NATIONAL

SENIOR CERTIFICATE

IBANGA LE-12

ISIZULU ULIMI LWESIBILI LOKWENGEZA (SAL)

IPHEPHA LOKUQALA (P1)

FEBRUWARI/MASHI 2011

KZN

AMAMAKI: 120

ISIKHATHI: amahora ama-2½

Leli phepha linamakhasi ayi-16.

Akuvumelekile ukukopisha leli phepha Pheqa ikhasi

IsiZulu Ulimi Lwesibili Lokwengeza (SAL)/P1 2 DBE/Februwari – Mashi 2011
NSC (KZN)

IMIYALELO KWABAHLOLWAYO

1. Abahlolwayo mabafundisise kahle imiyalelo ngaphambi kokuba baphendule

imibuzo.

2. Leli phepha lehlukaniswe IZIQEPHU EZINE:

ISIQEPHU A: Isivivinyo sokuqondisisa (30)

ISIQEPHU B: Ukufingqa (10)
ISIQEPHU C: Uhlelo nokusetshenziswa kolimi (60)
ISIQEPHU D: Imibhalo (20)

3. Abahlolwayo mabaqaphelisise isipelingi sabo kanye nokwakheka kwemisho.

4. Abahlolwayo mabafundisise YONKE imiyalelo ngokucophelela.

5. Akuphendulwe YONKE imibuzo ezigabeni A, B no-C kukhethwe izincwadi

ezimbili esigabeni D.

6. Abahlolwayo mabaqale umbuzo NGAMUNYE ekhasini ELISHA.

7. Akudwetshwe umugqa emva kwesiqephu ngasinye.

8. Hlela izinombolo zezimpendulo ngendlela ezihlelwe ngayo embuzweni

ngamunye.

9. Yeqa umugqa emva kwempendulo ngayinye.

10. Bhala ngobunono nangendlela ecacile.

Akuvumelekile ukukopisha leli phepha Pheqa ikhasi

IsiZulu Ulimi Lwesibili Lokwengeza (SAL)/P1 3 DBE/Februwari – Mashi 2011
NSC (KZN)

ISIQEPHU A: ISIVIVINYO SOKUQONDISISA

UMBUZO 1

1.1 Funda isiqephu esingezansi bese uphendula imibuzo elandelayo.

UPHINDI OPHUMELELAYO

Iphupho likaPhindi lokuba nebhizinisi lakhe lamenza wabeka imali. Yathi

ingafinyelela ku-R2 000, wavula ibhizinisi lokuthunga izikhumba. Leli khono
(skill), uPhindi wayelifundiswe indoda yasePakistan ayeyisebenzela.
Ngo-R1 500 uPhindi wazithengela umshini wokuthunga oyisekeni
nezikhunjana ezimbalwa.

Esaqala ukuthunga,uPhindi wayethunga izingubo zemishado zomakoti

(wedding gowns). Ngaphezu kwezingubo zomshado, uPhindi wayebuye
athunge namajazi, amabhantshi, izingubo, iziketi kanye nokunye. Izingubo
zomshado zifuna indawo ehlanzekile. Lokhu kwamenza wathatha isinqumo
sokuyeka ukuzithunga. Wabhekana nokuthunga izimphahla zokugqoka ngoba
isikhumba siyangcolisa. Izingubo zomshado uzithunga nje uma kwenzeka
kuba khona othile okhethekileyo ocela amthungele. Uthi ngelanga uthunga
amajazi amade amathathu.

UPhindi usebenzela egaraji. Waqala ukuthunga esasebenza. Ukuthuthuka

kwebhizinisi lakhe lokuthunga kwamenza wathatha isinqumo sokwesula
emsebenzini. Wayefuna ukuba nesikhathi esanele sokubhekana nebhizinisi
lakhe. UPhindi wasebenza kanzima ukwanelisa abathengi bakhe.

UPhindi useze waqasha abantu ababili abamsizayo kanti ufisa ukugcina

ebhalise inkampani yakhe ngokusemthethweni. Imali ayenzayo yanele ukuba
akhokhele abamsizayo aphinde agcine nezidingo zakhe zempilo. UPhindi
wenza isiqiniseko ukuthi izingubo azithungela abantu zingcono kunalezo
azithungela zona yena. Inkinga abuye abhekane nayo eyokungakhokhelwa
ngesikhathi yilabo abathungelayo. Sewaze wakhetha ukuphoqa
amakhasimende akhe ukuthi akhokhe idiphozithi ngaphambi kokuba aqale
umsebenzi. Ezinganeni zikaPhindi ezinhlanu, ayikho nayinye efisa ukwenza
lo msebenzi wakhe. Zivele zithi ukusebenza ngesikhumba, isidala (old
fashioned).

