Christendóm

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

't Christendom is de religie die is oontstande oet de lier vaan Zjezus Christus. 't Is de groetste wereldreligie, mèt euver de gaanse wereld zoe'n 1.500.000.000 aonhengers. Allewel tot ze in Palestina oontstoon is, is de religie veural groet gewore in Europa en laoter Amerika.

De lier van 't christendom steit opgesjreve in de Biebel, dee oet twie deile besteit: 't Nui en 't Aajd Testament. 't Aajd Testament geit euver 't ontstoon vaan de wereld en de gesjiedenis van 't Joedse volk. 't Nui Testament geit euver 't leve van Zjezus Christus.

't Christendóm is oontstande oet 't joededom naotot sommege Joede dachte tot Zjezus de messias (verlosser) waor. 't Christendom waor vanaof de 4e iew n.Chr. tot aon de godsdeensoorloge vaan de 16e iew de belangriekste godsdeens vaan Europa.

't Christendom weurt op väöl menere beleje, boe-in me drei hoofstrome herkinne kint:

• De Kathelieke kèrke:
  • Roems-Kathelieke Kèrk;
  • Aajd-kathelieke Kèrk;
  • Oesters-Kathelieke Kèrk, die besteit oet o.a.:;
    • Rössisch-orthodoxe Kèrk;
    • Grieks-orthodoxe Kèrk;
  • Armeense Kèrk;
  • Nestoriaanse Kèrk.
• De Protestante strominge
  • De Nederlandse PKN;
  • Lutheranisme;
  • Gereformeerde;
    • Gereformeerd vriegemak;
  • Calvinisme;
  • Anglicaanse Kèrk;
  • Ware Zjezus Kèrk;
• Sektes
  • Getuiges vaan Jehova;
  • Mormone