Arthur Koestler

Arthur Koestler, jaiotze izena Kösztler Artúr (Budapest, 1905eko irailaren 5a - Londres, 1983ko martxoaren 1a), judu jatorriko hungariar eleberrigile, kazetari eta saiakeragilea izan zen. Hungarieraz, alemanez eta, gehienbat, ingelesez idatzi zuen

Arthur Koestler
Irudi gehiago
Bizitza
Jaiotza	Budapest, 1905eko irailaren 5a
Herrialdea	Austria-Hungariako Inperioa Austria Hungaria Erresuma Batua  (1945 -
Heriotza	Londres, 1983ko martxoaren 1a (77 urte)
Heriotza modua	suizidioa: intoxikazioa
Familia
Aita	Henrik Koestler
Ezkontidea(k)	Cynthia Koestler (en) Mamaine Koestler Mamaine Koestler  (1950 -  1952)
Hezkuntza
Heziketa	Vienako unibertsitate teknologikoa (1922ko iraila -
Hizkuntzak	alemana ingelesa frantsesa
Jarduerak
Jarduerak	idazlea, filosofoa, eleberrigilea, kazetaria, gidoilaria, autobiografialaria eta politologoa
Lantokia(k)	Jerusalem Berlin Paris eta Londres
Lan nabarmenak	ikusi Darkness at Noon (en) The Thirteenth Tribe (en) The Yogi and the Commissar (en) The Sleepwalkers (en)
Jasotako sariak	ikusi Britainiar Inperioko Ordenaren komendadorea  (1972) Sonning saria  (1968)
Kidetza	Hizkuntza Modernoen Elkartea Kultura Askatasunerako kongresua
Mugimendua	kazetaritza
Genero artistikoa	historia autobiografia psikologia
Zerbitzu militarra
Parte hartutako gatazkak	Espainiako Gerra Zibila
Sinesmenak eta ideologia
Alderdi politikoa	Alemaniako Alderdi Komunista

Bizitza

Arthur Koestlerren estatua, Budapest.

Vienako unibertsitatean kazetaritzako ikasketak egin ondoren News Chronicle egunkari ingelesarentzat lan egin zuen Espainiako Gerra Zibileko kazetari gisa. Frankistek atxilo hartu zuten. Garai hartan bizitakoak eman zituen argitara Spanish Testament (1938) izenburupeko eleberrian. Alderdi Komunista utzi zuen 1937. urtean eta Europako mendebaldean eta Ameriketako Estatu Batuetan batez ere, oso ospetsu bihurtu zen Darkness at Noon (Iluntasuna eguerdian) eleberria eman zuen argitara 1940. urtean. Bertan, 1930. urteko Moskuko prozesua aipatzen du era hunkigarri batez.

Ideologiaren gerrak sortutako nahaste intelektuala eta moralaren arazoak aipatzen ditu Arrival and Departure (1943) eta Age of Longing (1951) eleberrietan. Alderdi Komunistan eman zituen urteetako gorabeherak deskribatzen ditu, bestalde, Arrow in the Blue (1952) eta The Invisible Writing (1953) obretan. Beste lan batzuk The Gladiators (1939), The Lotus and the Robot (1960) eta The Thirteenth Tribe (1976) dira.

Bizitzaren azken urteetan parapsikologiaz interesatu zen, eta gai honi buruzko lan batzuk idatzi zituen (The Roots of Coincidence 1972an eta The Challenge of Chance 1974an)

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Arthur Koestler

• Datuak: Q78494
• Multimedia: Arthur Koestler / Q78494