Biakin
 Tekst üüb Öömrang
|
Biakin (sö. Biiki, fe. Biikin, mo. Biikebrånen) as en nuurdfresk fest an woort tu Piadersinj (21. Febrewoore) feiert.
Sant 2014 as at Biakin gudkäänd üs UNESCO-weltarewdial.
Det wurd
BewerkeDet wurd biak komt faan ingelsk beacon of sjiisk Bake an ment soföl üs tiaken, en grat laacht tiaken. An Piadersinj as di inj föör Piadersdai, en katuulsken feierdai, näämd efter di Halag Petrus (Petri Stuhlfeier, 22. Febrewoore). Uk üüb a däänsk Nuurdsiaeilunen käänt am Pers Awten.
Det fest
BewerkeArke saarep hää sin aanj biak, an trinjam det ial jaft at föl onerhualang. Uun enkelt saarpen woort teooter spelet, at woort süngen an daanset, an üüb Sal an üüb a Stolberag wurd reedin häälen. An diarefter jaft at en greenkualiidjen.
Histoore
BewerkeAl föör a krastelk tidj haa a minsken biaket, am a wonterspuuk tu ferjaagin. Uun't 17. an 18. juarhunert haa a eilunsfresken hör sialidj ajis saad tu hör waalfangfaart. Doomools hed am ei föl holt, an sodenang wiar't man en letj ial bi strun, daalang san a biakebonker grat. Diar wurd tanebuumer, bosker an uk grater buumer ferbraand.
Piader
BewerkeBoowen üüb't biak komt üüb Sal en tan, an wan't deelfäält, as a wonter föörbi. Üüb Oomram an Fer komt en Piader (sjiisk: Peter) üüb't biak, det as en bruket sträpope. Det wiar iar wel so mend, dat am a poop (Petrus san efterfulger) an a katuulsk hööw uflönet. Daalang hää a Piader nian grater bedüüdang muar.
Biiki
BewerkeSölrang, faan Jens Mungard: