ISIZULU ULIMI LWASEKHAYA

QEQESHA

2022

IBANGA 11

ISETHULO
UMnyango WeMfundo KwaZulu-Natali ngezwi loMQONDISI wakwa FET ngezandla
zabeluleki besifundo solimi lwesiZulu bethula le nsiza kufundisa nokufunda ehlose
ukwelekelela ekufukuleni izinga lokuphunyelelwa ngamalengiso kwesiZulu esifundiswa
okokuqala ngaphansi kohlelo luka-CAPS (Tahfuzwe). Leli bhuku liyinsiza edinga
ukwesekelwa ngezinye kepha engumhlahlandlela ekufundisweni kwalezi zinto ebezingekho
olimini esezifakwe ngokohlelo lwemfundo esekwe emiphumeleni. Lo ngumngenela ohlose
ukwelekelela uthisha ezingqinambeni abhekana nazo nsuku zonke ekufundiseni kwakhe.
Abeluleki bayoba abachasisi balokhu njengoba bezobamba izinkuthaza kwenza eziogodini
zabo.

OKUQUKETHWE
ISIHLOKO IKHASI

Igilosari

Izinkondlo

Inoveli nomdlalo

Ibanga Le-11

Inkondlo 1 Ngikuthandile Ungithandile

Inkondlo 2 Baba Wabantabami

Inkondlo 3 Sesiyacima isibani

Inkondlo 4 Ma Ngificwa Ukufa

Ukuhluza Inoveli Zihlangene Phezulu

Ukuhluza Idrama Inzima Le Ndlela

Okulindeleke enkondlweni

Indlela yokuza:
Indlela yokuphendula:
Imibuzo esobala kanye nedinga ukuhlela kabusha
 Kulolu hlobo lwemibuzo kudingeka ukuba abafundi impendulo bayithathe
esiqeshini.
 Imvamisa le mibuzo iba nemiklomelo eyisi-8.Imibuzo enemiklomelo emi-4
noma kwenye inkathi emi-3 engasekuqaleni idinga impendulo njengoba injalo
etholakala esiqeshini.
 Ingxenye yesibili enemiklomelo emi-4 yona idinga ukuba umfundi ahlele
kabusha impendulo yakhe. Lokhu kusho ukuthi impendulo isuke ikhona
esiqeshini kepha ingekho endaweni eyodwa. Ngakho-ke kudingeka ukuba
impendulo uyithathe esigabeni esisodwa kepha uyihlele kabusha noma
uyithathe ezigabeni ezahlukene noma esigabeni esisodwa.

Izibonelo zamagama asetshenziswa uma kubuzwa:

 Nikeza…
 Shono/Yisho…
 Tomula…
 Gagula…
 Chaza…
 Kungani…

Edinga ukuhlela kabusha

 Chaza kafushane…
 Nikeza amaphuzu AMANE…
 Fingqa ngamaphuzu…
 Xoxa kafushane…
 Nikeza UMAHLUKO phakathi ….
 Nikeza OKUFANAYO….

Imibuzo emayelana nokucabangela

 Kulolu hlobo lwemibuzo kudingeka ukuba abafundi impendulo yabo
bangayibheki esiqeshini.
 Imvamisa le mibuzo iba nemiklomelo eyisi-8.
 Imibuzo edinga abafundi ukuba basebenzise ulwazi lwabo lwempilo.
Kepha okubaluleke kakhulu ukuthi impendulo yabo nakuba kungamele
bayithathe esiqeshini kepha kumele kube khona ukuhambisana
kwempendulo kanye nokukhulunywa ngakho esiqeshini.
 Izibonelo zamagama asetshenziswa uma kubuzwa:
 Ucabanga ukuthi…
 Chaza umbonongqangi …
 Imibuzo okudingeka ukuba abafundi bakhethe impendulo enembayo…
 Iyini inhloso…
 Isenzeko/ ukuphawula/indlela abuka ngayo izinto…
 Ngabe isimo sokukhuluma…
 Ngabe imbangela/umthelela…
 Qhathanisa…
 Khetha impendulo eshaya emhlolweni / engashayi emhlolweni…

Imibuzo emayelana nokuhlolisisa

Le mibuzo imayelana nezinqumo ezithinta ubugugu nokunohlonze. Lokhu
kufaka izinqumo mayelana nokuqinisekisa ubukhona bento, iqiniso noma
umbono, ukukholakala, ukukwazi ukucabanga kanye nokwamukela nezenzo
nokwaziswayo

Izibonelo zamagama asetshenziswa uma kubuzwa:

 Ucabanga ukuthi lokhu okwenzekile kuyakholakala…
 Umbono ovezwa umbhali unobuqiniso…
 Uyavumelana nombono…
 Ngokwakho ukubona ngabe…
 Ngabe isimo sokukhuluma…
 Hlaziya ngokuhlolisisa…

Indikimba
Ingumongo wenkondlo . Sibheka ukuthi inkondlo ikhuluma ngani .Lokhu kungaba igama
elilodwa noma amabili .Isibonelo : Indikimba kungaba Uthando , inkolo , imfundo , inhlonipho
, ezombusazwe njalonjalo .Imbongi isebenzisa amagama athile noma imifanekisomqondo
ekugqamiseni indikimba yenkondlo .

Umoya
Isimo imbongi eyayikuso ibhala inkondlo noma imizwa imbongi eyayikuyo
Ibhala inkondlo . Imbongi ingadlulisa umuzwa owodwa enkondlweni ize iyophela .
Kuyenzeka inkondlo ibenemizwa exubile. Inkondlo ingaveza imizwa elandelayo :uthando ,
ukujabula , ukuncoma , ukugxeka , ukuncenga , ukulangazelela , ukulila , ukukhathazeka
njalonjalo . Umoya uvezwa amagama noma imifanekisomqondo esetshenziswe imbongi
enkondlweni.
Umqondo
Ilokho okushiwo inkondlo. Siwuvezelwa amagama asetshenziswe imbongi
Enkondlweni .
Amasu asetshenziswa imbongi:
Amasu obuciko
Izaga ,izisho nezifengqo kanye nokukhethwa kwamagama

Imifanekisomqondo/Izithombemagama
Amagama, isigejana samazwi,iletha ukubona ngeso lengqondo emicabangweni yethu,
njengezifaniso, izingathekiso kanye nokwenzasamuntu:
Lokhu kuvela emcabangweni kanje: ukubona, umsindo-inzwa ebonakalayo, inzwa
ehogelekayo, inzwa yokuthintekayo, inzwa yokunambithekayo nenzwa yokulalelekayo.
Izithombemagama/ imifanekisomqondo yelekelela ukugqamisa
indikimba/umqondo/umoya Kanye nesigqi senkondlo
Isigqi
Umgqumo othile wenkondlo olethwa umoya wenkondlo , umqondo wenkondlo , ukuhleleka
kwemisindo namagama , ubude bemigqa kanye nezimpawu zokuloba Isigqi singashesha
noma sinense . Izibonelo : Inkondlo yesililo inesigqi esinensayo ngoba kuyalilwa . Inkondlo
eveza imizwa yenjabulo inesigqi esisheshayo ngoba kujatshulwe .
Amasu okusebenzisa umsindo
Ifanamsindo
Lolu wuphawu olungena ngaphansi kwemisindo eyenziwa izinhlamvu zamagama
emshweni noma emshweni eqoqene ndawonye endimeni yenkondlo. Inkondlo leyo
ihlelwa ngobungcweti obunofanangwaqa nofanankamisa.
Ifanankamisa
Umsindo otholakala nkokuphindeka konkamisa abafanayo emigqeni siwubiza ngokuthi
ifanankamisa.
Ukuphindeka konkamisa kuzwakala kamnandi kuze kube sengathi lowo mugqa
usamculo.
Ifanangwaqa umsindo wokuphindeka kongwaqa abafanayo emgqeni owodwa. Ikhono
lokuhambisana komsindo wongwaqa nemibono eyethulwa inkondlo noma umugqa lowo
kuletha isigqi esithile.
Imvumelwano
Ukusetshenziswa kwamalunga afanayo emishweni emibili elandelanayo .
Imvumelwano iletha isigqi enkondlweni
Ikhono lembongi
Imigqa
Imigqa yakha amabinza
Umugqa ovulekile, ongenalo uphawu ekugcineni ubizwa nge-enjambamenti
Umungqa onophawu ekugcineni kuthiwa uvalekile
Umugqa onophawu phakathi nomugqa kuthiwa isikhawu/isizura
Ukuxhumana
Ukusetshenziswa kwamagama afanayo emishweni emibili elandelanayo .Kusetshenziselwa
ukugqamisa umqondo othile enkondlweni .
Ifuzamsindo– Lapha kuphindwaphindwa isiqu sesenzukuthi kuchazwa into ethile.
Isb. Ubukhwishikhwishi
Ubudukluduklu
Ubufohlofohlo njl.
Impindamqondo
Lapha imbongi yethula imiqondo ehambisanayo, emigqeni elandelanayo.Kungenzeka
ukuthi le miqondo ivumelane noma iphikisane. Impindamqondo isetshenziswa kakhulu
ezibongweni zomdabu. Singalinganisa ngezibongo zikaSenzangakhona lapho kuthiwa:

Ngikuthandile Ungithandile

1. Ngikuthande ngolumangazayo,
2. Olweziziba ezinjula zokujula,
3. Olwesibhakabhaka ngokuphakama kwemikhathi,
4. Olwemikhathi ngokuthekela emazulwini,
5. Amazulu asababaza ngokubabazeka
6. Ukubabazeka kwemihla namalanga,
7. Uyilanga eliphume laphakama
8. Ukuphakama kwaphakade kothando,
9. Uthando olumi izolo naphakade.

