Diocese de Dumio

A Diocese de Dumio foi unha antiga diocese do reino de Galicia, sita no norte de Portugal, sendo actualmente unha sé titular.

Diocese de Dumio

Localización
Rexión histórica	Hispania
Provincia romana	Gallaecia
Escindido de	Bispado de Braga
Datos históricos
Creación	558
Disolución	1114
Sucedido por	diocese de Modoñedo

Estatua de Martiño de Dumio.

Historia

No ano 558, estando no trono o rei suevo Carriarico, Martiño de Dumio conseguiu que Dume fose elevada á dignidade episcopal, tornando a igrexa en catedral e constituíndo formalmente o bispado de Dumio con dominio directo sobre o territorio dependente do mosteiro.

Coa caída da monarquía visigoda e a invasión musulmá da Península Ibérica, o último prelado acolleuse no norte de Galicia na antiga sé de Britonia, aínda que titularmente permanecesen bispos de Dumio. Coa toma militar das prazas musulmás tempo despois o pequeno territorio da diocese de Dumio foi incorporado na diocese de Braga.

Actualmente, o título de bispo titular de Dumio continúa a ser usado por bispos auxiliares, á semellanza do que sucede con outras dioceses históricas de Portugal extinguidas.

Lista de bispos

• Martiño de Dumio (556-579)
• Xoán (589)
• Benxamín (610)
• Xermán (633)
• Recimiro (646-653)
• San Froitoso (656)
• Leodixisio (675)
• Liúva (681)
• Vicente (688)
• Fiz (693-716)
• Rosendo (867, 881, 907) - primeiro bispo coñecido con residencia en Mondoñedo.
• Sabarico (907-925/926)
• San Rosendo (927-951)
• Teodomiro (967, 974)
• Hermentario ou Armentario (985, 1012)
• Sueiro I (1015, 1022)
• Nuno (1025, 1027)
• Alvito (1042, 1062)
• Soeiro II (1058-1064)
• Gonzalo (1071-1111?)

Bispos titulares de Dume

• Manuel Ferreira Cabral (1972-1981)
• Carlos Francisco Martins Pinheiro (1985-2010)