Iria Vázquez Silva
Iria Vázquez Silva, nada en Vigo en 1980, é unha profesora universitaria e escritora galega.[1]
  | |
| Biografía | |
|---|---|
| Nacemento | 1980 (44/45 anos) Vigo, España |
| Educación | Universidade de Vigo Universidade da Coruña Universidade Autónoma de Barcelona |
| Actividade | |
| Ocupación | profesor de educación superior, escritora |
| Empregador | Universidade de Vigo (2021–) Universidade de Vigo (2016–) |
  | |
Traxectoria
editarLicenciada en Socioloxía pola Universidade da Coruña (2004),[2] é doutora tamén en Socioloxía coa tese La inmigración senegalesa en Galicia: remesas y cuidados en familias transnacionales (2014). Foi profesora interina de socioloxía na Universidade de Vigo e integrante do Grupo de Estudos Territoriais da Universidade da Coruña.
Realizou o proxecto Mulleres inmigrantes, lingua e sociedade. Novas perspectivas para a integración (2015-2017), desenvolvido na Universidade de Vigo e financiado pola Xunta de Galicia.[3] Especialista en xénero pola Universidade de Vigo e en igualdade pola Universidade Autónoma de Barcelona. As súas liñas de investigación abranguen a socioloxía das migracións, ademais da socioloxía do traballo e de xénero.[4] Traballou no ámbito da intervención social con mulleres en situación de violencia e colaborou con diversos colectivos feministas de Galiza.[5]
Publicou no Journal of Ethnic and Migration Studies "Transnational mothering strategies: Senegalese experiences" (2017), con Luna Vives. Publicou artigos na Soziologia eta zientzia politikoaren euskal aldizkaria (en galego, Revista vasca de socioloxía e ciencia política) e en diversos congresos.[6]
Obras
editar- Muller inmigrante, lingua e sociedade (2017). Vigo: Galaxia, Ensaio. Coordinadora con Laura Rodríguez Salgado. ISBN 978-84-9151-056-7.
- Cómplices. A violencia machista institucional (2020). Vigo: Galaxia. 240 páxs. ISBN 978-84-9151-442-8.[7] Coordinadora e autora de artigos.
Notas
editar- ↑ "Iria Vázquez Silva". Editorial Galaxia. Arquivado dende o orixinal o 16 de xuño de 2021. Consultado o 2022-01-30.
- ↑ "Iria Vázquez Silva". The Conversation (en inglés). Consultado o 2022-01-30.
- ↑ Guerrero Alfaro, Sara. "Contra os estereotipos das mulleres inmigrantes, a integración sociolingüística". www.elsaltodiario.com (en local). Consultado o 2022-01-30.
- ↑ "Iria Vázquez Silva". www.udc.es. Arquivado dende o orixinal o 30 de xaneiro de 2022. Consultado o 2022-01-30.
- ↑ "Iria Vázquez Silva Profesores UNIR". UNIR (en castelán). Consultado o 2022-01-30.
- ↑ "Buscar: Iria Vázquez Silva - 1". Dialnet (en castelán). Consultado o 2022-01-30.
- ↑ "Cómplices. A violencia machista institucional". Editorial Galaxia. Consultado o 2022-01-30.