洛阳
（从洛阳市转戳到箇里）
洛阳（8loq-yan）是内亚河南省个一个地级市，是中国邪气有名个古都。搿个城市个位置勒拉洛水北面，按照传统个地理学，勒拉水北面个场许讴“阳”咾，搿个城市便讴洛阳，因为历史长，搿个场化还有交关别个名头，比方讲：雒陽、雒邑、京洛搭仔洛城，貤因得洛阳边浪向有伊咾洛兩条河咾，葛咾貤讴伊洛。
地理
[编辑]洛阳个位置勒拉中原稍須偏西，边浪向山川邪气多，西面挨牢秦岭，东面面对嵩山，北面隔著黄河，搭太行山面对，南面有伏牛山，勒拉传统个风水角度，隻位置邪气好，蓋咾有“河山拱戴，形势甲于天下”个讲法。堪舆专家讲洛阳是“风水宝地”[1]。
地貌
[编辑]洛阳个地势，是西面高咾东面低个，搿只场化境内两样生个山川丘陵蛮多，地形情况比较多元。其中，山区面积有45.51%，丘陵面积有40.73%，平原面积比较小，只有13.8%。
人口
[编辑]洛阳是河南省第二大城市，已经有200万个城区人口勒海搿搭塊居住。
历史
[编辑]洛阳个历史是从周人往东，征讨商开始个，勒拉西周，搿搭塊就成为脱仅次于首都个重要城市在哉；东周辰光，首都迁到洛阳，成为著真正个全国性大城市。之后，东汉、魏、西晋、北魏、隋、唐、后梁、后唐搭仔后晋亨八冷打擔搿只场化当首都；到脱北宋，保持西京个地位。定都历史邪气长，弗过，到金国之后，就慢慢衰落哉，到明清辰光，只是隻小县城哉（比同一辰光个上海小脱好几倍）。一直到近代，吴佩孚勒洛阳练兵，加之工业建设，再让搿搭塊重新恢复著一眼人口。乃朝个洛阳是一个工业城市，城东个回族穆斯林多來海海會會。
方言
[编辑]- ↑ 你知道洛阳风水为什么处于优势地位吗？[链接坏脱]