Քրիշ 3
 հինդի՝ कृष ३ | |
|---|---|
 | |
| Երկիր |  Հնդկաստան |
| Ժանր | ֆանտաստիկ ֆիլմ[1][2], ֆիլմ սուպերհերոսների մասին, մարտաֆիլմ, արկածային ֆիլմ և երաժշտական ֆիլմ |
| Թվական | 2013 |
| Լեզու | հինդի |
| Ռեժիսոր | Ռակեշ Ռոշան[3][1][2] |
| Պրոդյուսեր | Ռակեշ Ռոշան |
| Սցենարի հեղինակ | Հանի Իրանի և Ռոբին Բհատ |
| Դերակատարներ | Հրիթիկ Ռոշան[3][2], Պրիանկա Չոպրա[3][2], Կանգանա Ռանաուտ[2], Վիվեկ Օբերոյ[3][2] և Շաուրյա Չաուհան |
| Օպերատոր | Տիրու |
| Երաժշտություն | Ռաջեշ Ռոշան |
| Մոնտաժ | Չանդան Արորա |
| Պատմվածքի վայր | Հնդկաստան |
| Նկարահանման վայր | Շվեյցարիա և Թուրքիա |
| Կինոընկերություն | Filmkraft Productions Pvt. Ltd |
| Տևողություն | 152 րոպե |
| Նախորդ | Կրրիշ |
| Պաշտոնական կայքէջ | |
«Քրիշ 3» (հինդի՝ कृषकृष 3, Krrish 3), ռեժիսոր Ռաքեշ Ռոշանի հնդկական սուպերհերոսական ֆիլմը, որը վարձույթով թողարկվել է 2013 թվականի նոյեմբերի 1-ին։ «Դու մենակ չես» և «Կրրիշ» ֆիլմերի շարունակությունն է, ունի նաև հաջորդ մաս՝ «Կրրիշ 4» անվամբ[4]։
Ֆիլմը պատմում է տաղանդավոր գիտնական Ռոհիտ Մեհրայի կյանքի և նրա որդի՝ սուպերհերոս Կրիշնա Մեհրայի մասին (նույն ինքը՝ Կրրիշ)։ Կրիշնան ստիպված է պայքարել չար հանճար Քաալի դեմ, որին միշտ օգնում են նրա կամակատար-մուտանտները։
Ի սկզբանե նախատեսվում էր «Կրրիշ 3» ֆիլմը թողարկել 3D ձևաչափով[5], բայց քանի որ ժամանակը քիչ էր՝ ֆիլմն այդ ձևաչափին հարմարեցնելու համար, ռեժիսոր Ռաքեշ Ռոշանը ստիպված էր հայտարարել, որ ֆիլմը կթողարկվի 2D ձևաչափով[6]։
Սյուժե
[խմբագրել | խմբագրել կոդը]Այն բանից հետո, երբ Կրրիշը պարտության է մատնում չար բժիշկ Արյային՝ այդ կերպ կարողանալով գերությունից ազատել իր հորը՝ Ռոհիտին, սուպերհերոսը շարունակում է պայքարել չարիքի դեմ և շատերի կյանքը փրկել վտանգից։ Դրա արդյունքում Կրրիշն աստիճանաբար դառնում է բոլորի կողմից ճանաչված հերոս։
Կրիշնան իր կնոջ՝ Պրիայի հետ վերջնականապես տեղափոխվում է մեկ այլ քաղաք։ Ռոհիտը շարունակում է իր գիտական գործունեությունը և օգտագործում իր բարձր զարգացած մտավոր ունակությունները՝ հօգուտ հասարակության։
Բայց բոլորին անհայտ է, որ մոլորակի մյուս մասում օր օրի մութ ուժն ավելի է հզորանում։ Նրա անունը Քաալ է։ Վերջինս, լինելով բնածին հանճար, իր ունակությունները բացասաբար է օգտագործում՝ այդպիսով ամբողջ աշխարհում տարածելով չարն ու ոչնչացումը։ Իր չար գործերին աջակցելու համար նա օգտվում է իր «ձեռամբ ստեղծված» արարածների օգնությունից։
Շուտով մնում են միայն Ռոհիտը և Կրրիշը, ովքեր կարող են կանխել չար Քաալի մտադրությունը։ Բայց դա չի կանգնեցնում չար հանճարին, և արդյունքում ճակատագիրը դեմ-դիմաց է կանգնեցնում սուպերհերոսին և չարին, և Կրրիշի առջև խնդիր է ծագում ոչ միայն ոչնչացնել Քաալի վատ մտադրությունները, այլև պաշտպանել իր ընտանիքին։ Եվ Կրիշնան պետք է փորձի իր մեջ նոր ուժեր արթնացնել անողոք թշնամու դեմ պայքարում։
Պարգևներ
[խմբագրել | խմբագրել կոդը]- «IIFA Award» մարտական տեսարանների լավագույն բեմադրման համար - Շամ Կաուշալ և Չեն Սյադուն[7]
- «IIFA Award» լավագույն հատուկ էֆեկտների համար - Քեյթան Յադավ և Հարեշ Հինգորանի[7]
- «Screen Award» լավագույն տեսողական էֆեկտների համար - Red Chillies Entertainment[8]
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ 1,0 1,1 http://www.imdb.com/title/tt1029231/
- ↑ 2,0 2,1 2,2 2,3 2,4 2,5 http://www.allocine.fr/film/fichefilm_gen_cfilm=224566.html
- ↑ 3,0 3,1 3,2 3,3 http://www.bbfc.co.uk/releases/krrish-3-2013
- ↑ «Krrish 3 now to release on November 1». The Times of India. 2013 թ․ սեպտեմբերի 30. Վերցված է 2013 թ․ սեպտեմբերի 30-ին.
- ↑ «3D movies: Bollywood gives a new dimension». The Times of India. 2011 թ․ նոյեմբերի 7. Արխիվացված է օրիգինալից 2013 թ․ սեպտեմբերի 28-ին. Վերցված է 2011 թ․ նոյեմբերի 8-ին.
- ↑ «Krrish 3 not in 3D:». Noel Singh Dias. 2013 թ․ օգոստոսի 7. Վերցված է 2013 թ․ հոկտեմբերի 31-ին.
- ↑ 7,0 7,1 «IIFA Through the Years – IIFA 2014 — Tampa Bay, USA» (անգլերեն). IIFA. 2014 թ․ ապրիլի 26. Արխիվացված է օրիգինալից 2016 թ․ սեպտեմբերի 23-ին. Վերցված է 2015 թ․ սեպտեմբերի 1-ին.
- ↑ «20th Annual Life OK Screen Awards: List of winners». Indian Express (անգլերեն). 2014 թ․ հունվարի 15. Արխիվացված է օրիգինալից 2014 թ․ հունվարի 31-ին.
|
