TUNKAR CHANGVAWN

Sam 97:10
Aw LALPA
hmangaihtute u, sual haw
rawh u.

EMMANUEL AFTER
CARE CENTRE
Bethel Veng,Champhai
Mizoram : 796321
Phone: 9612194537

for

- Thomas Fuller

Vo l u m e XI
Article

KOHHRAN
BCM ten ringthar 1418 nei
Baptist Church of Mizoram
hnuaia Mission Field 18 ah
kumin January atanga June
thleng khan ringthar
baptisma chang 1418 an
awm a. BCM Mission
Workers awm mek zat
1253 an ni a. Heng zingah

hian Missionary 321, Missionary Nupui 171, Native

worker 292, Casual workers/Fixed 99, Pawlho
chawm Missionary 132,
School Support 218, Recognized Missionary 20,
Grand Total 1253 an ni.

UPC (NEI) in Reverend title pe

UPC NEI hnuaia Assam
Missions Field Director hna
thawk mektu Pastor
Lalsiamliana Zote chuan
kum 10 pastor hna a lo
thawh tlin tawh avangin
REVEREND title pek a ni
a, tunah chuan Rev.
Lalsiamliana Zote ti a ziah

leh lam tawh tur a ni. Tin, ni

7-6 July chhung khan Aizawl
East District Board, Ramhlun
Aizawlah neih a ni a, kumtina
an tih \hin angin August thla
chhung hian Pastor te rammu
a feh chhuah leh tur a nih
bakah pastor nupuite seminar neih leh tur a ni bawk.

Harhtharlehna Crusade buatsaih dawn

Ni 18-24 July chhung hian
Speaker C.Zairemmawia
ruaiin Champhai khaw
chhunga mi\hahnemngaite
chuan Harhtharlehna Crusade, Venglai Community

Hmelma huaisen chu \hian

dawihzep ai chuan a \ha
zawk.

Hall ah an buatsaih dawn a.

He hun chhim tur hian tunlai
Pathian thu awmzia hre duh
leh nun tuihal apiangte tel turin
Organising Committee chuan
mi an sawm a ni.

I s s u e - 609 Date : 10th July 2 0 16 ( Sunday )

A m a n t h l a k h a t a h R s . 20/ -

NU TE MAWHPHURHNA LEH AN TIHTUR

True Jokes

MAMAWH CHHANNA ISUA- V

- C.Hranghluna.
Tin, vantirhkoh chuan an hnenah, Hlau suh ulang, ngai
rawh u, mi tin ta tur chanchin tha lawmawm em em ka rawn thlen
che u a ni. Vawiinah hian in tan Davida khuaah Chhandamtu a
piang ta, Lal Krista chu.
- Luka 2:10-11
Lalpaah hian kan mamawh chhanna kim a awm a, mahse kan mamawhte hi
keini lam hi chuan kan ngaihtuah ngai lo va, tin, ringtu unau tam tak chuan kan
mamawh takzet hunah chauh lo chuan kan mamawhte hi kan hre thei hek lo. Diktak
chuan Lalpa hi cancer natnain min tlakbuak chiah hian a hlutna a lang fiah a, chhiatna
lian tham kan tawh chiah hian a pawimawhna a chiang leh \hin a. Thihna in kan
chhungkuaa thla a zar laite hlei hlei hian Lalpa hi a lang fiah \hin a nih hi. Amaherawh
chu vanduaithlak takin, chutiang harsatna vawrtawp tawh avanga, Lalpa ropuina
hmuh ai chuan; Pathian dona thinlung hel, Pathian huatna leh Pathian demna te,
Pathian a awm rinloh hialna sualte hmang hian, mi tam takte chu setana hian mi a
chhum hmin \hin a, a pawi takzet a ni.
Cancer vei, cancer avanga thi mek te thlengin hmuh tur an awm ta nual mai.
Hetiang mite nunah hian cancer natna phena Pathian thlamuanna, cancer natna in a
chim buai phak ve loh leh cancer natna chunga lengte hi ka hmu ta nual mai. An
natna avanga lungngai tak takte thlamuantu ni ta hlauhte hi sawi tur an awm fur mai!
Diktak chuan cancer natna hmunah chuan sum leh pai thiltihtheihna te hi thlamuanna
atan a tawk zo tawh lo va, chhungte neih \hat leh; milian hmelhriatte hi damna a ni
ber tawh lo. Nun tawp khawk, hun tawp leh manganna vawrtawp in hringnun a
tuam hlup hlupna boruak rit leh vawt ruih mai karah meuh hi chuan, mihring
intihpachanna leh intihmipana te hian awmzia tak tak a nei tawh lo va. Hlauhna leh
zamna, huphurhna leh mahni in uina te hi kan in leng a ni tawh a. Chutiang hunah
chuan van lam thiltihtheihna chauh lo chu mamawh kan nei tawh \hin lo. Chutiang
hun chu kan hmaah \heuh hian a awm a, ma thei lovin kan la tawk ve dawn a ni.

DANGLAM

Kohhran chanchin chhuah tur

neite chuan kartin Ningani aia
tlai lovah sms in emaw phone
in biak pawh theih kan ni e.
Cont; 9612194537

~~Joseph Lr Chhangte~~

KUNGFU MASTER IN MEI ALH PHUHCHHUAK

He 'trick' hi a pui riap riap
khawp mai, khawi atangin
nge mei alh hi a lo chhuah
tih chu zawhna lian tak a
ni. Mianyang, China-a
kungfu master turu buru
tak pakhat chuan
hmasang pipu thawnthu
ami 'dragon' ang maiin mei deh kaina engmah hmang lovin,
a ka chhung atangin meialh a phuh chhuak zuai zuai mai!
Khawlai-a thiamthil entirtu, kum 55 mi Liu Fei-a hian a
'magic trick' danglam leh mit la tak chu Mianyiang khawpui
kawtthlerah entirin, thingzai nawi chu a ka khat tanin a hnawh
a, tichuan a kut chu awmze nei takin a vai kual a, ring taka
a kut a ben leh thak thak hnuin a ka-a thingzai nawi kar
atangin vawilehkhatah meialh a rawn phuh chhuak ta zuai
zuai mai. Mak em em chu mei deh kai na'n meitalh emaw
nawhalh emaw engmah a hmang hauh lo va, engtinge meialh
chu a rawn insiam theih? tih chu thlirtute maktih ber a ni.
Tichuan 'hand fan' hlai zet mai lachhuakin a ka chhunga mei
khu chu a zap chhuak a, a rawn khu chhuak hluah hluah
mai. Mitdawivaihna hmanga inbumna mai a nilo tih finfiah
na'n thlirtu zinga pakhatin va pan hnaiin Liu-a ka-a meialh
atang chuan meizial a tan kai nghe nghe a ni. Liu-a chuan
media hnenah he 'skill' hneh taka zirthiam(master) tur hian
kum 6 chhung zet ngawrh taka a beih thu leh meialh rawn
insiam theihna chhan thuruk chu thingzai nawi-a 'phosphorus' inphum chu niin a sawi. .
.

EMMANUEL for
Editor

: C.Hranghluna
9612194537
News Editor : Chanchinmawia
9615820416
Contributor:
Lalnunsanga Fanai
9862120903
Dak a la duhtan kum khat lakman
pek lawk a ngai. Tin, thuchhuah tur
nei chuan hawrawp felfai tak emaw
khawlchhut hmangin, Office,
Emmanuel After Care Centre,
Bethel Veng, Champhai ah thehluh
tur a ni. Thu lut a piang erawh
chhuah vek a remchang kherlo
th e i .

www.champhai.net

Editorial
TPRISM hi le
Kan rama sual lian tak, hneh
harsa ber pakhat chu eirukna hi a ni.
Kohhran atang chuan, eiru te tana
tawngtaisak emaw, pulpit Pathian thu
hmanga in sermon khumte bak hi
chu; Pathian duhzawng han tih belh
leh chuan tur kan hre tawh mang lo.
Kan ramah hian thim
thuahhnih a thleng dawn tia ralkhel
dar vua an awm ta nawk mai. Tin,
phatrual lohvin kan ramah hian sual
a ngam telh telh tih pawh kan hria.
Sual hi kan zuah len zel chuan, sual
man hi kan ram hian kan la tel ngei
ngei ang. Mithahnemngai ten kan
ram tluchhe mek tungding tura, dan
diktak hmanga thil sualtitu te beih let
hna thawh nachang hria PRISM kan
nei hi kan vannei hle a ni. Thil thalo hi
a ngampat lohna tur te, Pathian thu
hian Biak In pawn lamah zawm a
hlawh leh zual theihna tur atante hian,
a taka eirukna dotute tana tawngtai
te, support lo pek te hi Kohhran kan
nihna atanga kan tihtur pawimawh tak
a ni ngei ang.