Okuhle ukuthi uPhindi akancintisani (compete) namuntu. Uthola ukwesekwa

(support) kakhulu ngomakhelwane kanye nabangane bakhe. Laba bamsiza
kakhulu nangokumtholela amakhasimende amasha. Isifiso sikaPhindi
ukubona umsebenzi wakhe uthunyelwa nakwamanye amazwe ngesikhathi
esizayo. Ekugcineni, uPhindi ufisa ukweluleka abafundi bebanga leshumi
nambili ukuba bacabange nangalolu hlobo lomsebenzi awenzayo.
[Icashunwe ephephabhukwini iMove ka-Agasti 2007, yahunyushelwa esiZulwini]

1.1.1 Msebenzi muni owenziwa nguPhindi? (1)

1.1.2 Usebenzela kuphi uPhindi? (1)

Akuvumelekile ukukopisha leli phepha Pheqa ikhasi

IsiZulu Ulimi Lwesibili Lokwengeza (SAL)/P1 4 DBE/Februwari – Mashi 2011
NSC (KZN)

1.1.3 Ngubani owafundisa uPhindi ikhono lokwenza lo msebenzi? (1)

1.1.4 Waliqala ngamalini uPhindi leli bhizinisi? (1)

1.1.5 Bangaki abantu abasiza uPhindi? (1)

1.1.6 Iyiphi inkinga uPhindi abhekana nayo kulo msebenzi wakhe? (1)

1.1.7 Bhala izinto EZINTATHU (3) ezithungwa nguPhindi ebhizinisini

lakhe? (3)

1.1.8 Yini eyenza uPhindi ayeke ukuthunga izingubo zomshado? (2)

1.1.9 Yini isifiso sikaPhindi ngenkampani yakhe? (1)

1.1.10 Yisiphi iseluleko uPhindi athanda ukusinika abafundi bebanga

leshumi nambili? (1)

1.1.11 Phendula uthi IQINISO noma AKULONA:

(a) Kunabantu abaningi ababangisa uPhindi emsebenzini wakhe. (1)

(b) UPhindi wazibekela imali yokuqala ibhizinisi. (1)

(c) UPhindi wathenga umshini omusha ukuze aqale ibhizinisi

lakhe. (1)

(d) Izingane zikaPhindi zifisa ukwenza umsebenzi wakhe nazo

ngelinye ilanga. (1)

(e) Omakhelwane bakaPhindi bayameseka emsebenzini wakhe. (1)

1.1.12 Khetha impendulo efanele kubakaki.

(a) Izingubo zomshado uPhindi uzithunga (zonke izinsuku, uma

kukhona ocela amthungele, akasazithungi nhlobo). (1)

(b) UPhindi wenza isiqiniseko sokuthi (izingubo zakhe zinhle

kunezabathengi bakhe/izingubo zakhe zifana nezabathengi
bakhe/izingubo zabathengi ziba ngcono kunalezo azithungela
yena). (1)

Akuvumelekile ukukopisha leli phepha Pheqa ikhasi

IsiZulu Ulimi Lwesibili Lokwengeza (SAL)/P1 5 DBE/Februwari – Mashi 2011
NSC (KZN)

ISIFUNDO SOKUQONDISISA

1.2 Bukisisa isithombe esilandelayo bese uphendula imibuzo.

1.2.1 Khetha isihloko esingafanela lesi sithombe esingenhla kulezi

ezilandelayo:

A Izingane zesikole zijabulela ukuwina.

