La Ŝtata Dumao aŭ Imperia Dumao estis la Malsupra Ĉambro, parto de la leĝofara asembleo fine de la Rusa Imperio, kiu okazigis siajn kunsidojn en la Palaco Tavriĉeskij en Sankt-Peterburgo. Ĝi kunvenis kvar fojojn inter la 27a de Aprilo 1906 kaj la falo de la Imperio en Februaro 1917. La Unua kaj Dua Dumaoj estis pli demokrataj kaj reprezentis pli grandan nombro de naciaj tipoj ol ties sukcedantoj.[1] La Tria Dumao estis dominata de terposedantoj, nobeloj kaj negocistoj. La Kvara Dumao okazigis kvin sesiojn; ĝi ekzistis ĝis la 2a de Marto 1917, kaj estis formale dissolvita la 6an de Oktobro 1917.