10. Ntombi yezimanga zokubamangaza,

11. Ubamangaza ngobakho obubabazekayo,
12. Izimanga zoMdali ngawe ziyehlula,
13. Zehlule izinyanga namakhathakhatha,
14. Amakhathakhatha okukhathaza inhliziyo,
15. Yephuke, iphoqozwe yimpoqo,
16. Impoqo yezimangelengele zoKhahlamba,
17. Ebezikhahlazekela iminjunju yothando lwakho.

18. Ntombi kaMalamulela!

19. Ngokubalamlela abazibhonqabhonqayo
20. Bezibhonqabhonqela obakho bendalo,
21. Bomuntu omuhle bevele bebahle,
22. Nokuthandwa uvele uthandeka,
23. Uthandeka uthule ungasukele muntu,
24. Uthandeka ulele ungakhulumi,
25. Uthandeka uhamba usuluzela,
26. Ushikilile umamatheka uyathandeka,
27. Ngelilodwa elincengayo,
28 Ngithande Nokuthandwa

2. Olweziziba ezinjula zokujula, 2

3. Olwesibhakabhaka ngokuphakama kwemikhathi, 2
4. Olwemikhathi ngokuthekela emazulwini, 2
5. Amazulu asababaza ngokubabazeka 2

Phawula ngokuphumelela kwembongi ekukhetheni amagama agqamisa umqondo

wale nkondlo.
IMPENDULO
Umqondo wenkondlo
Isingeniso
Umqondo wenkondlo yilokho ikushiwo yinkondlo. Umqondo uhlukana kabili kukhona
umqondo osobala nomqondo ojulile. Akhona amagama agqamisa umqondo wenkondlo
kulelo nalelo binza. Kule nkondlo imbongi ibabaza uthando ethanda ngalo intombi,
iyayincenga ukuthi imqome noma imthande.
Ibinza lokuqala
Olweziziba ezinjula zokujula- imbongi ifanisa uthando enalo ngale ntombi nokujula
nokujula kwazo. Iphinde ilufanise nesibhakabhaka nokuphakama kwaso. Kuso ukuthi
uthando enalo lwale ntombi lujulile futhi luphakeme.
Iphinde ifanise uthando nelanga eliphume laphakama. Imbongi ibona uthando enelo luya
ngokukhula futhi lungasoze lwaphela
Ibinza lesibili
luyamangaza …luyababazeka. -Imbongi ithi uthando enalo ngale ntombi olukhulu lwenza
idideke .
Ubamangaza ngobakho obubabazekayo- Imbongi ithi ubuhle bale ntokazi
buyasanganisa. Ubuhle bayo buhambisa izinsizwa ezinyangeni ziyofuna imithi kodwa
azisizakali.
Uthando lwehlula izinyanga namakhathakhatha – imbongi ithi akukho zinyanga
ezingelapha inhliziyo yayo ehlukumezekile ngenxa yothando enalo ngale ntokazi.
Ibinza lesithathu
Ntombi kaMalamulela- imbongi ibiza intombi ngokuthi eyakaMalamulela ngoba iyona
engamkhulula aphume kulobu buhlungu ebuzwayo beminjunju yothando.
Abazibhonqabhonqayo- imbongi ifanisa ubuhlungu ebuzwayo bokuthanda le ntombi iwa
ivuka izama ukuyithola. Imbongi ithanda le ntokazi kukho konke ekwenzayo. Ekugcineni
imbongi inxusa ukuba intombi iyiqome noma ivume ukuthandana nayo.

Isiphetho
Imbongi iphumelela kahle ekukhetheni amagama agqamisa umqondo wale nkondlo.

BABA WABANTABAMI
1 Baba Wabantabami
2 Ngaphuma ngashiya umuzi wakwethu,
3 Ngashiya intokomalo nentokozo yakwethu,
4 Ngoba usuthe wena angizokwakha owethu,
5 Ngoba usuthe ungithanda ngokudlula konke.
6 Ngisakhumbula kahle ngengqondo yami,
7 Usangikhulumisa ngamazwi amnandi,
8 Njnegoju lwezinyosi zasebusika,
9 Ungidlalisa ngamazwi achicim’amancoko,
10 Ungibuka emehlweni ngidakwe ngidiyazele,
11 Ungibamba kushis’umzimba wonke,
12 Ohlekweni lwakho ngibon’imisebe,
13 Ngibone nemibala yothingo lwenkosazane,
14 Ngibon’imibalabala yothingo lwenkosazane,
16 Angazi-ke ukuthi kwathi gwiqiqi kuphi,
17 Kwathi ngingashongo lutho kuwena,
18 Kodwa wathukuthela wagana unwabu,
19 Amehl’akho alokoza njengawemamba,
20 Aphenduka izikhweqe ezinamandla
 15 Ngibon’imibalabala yezimbali ezinhle.
21 Kwathi ngokuvaleka komnyango,
22 Wadlonga ngemikhonto yamazwi,
23 Ngathi ngithi uyabohla uyazotha,
24 Wavuk’uqanduqandu ngolaka,
25 Phathaphatha kwaba ubuhluthuhluthu, 26
Phathaphatha kwaba ubudluthudluthu, 27
Ngawagwiny’amazinyo owawuthi mahle, 28
Uwancoma ukuba uthotho oluhle,
29 Ngavuza igazi kwangathi diki,
30 Kwalila izingane kwangathi diki,
31 Zangxolisela izingane kwangathi diki.

Umbuzo
Phawula ngokuphumelela kwembongi ekwethuleni isigqi sale nkondlo esigqamisa umoya
wenkondlo.
Impendulo yakho ayibe ubude obuphakathi kwamagama ayi-190 kuya kwangama- 240.

Impendulo yakho mayibhekiswe kulokhu okulandelayo:

 Chaza isigqi kanye nomoya wenkondlo
 Caphuna imigqa esenkondlweni.
 Ukuveza uvo lwakho.

Umhlahlandlela wokumaka
Isingeniso
UKUBHEKA ISIGQI KANYE NOMOYA
Isigqi senkondlo
Isigqi umgqumo omnandi olethwa …isigqi enkondlweni sitholakala ngokubheka umoya, imigqa
ubude nobufushane bayo, ukuvuleka kanye nokuvaleka kwemigqa. Kuphinde kubhekwe ubude
kanye nobufushane bemigqa. Inkondlo enesigqi esinensayo iba nemigqa emide bese iba
nezimpawu eziningi zokuloba. Imvamisa kuba yinkondlo edingida indikimba yokufa equkethe
umoya wosizi. Kuphinde kube yinkondlo enomoya wokubalisa kanye nowokukhathazeka.
Isigqi saleli binza siyanensa/ siyacothoza
Ibinza loku-1
 Isigqi saleli binza siyanensa/ siyacothoza. Leli binza linemigqa evalekile eminingi ,izimpawu
zokuloba nemigqa mide okudalwa umoya wokubalisa. Imbongi iyabalisa ngokusuka kwayo kubo
iye kogana. Ithi yashiya umuzi wakubo kuphilwa kahle. Ukhumbula ngalenkathi ubaba
wabantabakhe ayemtshela ukuthi uyamthanda , ukhumbula izinsuku ezazimnandi angazi ukuthi
konke lokho kwajika nini uthando. Imbongi isebenzise igama ‘ gwiqiqi’ okuchaza ukushintsha
kwezinto phakathi kwabo kade izinto zihamba kahle. Isebenzise amagama ‘ alokoza
okwemamba’ okusho intukuthelo ayeba nayo ubaba wabantabakhe..
Ibinza lesi-2
Isigqi saleli binza siyanensa/ siyacothoza. Leli binza linemigqa evalekile eminingi ,izimpawu
zokuloba nemigqa mide okudalwa umoya wokubalisa. Imbongi ithi ubaba wabantabayo kade
engamphathi kahle. Imbongi isebenzise amagama ‘ Ukugwinya amazinyo’ ukukhombisa ukuthi
wamshaya waze wamkhipha amazinyo. Isebenzise amagama ‘ ubudluthudluthu,
ubuhluthuhluthu ‘ ukuveza ukuthi babehlala ngokuxabana ngaso sonke isikhathi.
Isiphetho: ( Uvo lomfundi)
Imbongi iphumelele kahle ukwethula isigqi esigqamisa umoya wokubalisa. Isigqi sayo
siyanensa/ siyacothoza imbongi ibalisa ngokuhlukumezeka kwayo emendweni wayo
nangokushintsha kwezinto esikhaleni kade kuhamba kahle konke.

Phendula imibuzo ngemuva kokufundwa kwenkondlo engenhla.

Imibuzo

UMBUZO

1.1 Yisho ukuthi ngesinjani isigqi esitholakala ebinzeni lokuqala bese uyasekela 02
Isigqi esitholakala ebinzeni lokuqala ngesinensayo/ siyacothoza imigqa
yenkondlo ivalekile ngoba imbongi iyabalisa ngendlela izinto esezenzeka
ngayo emendweni. Ubaba wabantabakhe kade emphethe kahle manje
usemjikele usembeka isandla.

1.2 Chaza kafushane okushiwo imbongi imigqeni we -15 kuya kowe -19. 02
Imbongi ithi izinto zashitsha ingashongo lutho kubaba wabantabayo
wayevele athukuthele esikhaleni bese kuba ukuxabana kwabo.

1.3 Chaza ukuthi amagama abhalwe ngokugqamile imigqeni wama -21 alekelele kanjani 02
 ukugqamisa umoya.
Amagama abhalwe ngokuqgamile emigqeni wama-21 agqamisa umoya
wokubalisa kwembongi ngokwakwenzeka ngemva kokushona kwelanga
sekuvalwe iminyango nokwakuyisikhathi ubaba wezingane ayemshaya
ngaso.