B Iqembu lebhola lijabulela ukuwina.
C Izingane zijabulela ukuba ndawonye. (1)

1.2.2 Ngabe abantu abavezwe kulesi sithombe babukeka beyini kulokhu

okulandelayo: (abafundi/abasebenzi/abashayeli). (1)

1.2.3 Ichazani iminwe ekhomba phezulu kulesi sithombe? (1)

1.2.4 Yini le ephethwe yintombazana ephakathi nendawo ngaphambili? (1)

1.2.5 Nikeza izinhlanga (races) EZIMBILI ezitholakala kulesi sithombe. (2)

1.2.6 Ngabe lesi sithombe sikhombisani ngobudlelwane phakathi

kwezinhlanga ezahlukene zaseNingizimu Afrika (race relations)? (2)

1.2.7 Abantu abakulesi sithombe babukeka bejabulile. Ucabanga ukuthi

bajatshuliswe yini? (2)

AMAMAKI ESIQEPHU A: 30

Akuvumelekile ukukopisha leli phepha Pheqa ikhasi

IsiZulu Ulimi Lwesibili Lokwengeza (SAL)/P1 6 DBE/Februwari – Mashi 2011
NSC (KZN)

ISIQEPHU B: UKUFINGQA

UMBUZO 2

Fingqa le ndatshana ngamaphuzu (points) ayisikhombisa namagama aphakathi

kwangama-40 kuya kwangama-50 ubhale izinkinga osaziwayo ababhekana nazo.

IMPILO YOSAZIWAYO

Osaziwayo (celebrities) baphila ngaphansi kwengcindezi (pressure) enkulu noma

impilo yabo ibukeka iwubukhazikhazi. Impilo abayiphilayo akusiyona eyabo. Baphila
impilo ngendlela umphakathi olindele ukuba baphile ngayo. Ziningi izinto ezibabangela
ingcindezi.

Okokuqala, abesifazane abakwazi ukubonwa wumphakathi bengaziphophothile

namakhanda abo engalungisiwe kahle. Konke lokhu kubiza imali eshisiwe/eningi.

Abakwazi ukudla noma yini. Iningi labo kumele ligade ukuthi alikhuluphali. Izintatheli
zithanda ukubhala ngabo emaphepheni zithi usibanibani usephuphile akasakwazi
nokuzinakekela. Osaziwayo abaningi bagcina sebesebenzisa izinto ezahlukene
zokwehlisa isisindo (weight). Abanye baqasha abantu abazobavocavoca (personal
trainers) ukuze bagcine imizimba yabo imihle.

Osaziwayo abakwazi ukuhamba ngokukhululeka emigwaqeni nasezitolo ezinkulu.

Abantu bayabamisa bacele ukusayinelwa ama-othografu, abanye bacele ukuba
babahage. Kwesinye isikhathi lokhu kuyamcasula osuke ehamba nosaziwayo ngoba
uvele abone ukuthi isithandwa sakhe akusona esakhe yedwa. Kwesinye isikhathi lokho
kubeka impilo kasaziwayo engozini. Yingakho iningi labo ligcina seliqasha abaqaphi
(body guards) abazobavikela uma behamba emphakathini.

Baphinde babenenkinga yokuthola uthando lweqiniso. Abazi noma uma umuntu ethi
uyamthanda usuke ethanda yena ngempela yini noma uthanda imali yakhe. Lokhu
kwenza izinga lokwahlukaniswa kwemishado kubona libe phezulu kakhulu.

AMAMAKI ESIQEPHU B: 10

Akuvumelekile ukukopisha leli phepha Pheqa ikhasi

IsiZulu Ulimi Lwesibili Lokwengeza (SAL)/P1 7 DBE/Februwari – Mashi 2011
NSC (KZN)

ISIQEPHU C: UKUSETSHENZISWA KOLIMI

UMBUZO 3

3.1 Phinda ubhale le misho elandelayo bese ulungisa amagama angapelwanga

kahle, ufake izimpawu zokubhala nosonhlamvukazi (capital letters) lapho
kudingeka khona.

bonke abantu bakuleli babejabulele izivakashi ezivela kwamanye amazwe

kwakukhona wena ntombi khehla mama ngisho nezingane ezincane imbala
indebe yomhlaba ike yaba yindaba esematheni kuleli zwe wonke umuntu
eningizimu afrika nasemhlabeni wonke jikelele ubekhuluma ngayo (10)

3.2 Nikeza ubulili besilisa bamagama alandelayo:

3.2.1 Intombi (1)

3.2.2 Isalukazi (1)

3.3 Guqula amabizo aku 3.1.2 ngenhla abe sebuningini. (2)

3.4 Nciphisa ibizo isalukazi. (1)

3.5 Funda lesi siqeshana esilandelayo bese uphendula imibuzo.

Izibulo lakwaKhumalo uSipho, ubelwa nothunjana wakwaSibeko. Abaziyo

bathi nale nto ababeyibanga ayikho. Ababonile bathi balimazene, igazi
beligcwele yonke indawo. Kuyethusa lokhu ngoba izingane zakwaKhumalo
ziyizingane ezihloniphayo futhi zinogazi.