WORLD
Article

Date 10th July 2016

SUNDAY

PAGE - 2

NU TE MAWHPHURHNA LEH AN TIHTUR

Nu mawhphurhna leh an tihtur

kan sawi dawn avangin NU tih hi hrilhfiah
hmasa ila a tha awm e. Nu chu hmeichhia,
mipa nupui, khawtlang leh ram dan anga
mipa-in nupui atana a neih, fanau hringtu, a
pasal fanaute hmangaiha enkawla
kuahkhawmtu a ni, tiin hrilhfiah ila a tha awm
e.
Tunlai khawvelah hian pasal fanau
hmangaiha enkawla kuahkhawm tum lem lo
Nu an tam tak avangin Nu mawhphurhna leh
tihtur han sawi lan hi thil tul tak niin a lang ta a. Chuvangin Nu
mawhphurhna leh tihtur pawimawh zual te han tarlang ila; tu
huat thu mah kan sawi em lovang chu maw!!! Inzirna atan hman
theuh tum ta zawk ila a lawmawm ngawt ang.
1. Nu chuan Pathian a ngaihsak tur a ni. Nu chu fanaute paia
enkawl seiliantu anih avangin Pathian ngaihsak mi a nih a ngai a
ni. Min siamtu Pathian chhungkuain a ngaihsak loh chuan
chhungkaw hlim leh hlawhtling nih a har. Bibleah hian Nu pakhat
Jezebeli ( lal Ahaba nupui) Pathian hlauhna nei miah lo hi a awm a.
Baala betu Puithiam fanu anih avang te pawh a nia nge Pathian
tihna reng reng a nei lova. A pasal thuneihna a hmangsual a, a tha
lo lam zawngin a pasal a fuihpawrh bawk a. Pathian tihna neilo nu
enkawlna hnuaiah chuan chhungkua a lo boral ta hial a ni. Bible
chuan, Ahaba atanga mipa fa tawh phawt chu ka tiboral ang.
Jezereel khaw kulh bulah uiin Jezebeli hi an la ei ang. Ahaba
chhungkaw zinga khawpuia thi apiangte chu uiin an ei ang a,
rama thi apiangte chu chungleng savaten an ei ang, tih hi he
chhungkaw chungchanga a sawi chu a ni ta a ni. He nu hi Pathian
tih mi nise chuan hetiang hi a thlen a rinawm lo. Jezebeli ang nu hi
kan ramah an awm teuh a rinawm. Sawrkar hna thawk zingah
pawh pasalte thil dik lo ti tur a fuih fo thin leh pasalte thuneihna
leh thawhchhuah sa hmangsuala chapopui Jezebeli angin hi kan
awm teuh a rinawm a ni. Jezebeli ang nih hi a hlauhawm hle a.
Chuvangin Nu chuan Pathian tih sela, a enkawl pasal fanaute pawh
Pathian ngaihsak turin tan la se fuih sauh sauh se a tha awm e.
2. Nu chu pasal lakah a intulut tur a ni. Kan thupui pahnihna
hi chuan pasal thuhnuaia kun thiam lam a kawk a. Nu
mawhphurhna pawimawh tak chu Tanpuitu (Assistant) a ni a, lu

(head) a ni lo. Kan Bible chuan

Hmeichhe lu chu mipa a ni a, mipa lu
chu Krista a ni tih min hrilh a. Nuin head
nih a tum talh hian chhungkua a buai
duh hle a ni. Judaho thufingah chuan,
Chhungkuaa lal tam tak awmna chu
chhungkaw vanduai ber a ni, a ti a. Nu
mawhphurhna i la dawn anih chuan i
pasal tan Tanpuitu ni la, head i ni lo tih
hi pawm a tha hle a ni. I pasal aiin
lehkha i zir sangin i hlawh pawh a tam
zawk a ni thei, chumai bakah inchhuan
theihna tam tak i la nei cheu a ni mai
thei e; chutiang dinhmunah pawh lo
ding la Tanpuitu i nih theihnghilh ngai
suh. Tunlai kan ramah hian pasal
thuawih lo nupui an tam ta hlein a hriat
a. Hei hi thil tha lo tak a ni. I pasal
hnenah intulut la, nitinin a hmangaih
telh telh ang che. I intukluh loh chuan
nupa karah harsatna a lo tam tial tial
ang a, nupa inthen a lo thleng mai ang.
Fanau kan hmangaih theih dan sang ber
chu nupa kan inhmangaih hian a ni daih
asin. Inthen chuan fanaute hmangaih
hi har tak a ni.
3.Nu chuan a awm tawkin a inchei
thin tur a ni. Mizo nula leh nute aia
inchei peih hi hnam dang awm tak ang
maw! Nula chu a nalh thei ang berin lo
inchei pawh nise nula a la ni miauva; nu
chu nu a nihzia lang theiin inchei sela a
tha hle a ni. Nu thenkhat chuan inchei
hi an uar khawp a, it lah an ngah.
Chhungkaw sumin a tlin loh pawhin an
la ba hram zel a.
Hei hian
chhungkuaah harsatna chi hnih a thlen
thei: pakhatnaah chuan tlakranna a
thlen thei a, leiba ngah tak nih chu a

- C.Lalngura
Vengthar, Champhai

zahawm lo. Pahnihnaah chuan Mawina

hian mipa a hip a, chutih lai chuan
hmeichhia te hian chutianga lawmtu
han ngainat mai theihna hi an ngah a.
Nupa inkar lah a lo thlum reng lem si
lova, mipa a hipna chuan Uirena a
thlen thei a, chu chuan nupa inthenna
a thlen nge nge thin. Kan Bible chuan,
In incheina chu pawn lam incheina sam phiar te rangkachak thi awrh te ni
lovin rilru thuhnuairawlh leh nunnem
silhfen chhe thei lova inthuam ni zawk
rawh se, chu chu Pathian mit hmuhin a
hlu em em a ni, (1 Pet 3: 1 - 4) a ti a ni.
4. Nu chu Zaidam leh Taima a ni tur
a ni. Phunchiar leh ang reng mai Nu
bula awm chu tuman an peih lovang.
Thatchhia te hi phuna ang peih peih an
ni duh chawk. Nu chuan sorkarah
emawa hna thawk nghet a nih loh
chuan In chhung enkawltu a nih a ngai
a. Chutianga thawk nghet a nih pawhin
a hman ang angin In chhung enkawl
fel chu a hna a ni tho tho. A taimak loh
chuan nu nih a tling thei lo a ni.
5.Nu chu a rinawm tur a ni. Mihring
kan lo pun tam ang zelin sex hman
sualna pawh a pung ve zel a. Hman lai
kha chuan Uire chu sakeiin a seh duh
an ti a.Uirena kha mualphona nasa tak
a niin mi ngaihnep nihna a ni a. Uire ro
roah pawh mipa uire hi chu hmeichhe
uire ai chuan kan ngaithiam deuh a,
hmeichhe uire hi chu kan ngaithiam
lova, inthenna a thlen nge nge thin.
Inthen a thlen em loh pawhin
chhungkaw hlimna a tichhe thin.
Chuvangin, Nu chu pasal lakah a
rinawm tur a ni.

UPC (MZ) te LAD khawmpui mek

Ni 8-10 July chhung hian
Mizoram UPC (MZ) chuan
General LAD Champhai
pastor bial Seminar cum

Retreat an nei mek a. He

hunah hian General puipate
hnen a\angin Pathian thuchah
ngaihthlak \hin a ni ang.

S.A ten Medical Fellowship Sunday

Salvation Army chuan ni 10
July Pathianni hian Medical
Fellowship Sunday an
hmang ang. He hunah hian
Medical Fellowship te hian
free clinic te an buatsaih \hin
bakah hriselna lam thil

pawimawh hrang hrang,

mahni inpekna hmangte leh
Corps sum hmangte in an
thawk \hin a, tin, Medical fellowship awmzia inhrilhfiahna
leh sawizauna te neih \hin a ni
bawk.

Zo mi Baptist Church
Champhai chuan Child Development Centre hnuaia
thawktu Manager a\anga
Workers thlengin mi 15 an
la thar. ZBC hian Compassion East India nena
\angkawpin Child Development programme an kalpui

mek a, an hnuaiah hian

naupang 300 zet an enkawl
mek a ni. Naupangte hi tlaitin
School banah tlai dar 5:00
thleng hun an hmanpui \hin a,
he hunah hian excercise te,
bible thutawi zirtirna te an
neihpui bakah eitur te an
buatsaih sak bawk \hin a ni.

ZBC in thawktu la thar

SYNFO-in PRAISE ON TV Show

buatsaih dawn

Synod Information and Publicity Department (Synfo)

chuan Kohhran rawngbawlna pawimawh t ak
pakhat zaia rawngbawlna
kawnga hmasawnna atan leh
Kohhran programme hrang
hranga thinlung taka Pathian
faka zai thei an lo pun zel
theih nan Praise On TV
show, Mizoram pum huap a
Branch KTP Solo intihsiakna a buatsaih dawn a,
Presbyterian Kohhran, KTP
member, mahni puala Audio
Album leh Music Video Album la siam lo te tel theih a
ni ang. KTP Branch tinin an
Branch chhunga mi zaithiam,

Pathian fak duh mi, an Branch

aiawh tur an ruat ang a, a zat
chu Branch thu thu a ni ang.
Branch ruat ni lo chu mimala
tel a rem lovang. Intihsiakna
lawmman atan Pakhatna Rs.
80,000.00, Pahnihna Rs.
40,000.00, Pathumna Rs.
20,000.00 leh Consolation
Prize (Top Ten tling chin) Rs.
5,000.00 a ni ang. He showah hian Round 4 : Audition
(First) Round, Second
Round, Third Round leh Final Round a awm ang a, Audition Round hi Lunglei,
Serchhip, Mamit, Kolasib,
Champhai leh Aizawl-ah te
neih a ni ang.