1.4 Yini inhloso yembongi ekusebenziseni ukuxhumana okusekuqaleno emgqeni we -4 02

nowe -5.
Imbongi isebenzise ukuxhumana okusekuqaleni ukugqamisa ukuthi ubaba
wabantabakhe wamsusa kubo wathi abazokwakha owabo umuzi ngoba
emthanda ukwedlula konke kodwa manje usemjikele.
Ngoba usuthe wena angizokwakha owethu,
Ngoba usuthe ungithanda ngokudlula konke.

1.5 Phawula ngokushiwo imbongi emigqeni wama -28 kuya kowama -30 ukugqamisa 02
indikimba yale nkondlo.
Emigqeni wama-28 nama-30 imbongi igqamisa indikimba yokuhlukumezeka,
imbongi ithi ubaba wabantabayo wayemshaya aze ophe kwale ngisho
izingane zimxolisela kwangungathi diki..

10

5. OKWAMI NAWE :K. MNGUNI

Umqondo Le nkondlo ikhuluma ngabantu ababili ababethandana,besizana,behlezi
bendawonye.Uthando lwabo lwalwenza izinhliziyo ezibuhlungu kulabo
ababengabafuni.Manje seluphelile lonke lolo thando,sebezondana njengekati
negundane.
Umoya Umoya owokubalisa Imbongi ibalisa ngothando ababenalo kudala, njengoba
sebephenduke izitha nje.
Indikimba Indikimba yale nkondlo ukufa
Umyalezo Akuhlali kukuhle othandweni,nalo lubuye luphele.
Isigqi Isigqi siyanensa njengoba kunomoya wokubalisa,kanti imigqa inezimpawu
zokuloba ekugcineni.
Imifankiso- Umugqa wesi-7.Okwamathe nolimi.(isisho) sigcizelela ukuthandana kwabo
nokuhlala bendawonye.
mqondo
Umugqa wama-21.Siwubucwibi obuhle obuhamba ngabubili.Sigqamisa
ukuthi babengahlukani.
Umugqa wama-24.Kodwa manje siyikati negundane.(isisho)siveza ukuthi
manje sebeyazondana.
6. NGIJULISE NKOSI :C.S.Z NTULI
Umqondo Le nkondlo ikhuluma ngolwandle.Imbongi ibabaza ubukhulu,ubuhle
nokudepha kwalo.Ithi luyisiziba esingaqondakali.Olwandle kutholakala
izinhlobonhlobo zezilwane.Ibona nabelunga bedlalela ngakulona.Ithi imifula
neziziba kuphelela kulona.
Umoya Umoya owokutusa.Imbongi itusa ubuhle nobukhulu bolwandle.
Indikimba Imvelo
Isigqi Isigqi sale nkondlo siyashesha .Imbongi ibona ubuhle bolwandle.

Imifanekiso- Umgqa wo-1.Uyimpicabadala yebuya siziba.(isingathekiso)igqamisa ukuthi

mqondo ulwandle aluqondakali.

SESIYACIMA ISIBANI
1.Ngikhal’ ezimathonsi bandla lakwethu,
2.Mhlawumbe kuyisishayo sami ngedwa,
3.Isibani sam’ebesivutha sesiyayafiyoza,
4. Ingathith’isimfishan’impilo yam’emhlabeni.
5.Ithemba kimi seliyamfimfa.

6.Ngoba ngeke ngisasithol’esiyofana naso

7.Impela sengathi kumnyama lapho ngiya khona,
8.Um’ukukhanya kwaso sekufiphala.
9.Nganginethemba lokuth’iseyind’engisazoyihamba naso,
10. Nganginethemba nangekusas’eliqhakazile nelinempumelelo,
11.Kwafik’izivunguvunguneziphepho zasilanguza;
12.Sengibhekise KuWe ngob’iqhinga selingiphelele.

13.Um’ucisha wena sibani sami,

 14.Ulokoza ithemba lami lokuphila,
15.Ayisekho nam’int’eyongihlalis’emhlabeni
16.Ngoba ngikhona nje kungenxa yamaketang’othando lwakho.
17.Usubunile njengembali wawohloka njengombethe,
18.Ilangab’ebelikuw’ebelivuth’ubulangulangu,
19.Selize lehluleka wukuzabalaza wezenzel’umphukane,
20.Wo Hhe! Sengihlwelwe kusemini kwelaseMombeni.

UMBUZO 4 (UMBUZO OMFUSHANE)

Fundisisa le nkondlo bese uphendula umbuzo olandelayo.
Ize Ikuphuzise Amanzi

1. Lixila uhlaleleni lapha,

2. Ngabe ulindeleni kulo mthombo?
3. Ngihleze ngikubona njalo
4. Uza ukhaphuzela umagange,
5. Uphethe ubhoko nomshiza,
6. Inkonyane ikhotha amaqakala,
7. Izindondo zikhala ubuwehlewehle,
8. Ubusenga budla umunyu.

9. Ungowakwabani, usuke uphumaphi?

10. Sengizwile ukuthi ungowakwamfundi,
11. Ulapha nje uzofuna leli tshitshi
12. Eselimise amasoka amanyala;
13. Izindumbazana zezinsizwa mbuzana
14. Lizishiya ziyobayoba ezidindini,
15. Lijokole lishaye utshani,
16. Lihlaba umakhweyana ngobugagu.
17. Ngakwelamela kabi ngaleliya langa,
18. Umumise mbonjane uNomfundo,
19. Ukhulumela ezinhlamvini zamehlo,
20. Ubuye umbhodoloshe usunyukubele,
21. Waze wadlubulundela ephetha,
22. Wakubhibiza walal’ amankeyana;
23. Awudikibalanga nokho wena
24. Nakuba eshade nesele.

25. Ngangithi ngeke usabuya,

26. Ngiyamangala uma usulapha.
27. Kuyize ukusuka kude,
28. Ulibhaduza ngaye uCetshwayo,
29. Unqamula izinkalo nemifudlana;
30. Ungaphethe namphako nalukhothi,
31. Nalugume najlelenjwayo, nasigwamba,
32. Wena nsizwa kawulambi.
33. Kuthi noma ekuchitha
34. Enqaba ema ngentaba,
35. Ekubhibiza, ekumukula ezihlathini,
36. Kulokhu uthola umdlandla
37. Nokuqala phansi ngokukhuthala
38. Uzithathe ushone khona.
39. Naye usekwazi ungakakhulumi
40. Ukuthi uzocelani, uzofunani.

41. Nakuso lesi nje isigodi

42. Usuwaziwa njengaso isishimane,
43. Usubonwa wenziwe ihlaya,
44. Basho bakutshele mazinyo:
45. Indlu yegagu iyanetha.
46. Naleli tshitshi lifunga liyagomela,
47. Lith’ alisoze laqoma,
48. Alisoze lahehlwa lagana.

49. Ungubani-ke wena mfowethu?

50. Ubala ukuhloba ngezimbadada
51. Ulengise ubuhlalu nojiza,
52. Ezindlebeni ulengise iziqhaza.
53. Ngabe siyakududuza yini
54. Lesiya sidwejana owasidabula ebhayini
55. Lakhe uNomfundo na?
56. Ucukazi lwakhe walubona?

57. Bayaguqa bakukhomba ngeminwe,

58. Bakuhleka befulathele bensinsitheka,
59. Bathi ngeke ikukhombe,
60. Uzakhela amabhange enhliziyweni,
61. Amaqhikiza ache ayakuthanda,
62. Lobu buhlalu ovunule ngabo
63. UNompumelelo sewake wabucumbaza,
64. Wathembisa ukukunyezisa ngobakhe.
65. Bathi abanye bejokola
66. Wena unikela khona.
67. Bekhohlisana behlangene beyizixuku,
68. Ube yinkomo edla yodwa.
69. Bakhohlwe ungesathunywa ugwayi
70. Sabuya neboza.
71. Bahlangene phezulu, kanti
72. Behlukene phansi bangamahele.

73. Ukwehluleka kukunika ukusebenza,

74. Ukubhuqwa nokuhlekwa ukubekezela.
75. Naziya eziza ngaphesheya
76. Izintokazi, zephula uhleko;
77. Nanguya uNomfundo emsileni.
78. UNompumelelo uzokugaxa ucu;
79. Wadla! Uphumelele namhlanje.

80. Giya uqephuze mfana;

81. Ngadla mina kababa!
82. Ngadla mina mfo kaBekezela!
83. Majonga isilonda okwempukane,
84. Ngahlabana mina kaKhuthala!
85. Ngayinqoba ngayiqhobozela;
86. Yangicocisa yangiphuzisa amandambi;
87. Ngadla! Ngadla! Ngadla!

4.1 Olindile ulinde kuphi? (2)

4.2 Ulibhaduza ngaye uCetshwayo. Nikeza incazelo yalokhu, ngokwenkondlo. (2)
4.3 Ngabe igama “uNomfundo” kunamthelela muni ekuqondeni ibinza? (3)
4.4 Nikeza umqondo wale nkondlo kafushane (3)
[10]

Okwami Nawe

OKWAMI NAWE :K. MNGUNI

Umqondo Le nkondlo ikhuluma ngabantu ababili ababethandana,besizana,behlezi
bendawonye.Uthando lwabo lwalwenza izinhliziyo ezibuhlungu kulabo
ababengabafuni.Manje seluphelile lonke lolo thando,sebezondana njengekati
negundane.
Umoya Umoya owokubalisa Imbongi ibalisa ngothando ababenalo kudala, njengoba
sebephenduke izitha nje.
Indikimba Indikimba yale nkondlo ukufa
Umyalezo Akuhlali kukuhle othandweni,nalo lubuye luphele.
Isigqi Isigqi siyanensa njengoba kunomoya wokubalisa,kanti imigqa inezimpawu
zokuloba ekugcineni.