Khetha impendulo efanele kubakaki.

3.5.1 Umuntu othandekayo kuthiwa (unegazi/unogazi/unesihe) (1)

3.5.2 Uthunjana yingane (etholakale kungahleliwe/yokugcina kwabo/

ingane enganabazali). (1)

3.5.3 Izibulo (ingane yokuqala ekhaya/ingane ephakathi nendawo/ingane

yokugcina). (1)

3.5.4 Bhala uhlobo lwesifenqo oluqukethwe yilo musho olandelayo.

Khetha kulezi: (isifaniso/isenzasamuntu/ihaba).

Igazi beligcwele yonke indawo. (1)

[19]

Akuvumelekile ukukopisha leli phepha Pheqa ikhasi

IsiZulu Ulimi Lwesibili Lokwengeza (SAL)/P1 8 DBE/Februwari – Mashi 2011
NSC (KZN)

UMBUZO 4

Funda isiqephu esilandelayo bese uphendula imibuzo ezolandela.

Othisha abafundisa ezikoleni zamabanga aphezulu (high schools) babhekene

nenkinga yokufundisa amantombazana amancane akhulelwe bebe
bengakuqeqeshelwanga ukusiza umuntu obelethayo. UHulumeni kumele kube khona
akwenzayo ukuqinisekisa ukuthi intombazane ekhulelwa isafunda isikole akwenzeki
nangengozi ukuthi kugcine sekungumthwalo wesikole ukuyisiza uma sekufika isikhathi
sokubeletha.
Okunye okuyinkinga yothisha ukuzithola sebebhekene nokulamula abafana abalwayo
bebe bengakuqeqeshelwanga nalokho. Abafana abangena ezikoleni bephethe izikhali
bayingozi kothisha ikakhulukazi abesifazane.

4.1 Yimaphi amagama abhalwe ngokugqamile enza lo msebenzi:

4.1.1 Elikhombisa ubumnini (1)

4.1.2 Elichazayo eliyisiphawulo (1)

4.1.3 Elikhomba indawo (1)

4.1.4 Eliyinhloko yomusho (1)

4.2 Guqula ibizo izikhali libe sebunyeni. (1)

4.3 Funda umusho olandelayo bese uwubhala kabusha ube senkathini enikeziwe:

Abafana baphatha izikhali eziyingozi.

4.3.1 Ezofika (2)

4.3.2 Eyadlula (2)

[9]

UMBUZO 5

Esikhundleni samabizo abhalwe ngokugqamile bhala isabizwana esifanele.

Abantu bayathanda ukukhononda uma uHulumeni engalethi izidingo emiphakathini

abahlala kuyona. Bathi ukuvota kwabo akubasebenzeli. [4]

Akuvumelekile ukukopisha leli phepha Pheqa ikhasi

IsiZulu Ulimi Lwesibili Lokwengeza (SAL)/P1 9 DBE/Februwari – Mashi 2011
NSC (KZN)

UMBUZO 6

6.1 Emishweni elandelayo guqula isenzo esibhalwe ngokugqamile sikhombe

okulandelayo:

6.1.1 Imisebenzi yakhe emihle ibona yiwo wonke umuntu. (Ukwenziwa). (1)

6.1.2 Le ngane ifunda umama incwadi yesiNgisi. (Ukwenzela omunye

okuthile). (1)

6.1.3 Lo mhlaba ungaba indawo engcono uma abantu bengahlonipha

(Ukwenzana). (1)

6.2 Bhala imisho elandelayo uqale njengoba ukhonjisiwe.

6.2.1 ''Ngifuna ukulithuthukisa leli bhizinisi lami.'' Kusho uThandi.

UThandi uthi ... (2)

6.2.2 ''Ngizoboleka imali ebhange ukuze ngikhokhele izindleko

zokulikhulisa.'' Kusho uFikile.

UFikile uthi ...

(2)

6.3 Bhala imizwa equkethwe yile misho elandelayo:

6.3.1 Hawu! Nasi isalukazana sami bo! (1)

6.3.2 Le ndojeyana yakwaMsibi esho ngekhandakazi ayive iyimbi. (1)

6.3.3 Usengaze asitsakele ngale motshwana yakhe. (1)

6.3.4 Halala! Kwakuhle kwethu! (1)

[11]

UMBUZO 7

Yakha imisho EMIBILI eveza imiqondo ehlukene ngegama ngalinye kulawa

alandelayo.

7.1 Ilanga (2)

7.2 Inyanga (2)

[4]

Akuvumelekile ukukopisha leli phepha Pheqa ikhasi

IsiZulu Ulimi Lwesibili Lokwengeza (SAL)/P1 10 DBE/Februwari – Mashi 2011
NSC (KZN)

UMBUZO 8

Hlanganisa imisho elandelayo ngamagama akubakaki (brackets).

8.1 USipho ufike ngemuva kwesikhathi. USipho uhamba kancane. (ngoba) (2)

8.2 Unomkhuhlane. Udlala emakhazeni. (kodwa) (2)

8.3 Ungibize. Umtholile. (uma) (2)

[6]

UMBUZO 9

Lungisa amagama akubakaki (brackets) ukuze le misho ifundeke kahle.

Ubaba (-ncane) uphe abafana (-de) amaswidi. [2]

UMBUZO 10

Humusha lesi siqeshana sibe isiNgisi.

Izinkundla zemidlalo zaseNingizimu Afrika zinhle kakhulu. Zazakhelwe ukulungiselela

iNdebe yoMhlaba. Umhlaba wonke weza eNingizimu Afrika. Bekukhona amazwe
angamashumi amathathu nambili. Kuwo wonke lawo mazwe linye vo elawina iNdebe
yoMhlaba. [5]

AMAMAKI ESIQEPHU C: 60

Akuvumelekile ukukopisha leli phepha Pheqa ikhasi

IsiZulu Ulimi Lwesibili Lokwengeza (SAL)/P1 11 DBE/Februwari – Mashi 2011
NSC (KZN)

ISIQEPHU D: IMIBHALO (LITERATURE)

• Kulesi siqephu umfundi uzophendula ngezincwadi EZIMBILI.

• Lezi zincwadi azibe namamaki ayi-10 incwadi iyinye.

• Amamaki alesi siqephu esewonke angama-20.

UMBUZO 12: INOVELI: UMSHADO – N Zulu

Funda isiqephu esilandelayo bese uphendula imibuzo.

''Uphumaphi kodwa? Bengithi awukho.''

''Bengisaphumile. Kunjani mntakwethu? Sengikukhumbule ngendlela engingeyichaze.
Sondela ngithi ukuqabula.''
''Hhayi bo, kusesibhedlela lapha Tholi. Akusikhona kwakho.''
''Usunjani kodwa wena?''
''Sengingcono kakhulu. Angiboni ukuthi zisazophela izinsuku ezine ngilapha.''
''Kungangcono. Ngijahe ukuthi wenze amalungiselelo omshado mina.''
''Nami wakwami yiso leso.''
''Konje sase silunqumile usuku?''
''Phela luyonqunywa abakhongi bakho uma sebebuyela okwesibili.''
Athule uBheki. Athi ukudla amathambo ekhanda. Ufuna nokubuza eyamaphoyisa;
akazi ukuthi uzoyiqala kanjani.
''Bathi uphethwe yini ngempela Tholi?''
''Bavele bangibhedela nje lapha esibhedlela wena Bhekz'ana wami.''
''Bathi ngadla izidakamizwa. Ngize ngabatshela ukuthi nganginawe ngalobo busuku.
Angikaze ngizilokothe nje izidakamizwa.''
''Kodwa uke uzisebenzise zona lezo zidakamizwa?''
''Phela yikho ngithi bayangibhedela nje.''
''Pho amaphoyisa abezofunani kuwe?''
''Umzala wami oyiphoyisa. Uma eze lapha ezongibona usuke ehamba nabangani
bakhe.''