Ni e, vawiin leh vawiinah hi chuan Lalpa hi kan mamawh lo hle a ni mai thei
a, Lalpa hi kan ngaihtuahin kan tan a hnawksak zawk hle pawh a ni thei e. Mahse
hetiang hun ralmuang hi kan ta a ni reng dawn lo va. Engtikah emaw chuan hun
harsa leh hun khirh hi kan la hmachhawn \heuh dawn a ni. Hetih avang tak hian
inbuatsaihna hun \ha kan neih hi kan hman \angkai pawh a \ul hle reng a ni. Lalpa
chuan heti hian tehkhinthu min hrilh a, ( Matthaia 7:24-27) Chutichuan, mi tin
heng ka thu hi hriaa zawm apiang chu, mi fing lungpui chunga in satu nen
tehkhin tur a ni. Ruahte a lo sur a, tuite a lo lian a, thlite a lo tleh a, chu mi in
chu a rawn nam sawk sawk a; nimahsela a chim lo va; lungpui chunga rem tlat
a nih avangin. Tin, mi tin, heng ka thu hi hriaa zawm lo apiang chu, mi a
tiauvut chung maia in satu nen tehkhin tur a ni. Ruahte a lo sur a, tuite a lo lian
a, thlite a lo tleh a, chu mi in chu a rawn nam sawk sawk a; a chim ta a; a sawp
chu nasa tak a ni, a ti a.
Hun \ha kan neihlai te, hun lawmawm kan chan laitea kan inbuatsaih duhlohna
rah hian nghawng a nei nasa hle a ni. Diktak chuan Thlarau Thianghlim khawihna
chang tawh leh Thlarau Thianghlim nena in hmelhriatna nei lovah ngat chuan, hrehawm
tawrh ve leh a Lalpa hnaih thut te, Pathian koh tak chiam chiamte hi a harsa takzet
a ni. Chutiang mite nunah chuan Lalpa hi hmuh thar thur zawng a theih nameuh mai
a, mahse Pathian huatna te, Pathian demna te, Pathian rinhlelhna te hian an nun a
pawl nasa duh zawk hle a ni. Chuvangin kan chhungkaw insak te, kan mimal insakte
hi ngun taka ngaihtuah fo a va ngai tehlul em. Lalpan tehkhinthua min hrilh ang hian
\iaudup chunga insa nge kan nih lungpui chunga in sa? Vawiin leh vawiin atan chuan
\iaudup chunga in sak pawh hi a pawi viaulo niin a lang a. |iau dup chunga insa mah
ni ila, kan insak chu a landan maiah chuan a mawi hle thei a; kan sa nuam hle pawh
a ni mai thei a ni. Tin, kan insakte chu kan ulukin, a cheimawina leh a chhawng san
lam thuah te pawh duhthu a sam hle mai thei a ni. Kan insak chu mite pawhin mawi
an tiin luah ve te pawh an chak a, mi pawh an fak laih laih a ni mai thei e. Mahse
Lalpa sawi ang hian engtikah emaw chuan ruah a lo sur anga, tui a lo lian anga; thli
a lo tleh bawk ang. Chutiang hunah chuan Krista tel velohna te, Krista len ve lohna
te, Krista hriatpuiloh thilte hi \iau dup mai an nihzia a la lang dawn a. Kan chenna in
chu \hain mawi hle mahsela, a innghahna hmun chu \iaudup a nih tlat avangin; a la
sawprawp vek dawn a ni. Hei vang tak hian ringtute chuan khawthian lai te, khaw
\hatlaite chauh hi emaw khaw awmdan tiin, ngaihsamna leh duhamna hmangin in
kan sa mai tur a ni lo. Lalpa hi chuan tun mai hi min thlirpui lo va, ruah leh thlipui lo
tleh hun tur hi min ngaihtuahpui \hin a ni.
Kan in sak chu a innghahna lungpui, Krista chu a nih phawt chuan; khawvel
thlirna mit in mawi rihlo mahsela, khawvel thlirna a\angin ngaihsan hlawh tehchiamlo
mahsela, a innghahna a ngheh miau avangin; thlipui leh ruahpui, tuifawn lakah a him
dawn si a. Ni e, kan chuanna lawngah hian Lalpa a chuan ve phawt chuan, thlipui
leh tuifawn a vangin kan pil ngai lovang. Duhamna leh dawtthu te, diklo leh fello te,
belhchian dawllo leh thil \halo te hmangin, kan nun In hi sa lo ila; Lalpa leh a duhdan
hmangin kan insak hna hi uluk takin i thawk zawk ang u. A chhan chu keimahni ngei
hi Lalpa chenna te kan ni si a, kan chhungah Lalpa a awm phawt chuan; khawvel hi
kan hnehin kan ngam zel ang. Amen.

CHRISTIAN NEWS

KAWCHHUNGA RAMHUAI LUT PUNG

Mihring rilru zir mi leh mithiamte chuan kawchhunga
ramhuai lut hi a tak tak a nih thu leh, an pung zel nia an hriat
thu an sawi. New york Medical College-a thawk Dr. Richard Gallagher hian hemi chungchang chhui hian kum 20 chuang
hna a lo thawk tawh a, kawchhunga ramhuai lut leh
thiltihtheihna maksak tak tak 100 chuang a hmu tawh tih
sawiin, heng mite hi a tlangpuii rilru lama hrisel lote an ni
deuh vek a, ramhuai man hi an pung zel niin a sawi bawk.
Vatican hian khawvel hmun hrang hrangah ramhuai hnawh
chhuah hi an kalpui vek thei lova, mahse puithiam hrang hrang
ka kawmte chuan ramhuai hnawh chhuah tur hi a pun zel thu
an sawi a, US bikah hian ramhuai hnawh chhuah tur hi 50
bawr vel a awm reng a, kum 10 kalta kha chuan 10 vel chauh
an awm thin a, a pung nasa hle a ni tiin a sawi.
Ramhuaite hi an rawn inlar zel niin a lang a, ramhuai man
pawh hi khawvel hmunhrang hrangah a pung chho zel a ni.

