Cantón de Glarus

Glarus é un cantón de Suíza, a súa capital é Glarus. A superfie do cantón é de 685 km² e a poboación de 38.500 habitantes. A lingua oficial é o alemán e hai unha minoría do 6.8% de lingua italiana. O 42% da poboación é protestante e o 37% católica.

Cantón de Glarus

Localización
46°59′N 9°04′L
Estado federado	Suíza
Capital	Glarona (pt)
Contén a división administrativa	Glarona (pt) Glarus Nord (en) Glarus Süd (en)
Poboación
Poboación	40.403 (2018) (58,96 hab./km²)
Lingua oficial	lingua alemá
Xeografía
Parte de	Eastern Switzerland (en) Southeastern Switzerland (en) Eastern Switzerland (en)
Superficie	685,3 km²
Altitude	472 m
Punto máis alto	Tödi (en) (3.612 m)
Punto máis baixo	Linth (en) (412 m)
Comparte fronteira con	Cantón de Uri Cantón de San Galo Grisóns Cantón de Schwyz
Creación	1352
Organización política
Órgano lexislativo	Landsgemeinde Glarus (en) ,
Identificador descritivo
Fuso horario	UTC+01:00, horario estándar UTC+02:00, horario de verán
ISO 3166-2	CH-GL
Código NUTS	CH051
Páxina web	gl.ch

Xeografía

Mapa do Cantón de Glarus.

O cantón limita ao norte e ao leste co cantón de Sankt Gallen, ao sur cos Grisóns, e ao oeste cos cantóns de Uri e Schwyz.

O cantón de Glarus está dominado polo profundo val do río Linth. Gran parte do seu territorio é montañoso. O punto máis alto do cantón é o pico Tödi, con 3.614 m, situado nos Alpes Glaroneses. No norte do cantón está o lago de Walen (Walensee), que fai de fronteira co cantón de Sankt Gallen. A superficie do cantón de Glarus é de 685 km², dos cales preto da metade son considerados produtivos. A silvicultura é un sector importante da economía cantonal.

Historia

Os habitantes do val do Linth foron convertidos ao cristianismo no século VII polo misioneiro irlandés San Fridolino, quen fundou o convento de Säckingen, preto de Basilea. A partir do século IX a zona arredor de Glarus pertencía ao convento. En 1288, os Habsburgo reclamaron parte dos dereitos do convento, o que provocou en 1352 a unión de Glarus á Confederación Helvética.

Anverso dunha moeda conmemorativa do festival de tiro de Glarus de 1847 (40 batzen)

Entre 1506 e 1516 o reformador Ulrico Zuinglio foi pastor de Glarus, aínda que non puido pór fin ás desputas entre católicos e protestantes, e en 1564 todos os seus seguidores foran eliminados. Para asegurar a paz, en 1623 cada partido tiña dereito a ter cadansúa Landsgemeinde. Entre 1798 e 1803, durante a República Helvética imposta por Napoleón, Glarus pasou a formar parte do extinto cantón Linth. En 1836 a constitución foi adaptada para unir as asembleas e así poder establecer unha soa Landsgemeinde.

Economía

A xeografía do cantón axudou a fundar moitas tellerías no século XVII. Tamén as montañas circundantes foron unha vantaxe para a industrialización. A industria de filamentos de algodón foi moi importante no século XVIII.

O elevamento bovino de produción casera non foi substituído coa industrialización, sendo aínda o pastoreo na montaña unha actividade importante.

Comunas

Desde xullo de 2006 o cantón de Glarus está composto por vinte e cinco comunas:

Betschwanden, Bilten, Braunwald, Elm, Engi, Ennenda, Filzbach, Glaris, Haslen, Linthal, Luchsingen, Matt, Mitlödi, Mollis, Mühlehorn, Näfels, Netstal, Niederurnen, Oberurnen, Obstalden, Riedern, Rüti, Schwanden, Schwändi e Sool.