12.1 Bakuphi oTholakele noBhekani njengoba bekhuluma? (1)

12.2 Wezwa ngobani uBhekani ukuthi uTholi usesibhedlela? (1)
12.3 Odokotela bathi uphethwe yini uTholi? (1)
12.4 Ngabe uTholi wayevumelana yini nalokho okwakushiwo ngodokotela
mayelana nokugula kwakhe? Sekela impendulo yakho. (2)
12.5 UTholakele uthi abeyaphi amaphoyisa esibhedlela? (1)
12.6 UTholakele noBhekani bakhuluma ngokunquma usuku lomshado. Ubani
ozoshada? (1)
12.7 NgokukaTholakele ubani ozonquma usuku lomshado? (1)
12.8 Ukudla amathambo ekhanda kusho (ukudinwa/ukucabanga/ukuthetha). (2)
[10]
NOMA

Akuvumelekile ukukopisha leli phepha Pheqa ikhasi

IsiZulu Ulimi Lwesibili Lokwengeza (SAL)/P1 12 DBE/Februwari – Mashi 2011
NSC (KZN)

UMBUZO 13: INOVELI: KUSINDA KWEHLELA ENDODENI – SJ Mchunu

Funda nasi isiqephu esicashuniwe bese uphendula imibuzo.

''Ngqo ... Ngqo ...!''

''Ubani lowo? Ngiyaphupha yini bantu?'' kubuza lo mama.
''Yimina uMchunu makhelwane. Sekuphendula uFanyana ngezwi elincengayo.''
‘Ngiyaphupha ngilele yini? Uthi akuzuvuka ubaba emathuneni esazilalela? Ngabe
uwena lona ozongena kwami? Umkakho wayengibiza ngomthakathi.''
''Qha! Awuphuphi mama. Ngicela ukungena, Gatsheni.''
''Yeyeni! We bantu, anizwe engibhuqa. Uthi ngizwe kahle? Uthini?''
''Hawu Boya benyathi! Ngicela ungingenise, kukhona udaba engize ngalo.'' Eseze
wagebisa ikhanda.
''Ngena. Ufunani? Sheshisa ngiyasebenza la endlini. Ngiseneziningi izingubo
okufanele ngiziwashe.''
Wangena wangabe esapholisa amaseko wahlala phezu kwendaba.
''Njengoba wazi ukuthi uhambile umama izolo, abafowethu obekufanele babonane
nabo esiteshini eMnambithi, ababatholi. Sebebafune baze badela ...''
''Pho mina ngixhumaphi lapho njengoba ukhuluma nami ngila eGoli?''
''Qha! Bengithi angizobuza kuwena ukuthi umama uthe uyofika eMnambithi bayephi
nobaba na?''
''Habe! Uthi uyazizwa ukuthi uthini? Phuma la uma ucabanga ukuthi uzongedelela
njengomkakho owayephatha umama wakho njengesihlupheki. Wehlulwa umfazi
usugijima uza lapha. Kwakuyindoda enjani yona le? Uphi umfazi obekufanele ngabe
uze komunye umfazi khona bengizomkhombisa umuzi onotshwala!''
''Usemsebenzi u ...''
''Awuzwe. Uyisiyoyo sendoda ngempela uhlohlwa umfazi, uphuma ungena.

13.1 Ubani lo ongqongqozayo? (1)

13.2 Ungqongqoza kuphi? (1)

13.3 Yini emenza eze lapha ekhaya? (2)

13.4 Yini eyenza angamukeleki lapha ekhaya lo ongqongqozayo? (2)

13.5 Bhala igama lesiteshi obekumele kwehle kuso umama ongatholakali. (2)

13.6 Ukuthi uzowukhomba umuzi onotshwala kusho ukuthi (uzoyithola into

oyifunayo/uzowubona umuzi odayisa utshwala/ngizokuphuzisa utshwala). (2)
[10]

NOMA

Akuvumelekile ukukopisha leli phepha Pheqa ikhasi

IsiZulu Ulimi Lwesibili Lokwengeza (SAL)/P1 13 DBE/Februwari – Mashi 2011
NSC (KZN)

UMBUZO 14: UMDLALO: ABABULALI BENYATHI – R Mngadi

Funda isiqephu esilandelayo bese uphendula imibuzo.

Dlamini: Ndabezitha! (Abonakale emangala.)

Shandu: Impela Mzizi, sengibuke ngabuka ngabona kungcono ngenze

okuzokwenza izintatheli ziyeke lokhu kubhala ngegama lami
emaphephandabeni. Sengikhathele Mzizi.

