Fretum Laperousii
Fretum Laperousii[1], in Iaponia fretum Sōya (Iaponice 宗谷海峡) est fretum inter insulas Sachalinam et Esoniam. Maria Iaponicum et Ochotense coniungit. Confinium Russiae et Iaponiae est. Latitudinem loco artissimo 43 chm habet et longitudinem circa 94 chm. Altitudo maxima 118 m est. Hieme glacie stringitur.
Nomine Ioannis Laperousii(fr) navigatoris Francici famosi nuncupatur, qui anno 1787 hoc invenit.
Wakkanai portus parvus in litore freti Esoniano aedificatus est. In freto insula parva vel melius dicere saxorum nudorum acervus situs est, "Lapis Periculi" appellatus (Russice Kamen' Opasnosti, Iaponice 二丈岩, Nijōiwa).
Notae
recensere- ↑ Norae Zabinkovae et Moysis Kirpicznikov Nomina physico-geographica principalia URSS s.v. Лаперуза, пролив.
Nexus externi
recensere
|
Situs geographici et historici: Locus: 45°43′20″N 142°1′36″E • GeoNames • Thesaurus Getty • Большая российская энциклопедия |