Imifankiso- Umugqa wesi-7.Okwamathe nolimi.(isisho) sigcizelela ukuthandana kwabo

nokuhlala bendawonye.
mqondo
Umugqa wama-21.Siwubucwibi obuhle obuhamba ngabubili.Sigqamisa
ukuthi babengahlukani.
 Umugqa wama-24.Kodwa manje siyikati negundane.(isisho)siveza ukuthi
manje sebeyazondana.

Ngijulise Nkosi

NGIJULISE NKOSI :C.S.Z NTULI

Umqondo Le nkondlo ikhuluma ngolwandle.Imbongi ibabaza ubukhulu,ubuhle
nokudepha kwalo.Ithi luyisiziba esingaqondakali.Olwandle kutholakala
izinhlobonhlobo zezilwane.Ibona nabelunga bedlalela ngakulona.Ithi imifula
neziziba kuphelela kulona.
Umoya Umoya owokutusa.Imbongi itusa ubuhle nobukhulu bolwandle.
Indikimba Imvelo
Isigqi Isigqi sale nkondlo siyashesha .Imbongi ibona ubuhle bolwandle.

Imifanekiso- Umgqa wo-1.Uyimpicabadala yebuya siziba.(isingathekiso)igqamisa ukuthi

mqondo ulwandle aluqondakali.

Ma Ngificwa Ukufa

Uchazwa Kwamagama
Igama Incazelo Esobala Inhloso Uokukhethwa
Kwegama
Ngimbeleni Ukumba iliba la kusuke imbongi ibala la efisa ukuba
kuzongcatshwa khona ithuna layo limbiwe khona uma
umuntu. isishiya lo mhlaba.
Umnyezane Isihlahla esimila eduze Imbongi ifisa ukufihlwa
kwamadamu / neziziba endaweni epholile futhi
esinamagatsha alengayo engenakushazwa isomiso
futhi sihlale
sinamaqabunga aluhlaza
ubusika nehlobo
Izinyoni Lezi izinyoni eziba Imbongi ikhethe lezi zinyoni
ezincanyana nomsindo omtoti futhi ezincane noba azinawo
ongadeleki.imvama izinyoni umsindo ozwakala kabi
ezincane azikudli ezindlebeni njengowezinyoni
okungcolile. ezinkulu.(isib.owesikhova)
Izinsungulo Amazwi angemahle Imbongi ayifisi ukuzwa
zezilimi asukwe ebhekiswe kukhulunywa kabi ngayo .noma
kumuntu. izwe okungekuhle konke
okungekuhle emndenini wayo
okobangwa ukukhuluma.
okumuncu ngoba ingasekho.
Funda inkondlo elandelayo bese uphendula umbuzo ozolandela:
MA NGIFICWA UKUFA: B W Vilakazi

1.Ngimbeleni ngaphansi kotshani

2.Duze nezihlahla zomnyenzane,
3.Lapho amagatsh’ eyongembesa
4.Ngamaqabunga’agcwel’ubuhlaza
5.Ngozwa nami ngilele ngaphansi:
6.Utshani ngaphezulu buhleba:
7.”Lala sithandwa, lal uphumule

8.Ngimbeleni phezu kwamadamu

9.Laph’ amanz’ethul’ enganyakazi,
10.Nalaph’ izinyon ezincanyana
11.Zihlabelela zisho ngephimbo
12.Zenanel’ukwethwasa kwehlobo,
13.Zehle ziphuz’amanz apholile

14.Laph ilanga lingenakushisa

15.Ngiyeke ngifil ezindleleni
16.Zabantwan’abafund’isikole
17.Njengob’emahlomb esehluleka
18.Yimithwal’ebengisindwa yiyo.
19.Iyona misindo yabantwana
20.Eduduza imiphumela
21.Elel’ukuf okuphakade.

22.Ngimbeleni endaweni enjena:

23.Lapho izinsungulo zezilimi
24.Zenkathazo zingenakuthola
25.Sango lokwahlukanis’umhlaba,
26.Zingivus’ebuthongweni obuhle.
27.Uma wen’ofunda le migqana
28.Ungifica, ungimbele lapho
29.Utshani ngaphezulu buyothi.
30.”Lala sithandwa lal uphumule”

Xoxa ngamasu obunkondlo asetshenziswe yimbongi ekubumbeni kwayo le nkondlo.

Impendulo yakho mayibe ubude obuphakathi kwamagama ayi-190 kuya kwangama-240.
Ulindeleke ukuba uphendule lombuzo njenge-eseyi.

Impendulo mayibhekiswe kulokhu okulandelayo:

 Makubalwe amasu obunkondlo.

 Makuphawulwe kunikezwe izibonelo

 Ukuveza uvo lwakho esiphethweni sempendulo.

*Ungasebenzisa la maphuzu kanye namanye njengomhlahlandlela wokumaka lo mbuzo. Izimpendulo
zingahluka ngokuthi umfundi uyiqonda kanjani inkondlo.

*Sebenzisa irubhrikhi yokuhlola lo mbuzo

ISINGENISO: Ohlolwayo makaqale asho amasu obuciko benkondlo bese ewacaphuna awasekele .

IZINDIMA / IZITANZA - Le nkondlo yakhiwe izitanza ezi – 4.

IMIGQA - Inkondlo ibunjwe imigqa engama – 30 iyonke. - Isitanza soku – 1,esesi-2 nesesi-3 zibunjwe
imigqa eyisi – 7 ngasinye. - Isitanza sesi- 4 sakhiwe imigqa eyisi -9 - Imigqa eminye ivalekile kanti
eminye ivulekile - Yonke imigqa yalenkondlo mide.

IMVUMELWANO

Imvumelwano Siqalo - Isitanza sesi – 2 ,umugqa we – 12 nowe – 13

Zenanel’ukwethwasa kwehlobo

Zehle ziphuze amanzi apholile.

Isitanza sesi – 3 umugqa wama – 20 nowama – 21

Eduduz’imphefumulo

Elele’ukulala kwafuthi

Imvumelwano maphakathi. Isitanza se-3 umugqa we-17 nowe -18

17.Njengob’emahlomb esehluleka
18.Yimithwal’ebengisindwa yiyo.bengisindwa yiyo.

UKUXHUMANA

Ukuxhumana okusekuqaleni. - Isitanza sesi – 2 ,umugqa wesi – 9 nowe – 10

Laph’ amanzi ethul’enganyakazi

Nalaph’izinyoni ezincanyana Zihlabelela’zisho ngephimbo

IFANAMSINDO

Ifanankamisa: Ngimbeleni endaweni’enjena:

Ifanangwaqa: Laph i ilanga lingenakushisa

Isifengqo: Utshani ngaphezulu buhleba-isenzasamuntu

Inzwa yokubona:
1.Ngimbeleni ngaphansi kotshani
2.Duze nezihlahla zomnyenzane,
Inzwa yokulalela/ yokuzwa:
10.Nalaph’ izinyon ezincanyana
11.Zihlabelela zisho ngephimbo

Inhlonipho:
5.Ngozwa nami ngilele ngaphansi:

ISIPHETHO/ UVO LOMFUNDI: Makuvele ukuthi useyayiphetha impendulo yakhe.

Imbongi isebenzise kahle amasu anhlobonhlobo enkondlweni yayo.

IMIBUZO EMIFUSHANE

1 Esitanzeni sokuqala tomula umugqa onesifengqo bese uyasigagula 2

Utshani ngaphezulu buhleba

Isenzasamuntu

2 Fingqa ngamaphuzu ama-2 umqondo oqukethwe ibinza lesibili- 2

Imbongi isebenzise isenzasamuntu ‘.Zihlabelela zisho ngephimbo’ ukugqamisa

ukuthi indawo lapho ifisa ukungcwatshelwa kuyo kunokuthula.
Zenanel’ukwethwasa kwehlobo iphinde yasebenzisa isenzasamuntu
ukunanelaukuthwasa kwehlobo.

3 Yini inhloso yembongi ukusebenzisa imvumelwano esitanzeni sesi-2 2

Imbongi isebenzise imvumelwano siqalo ‘uZe-‘ ngenhloso yokuletha

umgqumo nomculo omnandi ukugcizelela ubumnandi ezobuthola kule
ndawo .
12.Zenanel’ukwethwasa kwehlobo,
13.Zehle ziphuze amanzi apholile
Imvumelwano siqalo

4 Chaza umqondo oqukethwe ibinza lesine 2

Imbongi ithi ifisa ukuthi uma ificwa isikhathi sokufa lapho kudlula khona
izingane zesikole

5 Phawula ngesigqi esitholakala estanzeni sesi-4 2

Isigqi umgqumo othile wenkondlo olethwa umoya , umqondo , ubude

bemigqa, ukuhleleka kwemisindo kanye nezimpawu zokuloba . lsigqi
sesigaba sesine siyanensa ngoba sakhiwe imisho emide enezimpawu
zokuloba ekupheleni kwemigqa naphakathi kwemigqa kanti futhi ikhuluma
 ngokufa.

(10)

ZIHLANGENE PHEZULU

Hlaziya udweshu olutholakala kule noveli Zihlangene Phezulu. Impendulo yakho mayibe yi-
eseyi ehlelke kahle ngokomgomo wokubhalwa kwe-eseyi ibe namagama angama -340 kuya
kwangama -390.

Impendulo yakho mayibhekiswe kulokhu :

 Makuchazwe udweshu
 Ukucaphuna nokweseka ngokwendaba
 Ukuveza uvo lwakho

Impendulo elindelekile nokunye okubhalwe umfundi kuyokwamukeleka

Udweshu
Udweshu luwukungqubuzana kwemibono okungaba kumlingiswa eyedwa noma kwababili
kuya phezulu.
Kunodweshu lwangaphakathi:Lokhu ukungqubuzana kwemibono kumlingiswa eyedwa
ezicabangela okungaze aphimise lokho akucabangayo.
Udweshu lwangaphakathi : ULetheni uyacabanga emva kokuxoshwa uThuthukani,
uyazibuza ukuthi kodwa usengaze amxoshise okwenja emzini yena athi ungowabo bobabili.
UThuthukani uyapheka uyathulula emva kokuba uThembekile ebukise ngaye ebantwini
wamubhunyela ngamanzi ethi uzozama ukulalisa ulaka olwalumbambile uThembekile
ngokuzibona enziwa isithutha uThuthukani ngodaba lukaLetheni. UThuthukani ucabanga
indlela athanda ngayo uThembekile nanokuthi unokwethembeka njengegama lakhe akafuni
amulahlekele ngenxa kaLetheni owahamba iminyaka emibili yonke waphinde wafaka
namaphepha esehlukaniso. UThuthukani uzibuza ngomuntu osesangweni kwakhe ukuthi
engabe ubani nalapho athole khona ukuthi ULetheni uzocela indawo yokulala ngoba engazi
uzoshonaphi ngaphi ebusuku.. ULetheni ucabanga ngokwehlukana kwakhe noThuthukani
ukuthi ngabe akwenzekanga ukuba uThembekile ubengazami ukuziphindiselela ngoba yena
uThembekile washiywa nengane, yaphikwa uThuthukani.
Udweshu lwangaphandle : Udweshu phakathi kukaLetheni noThuthukani kubangwa
indaba yokuthi Uletheni ufike edakwe ephele inkani. Lapha sithola uNjiyela ehluthukelwa
yinhliziyo aze akhiphe ummese okugcina kungena nomakhelwane uma bezwa umsindo
kwaNjiyela nodadewabo kaLetheni uNobesuthu owasewuqanduqandu enziwa ukwethuka
efuna nosizo. Ingxabano esiyithola phakathi kukaLetheni noThuthukani uma uThuthukani
engena eshaweni ezitshela ukuthi kugeza uThembekile. Lapha uThuthukani uzithsela ukuthi
uThembekile umzumile usekhetha ukuthi angachithi sikhathi angene naye ayogeza
noThembekeli kanti uzozithela kuLetheni naye owethukayo uma ebizwa ngoThembekeli.
Akafuni ukuzwa ukuthi ufunani nokuthi ungene kanjani ngoba ethi naye umuzi wakhe lo.
UThuthukani uzama ukubhula ulaka lapho kuphoseka uThembekile esazama ukuzwa ukuthi
Uletheni ubekwa yini lapha. UThembekile lapha akasafuni kuzwa ngokwakhe ubona ukuthi
uThuthukani ubedlala ngaye uma ethi akafike nakhu esezithela kubo bobabili futhi
besesimweni esingamgculisanga kwazise babethi bayageza. UThuthukani uzama ukubhula
ulaka kuThembekile emva kokuba ephulukundlele endlini wabashiya noLetheni, ube
esemlandela ukuze ezozama ukuthi achaze kodwa nokho okunhlanga zimuka nomoya.
Lokhu kuze kuholele ekuthenini athelwe ngamazwi uThuthukani. Uletheni uyenqaba
ukuphuma ahambe emva kokuba uThuthukani emvumelile ukuba alale ubusuku obubodwa.
UThembekile uficana noLetheni esitobhini nalapho uThembekile aphoqwa khona ukuba
angagibeli ukuze baxoxe ngezindaba ezibathintayo bobabili. UThembekile ubiza uLetheni
ngesiboshwa okumcasula kakhulu ULetheni. Lapha kugcina uLetheni ethumba
uThembekile. USpikes usala edunyelwa yikhanda emva kokuba kade kunokungezwani
noThuthukani ocingweni usala ethukile engazi kuzokwenzakala ini ngoba ekhombisa
ukuzethemba nje uThuthukani.

Isiphetho
Udweshu olutholakala kule noveli lusebenze kahle ukuthuthukisa inoveli yethu.

Umbuzo omude

Umyalelo
Umbhali usebenzisa izindlela ezihlukene zokuveza abalingiswa endabeni
Phawula ngokuvezwa kwabalingiswa ababalulekile kule noveli ethi ‘Zihlengene Phezulu’ [25]

Impendulo :

Ukuvezwa kwabalingiswa

Isingeniso
Abalingiswa bangavezwa ngezindlela eziningi. Ezinye zazo yilezi:
 Ukuchaza indlela umlingiswa abukeka ngayo
 Ukuhlaziya kwamagama abalingiswa
 Indlela yokubuka izinto/Indlela aziveza ngayo
 Inkulumo-mpendulwano
 Imicabango
 Ukwemukeleka komlingiswa nendlela abanye abambuka ngayo
 Isenzo noma isenzeko

Umzimba:
UThuthukani
Lona ngumlingiswa omkhulu uvezwe njengomuntu obekezelayo, uphelelwa umsebenzi,
ulahlekelwa ingane uyazama ukuyithola, uhlushwa unkosikazi wakhe uLetheni owayephuza
kakhulu utshwala aphinde aqome, wagcina esenyamalala iminyaka emibili, kuyo leyo
minyaka emibili wathumela amaphepha esehlukaniso.
Unamaphutha njengomuntu, waphika ingane yakhe.
Uvezwe njengomuntu ononembeza ngoba emva kokuba ayiphika ingane yakhe ezalwa
uThembekile usezama ukulungisa udaba lokuyoyikhokhela kwaMsimude.
Uvezwe njengomuntu ophikelelayo. Ngenkathi kuthunjwe intombi yakhe uzama konke
okusemandleni ukuthola konke okudingwa ngabathumbi ukuze kukhululeke intombi yakhe.
ULetheni
Igama lakhe liyahambisana nezenzo zakhe endabeni. Ulethela uThuthukani izinkinga, ulahla
ingane kade eyoteta, sesimthola ephuza utshwala engalisabi ihlazo uphinde abe neshende
yize eshadile. Uhlukumeza umyeni wakhe uze uthatha isinqumo sokumshiya. Uphinde
athumele amaphepha edivosi.
Uvezwe njengomlingiswa oguquguqukayo, ekuqaleni ungowesifazane oyisibonelo esihle,
uthanda isonto, ubambe iqhaza emphakathini ngokuba ikhansela futhi unothando lomndeni
wakhe kodwa ekugcineni ugcina eseyisigebengu.
Uvezwe njengesigebengu, uthumba uThembekile, usebenzisa uRazor noSpike
ukuhlukumeza uThembekile.
Uvezwe njengomlingiswa oyiphixiphixi, ngoba ngesikhathi ehlela itulo nezigebengu oSpikes
noRazor wayebuye axhumane namaphoyisa elethela izigebengu izinkinga, simthola
edayisa oSpike noRazor.
UMaThabethe
Uvezwe njengomzali ongenalo iqiniso. Wantshontsha ingane kaLetheni esibhedlela,
ezenza umhlengikazi waphinde wakhohlisa umyeni wakhe wathi ingane eyakhe.
Akanaso isandla ezinganeni zakhe, zombili zibhungukile azihlali ekhaya akazazi nokuthi
ziphila mpiloni lapho zikhona.
Uyazama ukudala uxolo, wehlisa ulaka kumyeni wakhe uMsimude osacasukele uThuthukani
ngokuthi waphika ukuthi ukhulelise uThembekile.
UThembekile
Uvezwe njengolingiswa onenhliziyo encane futhi uneconsi, akafuni ukulalela incazelo
kaThuthukani ngesikhathi emfice egeza eshaweni noLetheni. Kuthi noma uThuthukani efika
kuye ethi uzoxolisa ugcina emthela ngamanzi. Izenzo zakhe azihambisani negama lakhe,
udayisa izidakamizwa.
Uyiqili wayehlela ukubulala uThuthukani ezenzisa sengathi uyamthanda.
Ukuphikwa kukaThembekile nguThuthukani ekhulelwe kunomthelela empilweni aseyiphila
enamagqubu nenzondo kuThuthukani.
Isiphetho:

Abalingiswa bavezwe ngezindlela ezehlukene bayithuthukisile indaba yaze yafika kuvuthondaba.

UMBUZO OMFUSHANE

ZIHLANGENE PHEZULU
Fundisisa lesi siqeshana senoveli bese uphendula imibuzo elandelayo.