Dlamini: (Usakhungathekile) UNdabezitha ucabanga ukwenzani?

Shandu: Mzizi! Akukho okunye ngaphandle kokubiza uDuma.

Dlamini: (Ubuso buhwaqabale) Hawu! Ndabezitha! Ubize bani? Ndabezitha,

uzokuhlaza athi bhekani inkosi isiyangincenga. Hhayi Ndabezitha! Manje
usungenisa amanzi endlini. Uzokululaza lo muntu.

Shandu: (Aphakamise isandla) Kahle Mzizi. Angithi kusho wena wathi abantu
bayaxokozela? Mina ngifuna ukunqanda impi engase ibheduke. Mzizi,
nawe wawukhona abantu belwa. Mina-ke angifuni kuphinde lokho. Akekho
owazuza ngalokho kulwa. Ngizombiza uDuma ngoba ngifuna ukumbuza
imibuzo embalwa bese ngimbonisa.

14.1 Bakuphi oDlamini nenkosi uShandu njengoba bekhuluma nje? (1)

14.2 Obani abathanda ukubhala ngenkosi uShandu? (1)

14.3 Yini eyenza bathande ukubhala ngenkosi uShandu njalo? (1)

14.4 Yini inkosi ecabanga ukuyenza ukuze izintatheli ziyeke ukubhala ngayo? (2)

14.5 Ngabe uDlamini wavumelana yini nombono wenkosi wokubiza uDuma?

Chaza ukuthi wabeka siphi isizathu sokuwusekela/ sokungawusekeli lo
mbono. (2)

14.6 Ngabe inkosi yawuthatha yini umbono kaDlamini? (1)

14.7 Ukungenisa amanzi endlini (ukuzidalela inkinga/ukukhohlwa ukuvala

umpompi/ukuna kwemvula) (2)
[10]

NOMA

Akuvumelekile ukukopisha leli phepha Pheqa ikhasi

IsiZulu Ulimi Lwesibili Lokwengeza (SAL)/P1 14 DBE/Februwari – Mashi 2011
NSC (KZN)

UMBUZO 15: UMDLALO: ISIKO NELUNGELO – N Zulu

Funda isiqephu esilandelayo bese uphendula imibuzo elandelayo.

(Kusekhaya kwaManzini. Kuhleziwe phansi kwesihlahla kubhungwa indaba

kaThenjiwe.)

Zungu: Usesehlule umakoti Mondise uthi isiko leli akalazi. Angazi-ke ukuthi
nanifundise kanjani kanti?

MaMbatha: Okusixaka du, lo muntu akafuni ukukhuluma. Uvele avuke inja ebomvu.
Okwesibili njengoba ebuya nje useke wazihambela asamazi ukuthi
ushonephi.

Mondise: Kanti awuhloniphi lapha emzini Thenjiwe?

Yini le engiyizwayo? Uzongiphoxa lapha?

Thenjiwe: Uxolo baba ngahanjiswa isimo esasilukhuni.

Mondise: (Ethukuthele) Angithi ngangikhona amakhosikazi ekuyala ethi

kuyabekezelwa emendweni? Usuyehluleka ufika nje?

MaMbatha: Ufike esehamba nodadewabo omdala lapha. Yena-ke ubelokhu

esibelesele ngembudane yamalungelo. Naye olunye nje uhlanya.
Belungasiniki nje nethuba lokukhuluma.

15.1 Bakuphi laba abakhulumayo? (1)

15.2 Bakhuluma ngobani? (1)

15.3 Bahlobene kanjani laba abakhulumayo? (2)

15.4 Yini inkinga abakhuluma ngayo? (1)

15.5 Yiliphi leli lungelo akhuluma ngalo uMaMbatha? (2)

15.6 Ngubani okunguyena owayeseka/owayevumelana noThenjiwe?

(1)

15.7 Ukuvuka inja ebomvu kusho (ukusaba inja/ukubhoka ngolaka/ukuvuka

ekuseni). (2)
[10]

NOMA

Akuvumelekile ukukopisha leli phepha Pheqa ikhasi

IsiZulu Ulimi Lwesibili Lokwengeza (SAL)/P1 15 DBE/Februwari – Mashi 2011
NSC (KZN)

UMBUZO 16: IZINYEMBEZI ZOTHANDO – DBZ Ntuli

ILOBOLO – S Zimema

Funda isiqephu esilandelayo bese uphendula imibuzo.