NOVA LAWNG ANG SIAM

Nova lawng anga siam chu kentucky-ah hawn a ni dawn
ta. Feet 510-a sei he lawng hi dollar maktaduai 100 senga
sak a ni a, tunkar chhung hian hawn tum a ni. Kristiante tan
Bible chanchin hriatna chi khat a ni dawn a, kum 2010 khan
he lawng hi dodalna tam tak karah siam a ni a, kuminah an zo
fel ta a ni. A siamtu Answers in Genesis Ministry hruaitu Ken
Ham chuan he lawng hi tun hnaia Kristiante hip khawmna
lian ber tur a nih thu a sawi a. Bible thu a dikzia leh Bible
hriatna atana thil pawimawh tak a nih tur thu a tarlang bawk
a ni. Kar hmasa Thawhlehni khan media te nen he lawng hi
an fang a, an vawrhlar tawh viau a ni.
Lawng hi a tam zawk chu thinga siam a ni a, khawvel
hmun hrang hranga mite chuan an tlawh duh hle tura ngaih a
ni. Kumin chhungin mi maktaduai 2 vel tlawhtu a neih beisei
a ni a, tunkar hian mipui tlawh theih tur hawn a ni ang. Lawng
hi bible-a mi ang chiah a siam a ni a, a chhungah hian ramsa
lem chi hrang hrang an dah tel bawk a ni. He lawng
sawiseltute hi a tlangpuiin Pathian awm ringlotu pawl an ni a,
Science hnualsuata sakhuana hmanga zirtirna an kalpui niin
an ngai a ni. Hei bakah hian a sakna tur sum hi a ngaih hnem
avangin mi tam tak chuan tul lo an ti bawk a, mahse a siamtute
hian Bible leh Kristianna vawrhlarna atan thil tha a ni tih hriaiin
dodalna karah chhel takin hma an la a, mipui tlawh theihin an
hawng thei dawn ta a, hei bakah hian mipui tlawhna sum
atang hian a sakna sum aia tam hi an lakluh beisei a ni.

Helmet!
Chechhe lutuk pawh a ni chiah lo.... uluk
erawh a ngai. A rei ta, two wheeler ten
Israel point atanga bazar bungkawn phei
a kan wrong side phei thin lai khan (a
hre pha chin tan chuan a fiah deuh ang).
U vala hian a scooter NV ngei mai kha
Israel point atang chuan bungkawn lam
panin a tlan phei a. Bungkawn traffic
point ah traffic police in biang puar pup khawp in......
priiiittttt.... a lo ham tuarh. Uvala a ding chawih a, traffic
police chuan kawk meuhin "khawnge i helmet"a lo tia,
Uvala chuan helmet dap pahin a lu a tuai vut vut a, hrihhai
takin traffic police hnenah chuan"khawnge" an ti let thut
mai chuh. Traffic police lo hamhaih bawk chuan "ka hre
nang"..... hrilhhai ve ve an in man loh phah hlauh thung!
- Sama Chhakchhuak

Naupang pual
Chei rawh le

Pic: Barbie mariposa

Diltu: 8575161028

KEIMAHNI

Bazar nuhote hnen a\angin chawhmeh kan dawng a, kan lawm e.

Karkalta khan Centre septic tank khur kan siam a, kan zo fel.
Kelkang kan kalna atana motor thawhtute Pu C.Rohmingliana Bethel, Pu
Sangzuala, Bethel te chungah lawmthu kan sawi e.
Lalthuammawia Ralte, Vengthlang hnen a\angin Dal 1 bag, Bawnghnute 1
case, Tel 1 case kan dawng a, kan lawm e.
A THLAWNIN SCHOOL HMING PRINT SAK THEI

School T-Shirt, kan dawr a mi ngei min dawrtute tan a thlawnin an Schhol hming
kan print sak leh ta chur chur mai. Tin, engtiklai pawhin Jersy i duh ang thlapin
kan lo \hui sak ang che. Pawlho leh mimal etc tan pawh engtiklai pawhin a tlawm
thei ang berin kan lo print sak zel ang che u. Min rawn pan ve thuai teh
PENIEL ART WORKS, Chawngthu Hotel bul. Dawr Veng, Champhai.
Ph. 9862303779 / 8014356081

CHANCHIN LAWMAWM..KHAWLTHAR (BANNER PRINTER)