ISIQESHANA
“Kuyishwa ke baba ukuthi siyacabangela iqiniso singakalitholi kahle. Okwamanje
akukho esingakwenza ngoba umfo kaNjiyela kade sibhekile ukuthi usezoqhamuka
njengoba ubebhace ehlozini eside isikhathi lesi. Okwethu nje kuyofanele
simemukele ngoba unguyise kaSphesihle. Ingane yakhe sihlala nayo lapha ekhaya,”
kuchaza uMaThabethe.
“Yiphi yona ingane, lena ayiphika emini libalele?” Kubuza uMsimude.
“Ngokuthumela abakhongi abakwaNjiyela bafuna ukulungisa lelo phutha. Kwayona
le ngane inelungelo lokumazi futhi ixhumane naye uyise. Khumbula phela Nojiya
ukuthi singugogo nomkhulu thina. Uyazi-ke nawe ukuthi ikusasa kalaziwa. Kungcono
le ngane ilungiselwe yikusasa layo sisadla amabele ingaphenduki intindili uyise
nonina bephila,” kweluleka uMaThabethe.
“Yiqiniso lelo nkosikazi. Ake sibuyele odabeni, siphuma kanjani kule nkinga?”
kubuza ubaba uMsimude. “Ngicabanga ukuthi kuhle nathi siphume owethu
umkhankaso sike siyozizwela kuThokomele ukuthi kwenzekani, uyatholakala yini
umkhondo wabathumbi bakhe na? kuyilapho kuyozwakala ukuthi ukuthunjwa
kwakhe kuxhumene nombango wesikhundla kule nhlangano yenu noma yizono
zakhe nje kwaphela?’ kuchaza uMaThabethe. “Akungcono sehlise amaphaphu sithi
ukulinda njengoba uThokomele ethembisile ukuthi kungabakhona akucoshayo
okungumkhondo uzosithinta? Kubuza ubaba uMsimude.
“Ukulinda amathonsi abanzi baba, kuyosinceda ngani? Kuhle sishoshele ngakhona
eGoli ukuze kube lula ukuthola ngokwenzekayo, kunokwethembela ezingcingweni
okungaziwa ukuthi ziyofika ilanga likuphi? Yingane yami phela lena baba. Ngeke
ngihlale ngithule ingane yami ibe iphakathi kwetshe nembokodo,” kunxenxa
uMaThabethe osebonisa izimpawu zokufudumala. uMsimude wazibonela engeyona
ingane ukuthi lesi sifuthefuthe somkakhe sizodala izinkinga uma ephike naso
kungcono avele ehlele ngezansi baphuthume khona eThembisa ukuyozizwela ukuthi
kwenzekeni ngempela?

Phendulani nansi imibuzo engezansi.

2.1 Nikeza isizathu esenza ukuthi umlingiswa onguMsimude angafuni nakuyizwa

indaba kaThuthukani yokuzocela? (02)
 2.2 Ludalwa yini udweshu lwangaphandle kulesi siqeshana? Sekela impendulo
yakho. (03)

2.3 Chaza kafushane ngokwenzeka esiphethweni salesi siqeshana. (02)

2.4 Xoxa ngomoya otholakala emagameni abhalwe ngokuqgamile atholakala kulesi (02)
siqeshana.

2.5 Chaza kafushane ngokulandelana kwezigameko ezaholela ekuthunjweni

kukaThembekile. (03)

2.6 Qhathanisa izenzo zikaThembekile noLetheni ubhekise impendulo yakho

endikimbeni yokungathembeki etholakala kule noveli. (03)

2.7 Yini inhloso yombhali yokusebenzisa umlingiswa onguSpikes kule noveli?.

(02)

2.8 Chaza imbangela yokuthi uLetheni ethuke uma ebona umama kaThembekile
uMaThabethe aze aquleke. (02)

2.9 Uyavumelana yini nokuthi le noveli iphela ngovuthondaba? Sekela

impendulo yakho. (03)

2.10 Phawula ngempumelelo yombhali ekwethuleni umyalezo wokuthi akukho

okufihliwe okungayi kuvela. Bhekisa impendulo yakho kumlingiswa (03)

onguThembekile nomama wakhe uMaThabethe [25]

Izimpendulo Ezilindelekile

2.1 UMsimude wayecasulwa ukuthi uThuthukani wayiphika ingane yakhe, qede

wanyamalala useze uvela manje.. (02)
2.2 Ludalwa ukuthi uThuthukani ubecela ukuthumela abakhongi bazomkhongela
uThembekile babuye bahlawule nangecala lokukhulelisa uThembekile (03)

eminyakeni eminingi eyedlule. UMsimude iyamdina le ndaba, uMaThabethe

uzama ukumxolisela.

2.3 Esiphethweni salesi siqeshana uMsimude ugcina emvumela umkhakhe ukuthi (02)
akuphuthunywe kuyiwe eThembisa kuyothungathwa uThembekile njengoba
ethunjiwe.

2.4 Umoya otholakala emagameni abhalwe ngokuqgamile umoya wokuthukuthela, (02)

uMsimude ucasulwa ukuthi uThuthukani uthi ufuna ukuzohlawula ingane kanti
wayeyiphikile.

2.5 UThembekile ubezocelwa uThuthukani, uma emvakashela kwakhe ufica

uThuthukani noLetheni beseshaweni. Wacasuka wabuyela ekhaya. Uma (03)
uThuthukani emlandela ekhaya ethi uzama ukumchazela umthela ngamanzi.
UThuthukani ugcina emvumela uLetheni ukuthi alale bese evuka ngakusasa
ahambe. Uthe esehamba uLetheni azithele kuThembekile ethi ugibela itekisi
nezimpahla zakhe zonke, wabe esemphoqa ukuthi ahambe naye.

2.6 Bobabili abathembekile, uThembekile usabambele uThuthukani igqubu

lokuthi wamkhulelisa waphika, kodwa manje uzenza omthandayo, kanti (03)

naye uLetheni akathembekile, uhluleke ukuziphatha waze washiya

uThuthukani, namanje njengoba ethumbe uThembekile uyishaya emuva
ayishaye phambili uqhatha oSpike noRazor namaphoyisa..

2.7 Inhloso yombhali yokusebenzisa umlingiswa onguSpikes ukuxwayisa abantu

abasha ukuthi abaziphathe kahle ngoba alikho ikusasa ebugebengwini. (02)

uSpike ubaleke ekhaya kubo emncane wakhetha impilo yobugebengu.

2.8 ULetheni wethuswa ukubona umama owantshontsha ingane yakhe, lokhu
kuholela ekudalulekeni kwemfihlo uMsimude abengayazi ukuthi kanti uSpike (02)

akasiyo ingane yakhe.

2.9 Yebo ngiyavumelana ngoba isigameko esiyivuthondaba, sithola ukuthi

amaqiniso onke ephuma obala. uSpike okade abhunguka ekhaya (03)

kuyatholakala ukuthi kanti uMadoda ingane kaMathabethe noMsimude.

uThembekile naye kade wabhunguka ekhaya ngakho akakwazanga ukubona
ukuthi kanti sonke lesi sikhathi ubethunjwe ngumfowabo omncane.
Esajabula uMsimude ukuthi waze wayithola indodana yakhe , kuvela ukuthi
lo Spike indodana kaLetheni noThuthukani eyantshontshwa uMaThabethe.
uMaThabethe uyawa uyashona emva kokuphuma kwaleli qiniso.
uThembekile ukhombisa uThuthukani ingane yakhe ayiphika uSphesihle.

2.10 Umbhali uphumelelo kahle ukukhombisa ukuthi akukho okufihliwe okungayi

kuvela ngoba ekugcineni sithola zonke izimfihlo zivela obala. Ubuphixiphixi (03)

bukaLetheni eqhatha izigebengu asebenza nazo namaphoyisa, Uyamangala [25]

uLetheni ukuthola umama owantshontsha ingane yakhe, aphinde ethuswe

ukuthi isigebengu uSpike asidayise emaphoyiseni kanti ingane yakhe.
uMathabethe ubefihlile ukuthi wantshontsha ingane kodwa le mfihlo
isidaluleke ngesikhathi esibi okwenza ukuthi uMaThabethe agcine eshona.
Nezinye izimpendulo ezinembayo ziyokwemukelela.

IPHEPHA LOKU-1

Umsebenzi
Izifo Ezingalapheki

Ziningi izifo ezingelapheki ezihlasela abantu kulesi sikhathi sanamuhla.

Kulezi zifo singabala isifo sikashukela, isifo sofuba, isifuba somoya, isifo
senhliziyo umdlavuza kanye nengculazi. Ezinye zalezi zifo ziyathathelana.
Isifo sikashukela sidalwa ukungasebenzi kahle kwendlala ebizwa
ngokuthi amanyikwe. Le ndlala ikhipha ihomoni ebizwa ngokuthi i-insulini 5
okuyiyona evimbela ushukela ukuthi ungabi mningi kakhulu egazini. Uma
ushukela usumningi kakhulu egazini, kuvela lezi zimpawu
eziyizinkomba zokuhlaselwa yisifo sikashukela: ukoma kakhulu ukoma
emlonyeni, ukudla kakhulu, ukuchama njalo, ukukhathala,
ukuncipha emzimbeni, ukuthuntubezeka kwamehlo kanye 10
nokuphela kwemizwa ezandleni nasezinyaweni.

Kubalulekile ukuthi uma ubona lezi zimpawu emzimbeni wakho, usheshe

ubonane nodokotela noma uye emtholampilo uyohlolwa. Uma sisheshe
satholakala egazini lesi sifo, kungcono ngoba kusheshe kusetshenziswe
imishanguzo yokusithiba singadlondlobali kakhulu. Kuyasiza ukubonana 15
nodokotela kumbe abezempilo ngoba uthola ukwelulekwa okufanele
njengokushintsha ukudla okudlayo, indlela odla ngayo nokuqala
ukuzivocavoca.

Umdlavuza esinye isifo esiyingozi kakhulu esihlasela izicubu zomzimba.

Izibalo zakamuva zikhomba ukuthi baningi abantu abaphethwe yilesi sifo 20
kuleli lizwe. Abanye babo sebeyazi ukuthi sesibangenile lesi sifo kanti
baningi abangakazi ukuthi banaso. Imbangela yokungazi ukuthi abakaze
baye kohlolwa odokotela noma emtholampilo. Kunezinhlobo ezevile ema-
200 zomdlavuza, kodwa zonke zenziwa ukukhula okungajwayelekile
kwezakhamzimba. Uma izakhamzimba zihlaselwa umdlavuza ulibofuzo 25
lwayo luyabe seluhluleka ukudlulisa umyalezo ofanele, ngaleyo ndlela
ukukhula kwezakhamzimba ezijwayelekile kuyakhubazeka bese kwanda lezi
ezinobuthi obuhlasela bubulale izakhamzimba ezijwayelekile.

