 'n Ander algemeen benaming is "the 20 minute city", te danke aan die uitleg wat meeste plekke binne 20 minute van die sentrale besigheidsdistrik plaas.

Adelaide was een van die Australiese gasheerstede tydens die Krieketwêreldbeker 1992, Rugbywêreldbeker 2003, Krieketwêreldbeker 2015 en T20I-wêreldbeker 2022.

Eksterne skakels

• Wikimedia Commons het meer media in die kategorie Adelaide (Suid-Australië).
• (en) Toerisme-inligting oor Adelaide op Wikivoyage
• (en) Amptelike webwerf

	Hoofstede van Australië
Hoofstede Adelaide • Brisbane • Canberra • Darwin • Hobart • Melbourne • Perth • Sydney