Khawl thar \ha zawk, banner mai baka thlalak leh citation te print nana duhthusam kannei leh ta
hlauh mai. Min dartuten harsatna intawhloh nan venglai bazarah banner, thlalak,citation, name
plate, etc ulukngai bikte lokal ula. Banner pangngai leh singboard mamawh ten Awmpuiphei ah
bawk aw. Chhiatni \hatniah thla kan la thei a, kan thlalak sakte poster kan present \hin a nia. Heng
kan citationsiamte hi a reh ve theih tawhloh a, he vanneihna hi rawn pan ve rawh le.
- Thangbuta, Design & Printing
Awmpuiphei veng & Venglai Bazar, Champhai. Ph. 9862174630 / 9615445221

PRESENT SIR .
Che chhe vawng vawng ani mai! Khatihlai khan class
kallo thiante kha an roll no ah in present sak hi kan ching
em em mai a, kan attendance pawh a that phah thin
khawp mai. Pakhat a kal chuan present vek ani mai!
THLANLUNG |HABIK, THLAN KER LEH THLAN SIAM
Nikhat chu le, Mizo period ah kan sir ka nel loh ber mai
Farkawn
thlan lungchang \ha bik kan zuar reng e. Thlanlung kan ker thei a, Granite hmangin mawi
,thau lian zet mai hi a rawn lut a. Roll a call nghal a, ka
takin
kan
siam thei bawk. Tin, thlan pum pui kan rem/siam thei nghal vek bawk e. Min rawn pan
roll no ka present tawh a. Kan class hi kan tam a kan
vela, min han chhin ve teh le. Kan thiamtawp hmangin kan theihtawp kan lo chhuahsak dawn che
section hi 250 vel kan ni. No-200 na a lam a, kan thianpa
nia.
Terema thu min chah ka hre reng a, 204 a lam a, pangngai
- KHALTHANG ARTS
takin ka present sak ve mai a, kan sir chuan a hre deuh
Aizawl Road, Pu C.Luaia In hnuai Champhai. Ph. 8575303365
nge ni, 204 ding teh a rawn ti ta mai! Ka ding ve mai
HENGTE HI I MAMAWH VE EM?
bawk a, a dawhkan bulah min ko phei a, kan class kan
Intel Core i series i5, i3, dual core, AMD series etc...kan thleng thar e. Laptop sony vio,
tam si; chumi ringawt pawh zah tawh nak alaiin chik leh
acer, asus, hp, lenovo duhthlan tur a awm bawk e. Gaminf Playstation, Printer, Wofer,
zual hian "tunge ihming" min tia, " Terema ka nia , sir " a la
Grapics Card, Internet 3G data card leh Printer ink chi hrang hrang kan kawl bawk e. Min
duhtawk mai lo "i hming pum"..eheeee...Terema hming
dawrtute free gift tha tak kan pe tel zel.
- LL Computers,
pum ka hrelo tawp mai a, a pawi lutuk " Lalterema ka`n
Khuangluaia
building,Venglai
Bazar,
Champhai.
Ph. 9615953749
tia, a thum nghal huk a, "tu maw ihming pum?" kei lah ka
zak lutuk a, ka sen vek tawh! Hnuailam bih chungin
ELECTRONIC MULTI-BRAND SHOW ROOM
"Lalterema" ...nuilo pawh an awm lo! Kei pawh tiangin
Laptop & Desktop COMPUTER, Mobile Phone, Digital Camera, TV, Fridge, Washing Machine,
Inverter / UPS, Motor leh Inverter Battery chi hrang hrang, Laser & Inkjet Printer, Woofer, 3G/
ka lu ah a rawn ri zui fawk a! A na aiin a zahthlakna lam
GPRS Internet Data Card, bakah electronics bungrua chi hrang hrang kimna leh tlawnna hmun.
a tam zawk! Fiamthuin Lalterem min ti ta nuk hlawm a,
Company trained technician thiam leh rintlak tak tak ten an thutchilhna hmun a nih
zialo khawp mai.
avangin after sales service ah harsatna a awm tlem bik.
- Isaka Fanai Chhaktiang
JK BUSINESS SERVICES,
( I chetchhiatna kha midangte nuihpui atan rawn thawh
Venglai Bazar, Champhai. Phone: 03831 234649 (O) 9862725644 (M)
ve ta che. Sms / Whatsapp 9612194537 )
P u b l i s h e d & E d i t e d by C . H r a n g h l u n a & P r i n t e d a t C K O f f s e t P r i n t i n g & P a p e r W o r k s , C h a m p h a i V e n g t h l a n g .