Manuel Bermúdez Couso
Manuel Bermúdez Couso, nado na Pobra de Trives o 11 de novembro de 1924 e finado na mesma vila o 20 de abril de 2010, foi un mestre, político e dirixente ourensán.
| Biografía | |
|---|---|
| Nacemento | 11 de novembro de 1924  A Pobra de Trives, España |
| Morte | 20 de abril de 2010 (85 anos) |
| Actividade | |
| Ocupación | mestre, empresario, político |
Traxectoria
editarMestre de profesión, alternou a súa carreira docente coa política. Comezou de docente dando clase en 1951 en Ourense, e despois pasou á escola de formación do profesorado da Universidade de Santiago de Compostela, con sede en Ourense, onde foi catedrático de matemáticas e logo, na década dos setenta, director. Posteriormente, traballou como inspector de ensino en Madrid. Tamén foi director da Escola de Comercio dependente da Deputación de Ourense.
En política, durante o franquismo foi deputado provincial na década dos sesenta e setenta, e xa na democracia, ingresou en Centristas de Galicia. Foi ademais nomeado vicepresidente de Caixa Ourense, e ocupou a presidencia da entidade á morte do presidente David Ferrer en 1998. Neste cargo de presidente dirixiu a fusión con Caixavigo en 1999 e polo tanto a desaparición da entidade independente, mais continuou no consello de administración da nova entidade, a partir de 2000 denominada Caixanova. Finou na Pobra de Trives o 20 de abril de 2010.[1]
Notas
editar- ↑ "Nota necrolóxica". Arquivado dende o orixinal o 12 de setembro de 2019. Consultado o 02 de agosto de 2010.