Nakuba lesi sifo sinobungozi kodwa siyelapheka uma sitholakale

kusenesikhathi. Izimpawu zaso kungaba yilezi: ukuncipha ngokushesha 30
emzimbeni, ikhanda elinkenkethayo, ukusha kwezwi, ubuhlungu emphinjeni
nokuba nenkinga yokugwinya, ubuhlungu esinyeni, isigaxa noma kuyiphi
ingxenye yomzimba kanye nezilonda ezingapholi. Uma ubona lezi zimpawu
phuthuma kodokotela noma emtholampilo ngokuphazima kweso.

Umdlavuza uhlasela abantu abasemazingeni ahlukene ngokwempilo 35

nobudala. Kuyenzeka uthelelane ngokofuzo. Ungagwemeka ngokulandela
indlela enempilo yokuphila njengokwenza lokhu: ukudla ukudla okunempilo,
ukungabhemi, ukuzivocavoca, ukugwema ukungcola, ukuzivikela elangeni,
ukuhlala uzihlola kudokotela kanye nokuzibheka ukuthi akukho zigaxa yini
ezingajwayelekile emabeleni nasemakhwapheni. Uma sesikuhlasele, ikhona 40
imishanguzo esetshenziswayo ukuze kushiswe lezi zakhamzimba
esezinobuthi. Uma kuyisigaxa siyahlinzwa sikhishwe.
 Igciwane lesandulela ngculazi lidala isifo sengculazi. Lesi sifo sihlasela
kakhulu ulusha. Uma usuhaqwe yigciwane lesandulela ngculazi, igciwane
lengculazi liyahlala licashe, lilokhu libulala amasosha omzimba. k ndlela 45
umzimba wakho uba buthakathaka uhlaselwe kalula izifo eziningi. Emva
kweminyaka elishumi lingenile leli gciwane, uyaqala-ke uguliswe ingculazi.
Izimpawu zalesi sifo ziningi ngoba njengoba kusuke sekufe wonke
amasosha omzimba, umzimba usuke usulula. Kulezi zimpawu singabala
lezi: ukuvuvuka kwezindlala entanyeni, ibhande, izinsumpa esithweni
sangasese, izilonda ezingapholi, uhudo, ukujuluka ebusuku nokukhwehlela, 50
njl.

Igciwane lesandulela ngculazi litholakala ngokujwayelekile ngokwenza

ucansi olungaphephile nomuntu ongathembekile onabanye aya nabo
ocansini. Lokhu kuyayibhebhethekisa ingculazi. Kuyenzeka ulithole leli 55
gciwane komunye umuntu ngale ndlela: mhlawumbe ubulekelela umuntu
olimele ungafakile izivikela zezandla, kanti unesilonda esivulekile esandleni
bese lingena kuwe igazi lakhe. Ingane ingazalwa inaleli gciwane ilithathe
kubazali bayo.

Nakhu okufanele kwenziwe ukuvikela ukubhebhetheka kwaleli gciwane: 60

Ukuzithiba ungayi ocansini, ukwethembeka kumaqondana wakho,
ukusebenzisa ijazi lomkhwenyana kanye nokugqoka izivikela zezandla uma
uhlenga omunye umuntu.

Nakuba lesi sifo siyingozi kodwa kuyaphileka naso uma udla ukudla
okunempilo, uzivocavoce, udle imishanguzo yengculazi njalonjalo. Baningi 65
abaphila naso lesi sifo abangabonakali ukuthi banaso, bazisebenzela kahle,
futhi bathola nemishado. Abanye sebathola ngisho abantwana abangenaso
isifo sengculazi. Kubalulekile ukuthi abantu baye kohlolwa igazi ukuze
bazazi noma basemsulwa noma sebehaqekile yileli gciwane. Ingculazi
nakuba lingakatholakali ikhambi lokuyelapha kodwa likhona ithemba okuthi 70
ngelinye ilanga iyolapheka.

Bakwethu asingazibulali singakafiki isikhathi ngokungazinakekeli sibeke

impilo yethu engozini. Singakhohlwa ukuthi ikusasa umathandwa
ukwenzelwa.

Imibuzo

1.1.1 Nikeza isifo esisodwa esithathelanayo. Bhekisa impendulo yakho (1)

esigabeni sokuqala.

1.1.2 Shono izimpawu ezimbili eziyizinkomba zesifo sikashukela. (2)

1.1.3 Fingqa isigaba sesithathu ngamaphuzu AMATHATHU

ngongakwenza ukuvikela isifo sikashukela.
 (3)

1.1.4 Nikeza okufanayo mayelana nesifo sikashukela nesifo somdlavuza. (2)

1.1.5 Khetha impendulo okuyiyona kulezi ezilandelayo:

Ukuphazima kweso kusho………...

A Ukwenzeka ngokudlulele.

B Ukwenzeka kancane.

C Ukwenzeka ngokushesha.

D Ukwenzeka ngokungafani. (1)

1.1.6 Yini inhloso yombhali yokubhala lesi siqephu? (2)

1.1.7 Ucabanga ukuthi yiliphi iqhaza elingabanjwa uHulumeni

ekwelekeleleni abantu abanezifo ezingalapheki? Sekela impendulo
(3)
yakho.

1.1.8 Kungaba namuphi umphumela ukwanda kwabantu abanezifo

ezingalapheki?
(2)

1.1.9 Uyavumelana noma uyaphikisana namazwi asemugqeni wama-47

kuya kowama-48 athi emva kweminyaka eyishumi lingenile leli
gciwane uyaqala uguliswe ingculazi.
(2)

1.1.1 Phawula ngempumelelo yombhali ekusebenziseni isimo

0 sokukhuluma esidwetshelwe emgqeni wokugcina.
(2)

KANYE
UMBHALO B
1.2 Bukisisa izithombe ezilandelayo bese uphendula imibuzo ezolandela

1.2. Bala okubili okubona esithombeni sesi-2. (2)

1
1.2. Chaza kafushane okwenzeka esithombeni soku-1. (2)
2
1.2. Qhathanisa okubona kwenzeka esithombeni sesibili kumbhalo B
3 nokufunde esigabeni sesithupha kumbhalo A
(4)
1.2. Phawula ngomphumela omuhle wokubambisana komphakathi
4 nabezempilo. Bhekisa esithombeni soku-1.
(2)
[10]
Uhla lwezimpendulo/Umhlahlandlela
1.1.1 Isifo sengculazi /Isifo sikashukela/ Isifo sofuba/ Umdlavuza/
Isifo senhliziyo
(Noma ikuphi okukodwa kwalokhu okungenhla) (1)
1.1.2  Ukoma kakhulu
 Umlomo owomile
 Ukuchama njalo
 Ukudla kakhulu
 Ukukhathala
 Ukuncipha emzimbeni
 Ukuthuntubezeka kwamehlo
 Ukuphela kwemizwa ezandleni nasezinyaweni
 (Okubili kwalokhu okungenhla) (2)
1.1.3  Ukuya emtholampilo.
 Ukuphuthuma koDokotela kusenesikhathi.
 Ukusebenzisa imishanguzo ngendlela oyalelwe ngayo
abezempilo. (3)
1.1.4 Okufanayo indlela lezi zifo ezithathelana ngayo. Zombili lezi zifo
zitholakala ngolibofuzo
(2)
1.1.5 C / Ukwenzeka ngokushesha
(1)
1.1.6 Inhloso yombhali ngokubhala lesi siqephu
ukusiqwashisa/ukusixwayisa ngobungozi bezifo ezingalapheki
nokuthi singazigwema kanjani.
(Nezinye izimpendulo ezinembayo ziyokwamukeleka) (2)
1.1.7 Ngicabanga ukuthi iqhaza elingabanjwa uHulumeni ekulekeleleni
abantu abanezifo ezingalapheki ukuthi enze umkhankaso
wokubafundisa ngalezi zifo bese kutholakala nemishanguzo
enhlobonhlobo
(Nezinye izimpendulo ezinembayo ziyokwamukeleka) (3)
1.1.8 Umphumela ongaba khona ukuthi abantu abangasebenzi banganda
bese kuba nokwehla komnotho ezweni kwande nezintandane.
(Nezinye izimpendulo izinembayo ziyokwamukeleka)
(2)
1.1.9 Ngiyavumelana ngoba isifo sengculaza asithi sikungena sikugulise,
kuqala kube isandulela ngculazi uqala ube nesandulela kuyima
ugula.
NOMA
Angivumelani ngoba isandulela ngculazi kuya ngokuthi sifice
amasosha omzimba eqine kangakanani egazini lomuntu uma sifice
engaqinile kahle singashesha simgulise umuntu kunalesi sikhathi (2)
esishiwo umbhali.
1.1.10 Umbhali uphumelele kahle ukusebenzisa isimo sokukhuluma esithi
ikusasa umathanda kwenzelwa. Lesi isaga esichaza ukuthi ukuze
ikusasa lakho uphile kade kumele uzibhekelele/uzinakelele wena
njengoba nombhali esho ukuthi singabulawa ukungazinakekeli. (2)
1.2
1.2. Abantu abagijimayo/abazivocavocayo
1
Owesifazane okhombayo
Izithelo ezinhlobonhlobo
Inyama
(Okubili kwalokhu okungenhla) (2)
1.2. Okwenzeka esithombeni soku-1 kukhona isiguli esilele embhedeni
2 bese kuba umhlengikazi/unesi osisizayo.
(2)
1.2. Okushiwo umbhali esigabeni sesithupha kumbhalo A kuthi
3 okungasiza umuntu onezifo ezingalapheki ukuzivocavoca, ukudla
ukudla okunempilo kanjalo kumbhalo B sibona ubantu
abazivocavocayo kanye nokudla okunempilo. (4)
1.2. Umphumela omuhle wokubambisana kwabezempilo nomphakathi
4 kungaba okulandelayo:
Ukuncipha kwezifo ezithathelanayo emphakathini
Umphakathi ophilile/oyimiqemane
Umphakathi ozinakekela ngezempilo
Ukugwemeka kwezintandane
(Nezinye izimpendulo ezinembayo).
(2)