''Umukhwe wakho uthi kufanele nibonisane mayelana nalo msebenzi osuvele

ungahlelwanga muntu.'' Lawa ngamazwi kayise kaMandlenkosi. La mazwi uwasho
emva kokuba eseze waphuma ekamelweni lakhe.
''Uthi ufuna sibonisane? Yena abonisane nami?''
''Impela usho kanjalo ngenkathi engishayele ucingo.''
''Ufunani? Yini le athi ufuna sibonisane ngayo? Angangitsheli ukuthi angimngcwabele
ingane yakhe mina. Ngeke ngiyenze leyo nto.''
UMandlenkosi lowo ebanga omkhulu umsindo. Umunyu nokuthukuthela kuhlangene
kuyena kokubili.
''Yehlisa umoya ndodana,'' kuncenga uyise.
''Baba ngithi ngeke ngikhiphe ngisho isenti. Kufanele izibonele leya ndoda ukuthi
yenzenjani. Ingiphathe kabi. Kufanele izingcwabele yona ingane yayo. Angingeni
ndawo mina.''

16.1 Yini ebiyenza uMandlenkosi azivalele ekamelweni? (2)

16.2 Yimuphi lo msebenzi ovele ungahlelwanga? (1)

16.3 Ufunani kuMandlenkosi umukhwe wakhe? (1)

16.4 Yini uMandlenkosi angavumi ukwelekelela umukhwe wakhe? (2)

16.5 UMandlenkosi uthi yini okumele yenziwe umukhwe wakhe ukuxazulula

inkinga anayo? (1)

16.6 Uthini umbono wabazali bakaMandlenkosi ngalolu daba? (1)

16.7 Ukwehlisa umoya kusho (ukuphefumula/ukuxola/ukufunda). (2)

[10]

NOMA

UMBUZO 17: IZINKONDLO: AMAHLOKOHLOKO – EJ Mhlanga

Funda inkondlo elandelayo bese uphendula imibuzo.

SEZIBUYA INHLAZANE – SB Mlambo

1 Sezibuy' inhlazane
2 Sekugqigqwa namagula
3 Sekusikhathi sikleza.

Akuvumelekile ukukopisha leli phepha Pheqa ikhasi

IsiZulu Ulimi Lwesibili Lokwengeza (SAL)/P1 16 DBE/Februwari – Mashi 2011
NSC (KZN)

4 Kusesibayeni solwazi
5 Kusengwa amahinikazi
6 Kusengwa izigqala.

7 Kuyaphithizela ubuyaluyalu
8 Ayagcwala amathunga kuyathululwa.
9 Kwabanye ziwakhahlel'egcwele.

10 Kusesibayeni solwazi
11 Sengathi ngumbondo neminjonjo
12 Bazozuza selithambama.

13 Asegcwalisile bayakikizela
14 Sebeyeke imiyeko yokunqoba
15 Imiyeko bayithole sebeqedile.

16 Izehluleki seziyabanyonkoloza
17 Zibabeka izici bengenazo
18 Kuthiwa bayazidla!

19 Sebezizuzele izaqheqhe
20 Abasayikwaphula muntu!
21 Yisinkwa sabo!

22 Nani enisashay' umphehlu

23 Yalelani nabanye abantu
24 Ngamaqhinga okusenga le Nkomazi.

17.1 Ikhuluma ngani le nkondlo? (2)

17.2 Unjani umoya wale nkondlo. Sekela. (2)

17.3 Bhala imvumelwano etholakala kusitanza sokuqala bese usho ukuthi iluhlobo
luni. (2)

17.4 Imigqa yale nkondlo ivulekile. Lokhu kunikeza inkondlo isigqi (esisheshayo/
esinensayo/esimnandi) (2)

17.5 Ukuthi kusesibayeni solwazi kusho ukuthi (isikhungo semfundo ephakeme/

isibaya sezinkomo/indawo lapho kudayiswa khona izinkomo). (2)
[10]

AMAMAKI ESIQEPHU D: 20
AMAMAKI ESEWONKE: 120

Akuvumelekile ukukopisha leli phepha