IMIYALELO
1. Fingqa lesi siqeshana esimayelana nezinkinga ezidalwa ukuntuleka kwamanzi
eNingizimu Afrika usebenzise amagama akho angedluli kwangama-70.
2. Fingqa ngesigaba.
3. Ungabe usasibhala isihloko uma usufingqa lesi siqeshana.
4. Bhala inani lamagama owasebenzisile ekugcineni kwesiqeshana osifingqile.
UMBHALO C (Ofundwayo)
 IZINKINGA EZIDALWA UKUNTULEKA KWAMANZI ENINGIZIMU
AFRIKA
1
Izwe laseNingizimu Afrika libhekene nenkinga yokuntuleka kwamanzi.
Lokhu kudalwa ukungani kwemvula ezweni lonke ikakhulukazi ezindaweni
zasemakhaya. Ekugcineni kuba nemiphumela emibi empilweni yabantu,
ezilwaneni nasezitshalweni
2
Ukuguquka kwesimo sezulu okudalwa ukungcoliswa komoya kunomthelela
kulokhu kuntuleka kwamanzi. Konke okusemhlabeni kudinga amanzi
ukuze impilo iqhubeke. Ingxenye enkulu yomzimba womuntu yakhiwe
ngamanzi. Ukungawatholi amanzi anele kwenza umuntu ancishelwe
amanzi emzimbeni. Lokhu kudala izifo eziningi kanye nokufa imbala. Uma
imvula ingani, imithombo yamanzi egcina amanzi efana namadamu
nemifula, iyoma nkwe bese kuba nesomiso.
3
Amazinga aphezulu okushisa kwelanga amunca amanzi asemhlabathini.
Konke okutshaliwe okulusizo kuyafa noma kungamili kahle. Ukufa
kwezitshalo kunomthelela wokuphela kwendalo kanti impilo incike kakhulu
kokutshaliwe. Izizukulwane zingagcina zingazazi ezinye zezihlahla
zendabuko Izilwane zidinga ukuphuza amanzi ukuze ziphile. Izinhlanzi,
izingwenya nezinye izilwane ezihlala emanzini zisebenzisa amanzi
njengamakhaya azo. Ukuphela kwamanzi kwenza zife ubuthaphuthaphu
nesibalo sazo sinciphe. Izilwane ezikhiqiza ubisi nenyama nazo
ziyathinteka bese kuba nomthelela omubi kubantu.
Izikole ngezinye zezindawo ezikhahlanyezwa ukungabi khona kwamanzi. 4
Abafundi nothisha babhekana nezinkinga uma kufanele basebenzise
izindlu zangasese noma befuna ukuphuza amanzi. Kwesinye isikhathi
basuke bedinga nokuhlamba izandla emva kokubuya ezindlini zangasese.
5
Amahlelo athile ezenkolo nawo futhi adinga amanzi amaningi
ukubhabhadisa amakholwa nokwenza inqubo eqondene namabandla awo.
Kuba nzima ukubhabhadisa amakholwa uma sekushe amadamu nemifula
abayisebenzisayo.
6
Izinkampani kanye namabhizinisi kungavalwa ngenxa yokwentuleka
kwamanzi. Izibhedlela zona zithinteka kakhulu ngoba amanzi ahambisana
nezempilo. Amanani okudla, iziphuzo, nokunye ayakhuphuka ngenxa
yokwentuleka kwamanzi.
7
Asiwonge amanzi ukuze siphile impilo engcono nenenhlanzeko.

Amaphuzu Acashuniwe Amaphuzu owabeke ngamagama akho

1. Ukungawatholi amanzi anele 1. Ukungabi bikho kwamanzi enele
kwenza umuntu ancishelwe amanzi kwenza umzimba wome.
 emzimbeni.

2. Uma imvula ingani, imithombo 2. Ukungani kwemvula kwenza, izindawo

yamanzi, amadamu nemifula iyoma. okutholakala kuzo amanzi zome.

3. Konke okutshaliwe okungusizo 3. Izitshalo eziningi esizidingayo ziyasha

kuyafa noma kungamili kahle. ziphele nya.
4. Ukuphela kwamanzi asetshenziswa 4. Ukuntuleka kwamanzi kunganciphisa
izilwane kwenza isibalo sazo inani lezilwane nemikhiqizo yazo.
sinciphe.

5. Izinkampani namabhizinisi 5. Amabhizinisi angakhahlamezeka

kungavalwa ngenxa yokwentuleka ngenxa yokwentuleka kwamanzi.
kwamanzi.
6. Abafundi nothisha babhekana 6. Ukuntuleka kwamanzi ezikoleni kuba
nezinkinga uma kufanele nomthelela omubi izikole zingakwazi
basebenzise izindlu zangasese ukusebenza kanjalo nasemasontweni
noma befuna ukuphuza amanzi
kanye nokuhlamba izandla
7 Ukudla, iziphuzo nokunye 7. Kuba khona ukukhuphuka kwamanani
kuyakhuphuka ngenxa yokuthi imali okungakholeki kwalokho okuwukudla
eningi isetshenziselwa izindlela neziphuzo ngenxa yokuntuleka
zokuthola amanzi. kwamanzi.

ISIGABA
Ukungabi bikho kwamanzi enele kwenza umzimba wome okungadala izinkinga
eziningi emzimbeni womuntu. Ukungani kwemvula kwenza izindawo okutholakala
kuzo amanzi zibe nesomiso esikhulu. Izitshalo esizidingayo ziyasha ziphele okudala
ezinkulu izingqimba ngoba ziyisidingo empilweni. Ukuntuleka kwamanzi
kunganciphisa inani lezilwane nemikhiqizo yazo njengoba kuyiwo amanzi eziphila
ngawo. Izindawo zokusebenza namabhizinisi kungavalwa kuphele nemisebenzi.
Ukungabi bikho kwamanzi kuletha izingqinamba ezikoleni, emasontweni kanye
nasezibhedlela. Okudliwayo nokuphuzwayo kugcina sekumba eqolo konke lokhu
kube kungenxa yokuntuleka kwamanzi
Inani Lamagama: 70
UKUHLAZIYA ISIKHANGISI

AMASU/AMAKHONO

 Amagama abhalwe ngosonhlamvukazi

 ulimi olunxenxayo noma olukhohlisayo
 Izisho, izaga, ukukhethwa kwamagama njll.,
 isiqubulo
 ifonti (enkulu, encane, etshekile, egqamisiwe)
 izimpawu (icons) (isib. uphawu lokubabaza njll.
 R (Umkhiqizo okuyiwona wona

IZINHLOBO ZESIKHANGISI
 Imikhiqizo
 imisebenzi edluliswayo
 ezemidlalo nokungcebeleka
 Izaziso (ezemigcwabo)
 ukubhida njll.

Umsebenzi 7

Fundisisa lesi sikhangisi esingazenzi bese uphendula imibuzo

Imibuzo

3.1 Gagula igama lomkhiqizo okhangiswayo. (1)

3.2 Nikeza imisebenzi EMIBILI eyenziwa ilo mkhiqizo osesikhangisweni (2)
3.3 Khetha impendulo enembayo kulezi ozinikeziwe
Igama ungqaphambili lisho: ……………
A.Ukuba umpetha
B.Ukuhamba phambili
C.Ukufika kuqala
D.ukuphumela obala (1)
3.4 Ucabanga ukuthi umbhali walesi sikhangisi ukwazile yini ukusebenzisa
amasu anhlobonhlobo ukukhangisa lo mkhiqizo? (2)
Kanye
Imibuzo

3. Sibhekiswe kobani lesi sikhangisi? (1)

5
3. Phinda ubhale lo mshwana ongezansi usebenzise ubhalomagama
6 olwemukelekile.
“Ukubhalisa kuvalwa ngomhlaka 14” (1)
3. Phawula ngokusetshenziswa kolimi kulesi sikhangisi. (2)
7

Uhla lwezimpendulo/Umhlahlandlela
3.1 Umkhiqizo okhangiswayo uMndeni skin care (1)

3.2 Lo mkhiqizo okhangisiwe wenza umsebenzi wokuqeda umbandamu,

i-eczema,ukuqubuka kanye nebhande.
(okubili kwalok (2)
hu)
3.3 B/ Ukuhamba phambili (1)

3.4 Umbhali ukwazile ukusebenzisa amasu anhlobonhlobo okukhangisa

ngoba usivezele ifonti enkulu nencane/izithombe/ulimi olunothile
“ungqaphambili” Kanye/ nezindlela zokuxhumana ezahlukene. (2)

3.5 Lesi sikhangisi sibhekiswe kulabo abafisa ukufundela ubunjiniyela

nezifundo zamabhizinisi eRichfield. (1)

3.6 Ukubhalisa kuvalwa mhla ziyi-14 (1)

3.7 Umbhali usebenzise kahle ulimi olukhohlisayo”mahhala”okusho ukuthi

awukhokhi lutho kanye nolimi olunxenxayo”thatha imfundo yakho
uyibeke ezingeni eliphakeme” okusho ukuthi bazothola imfundo
engcono kakhulu kunaleyo enikezwa ngezinye izikhungo zemfundo. (2)

Umsebenzi 8
Bukisisa le khathuni engezansi bese uphendula imibuzo elandelayo

Imibuzo
3.1 Yini ekhangiswayo kulesi sikhangisi? (1)
3.2 Phinda ubhale igama lenyanga kaNovemba ngesiZulu. (1)
3.3 Chaza kafushane ngokusetshenziswa kwefonti enkulu esihlokweni (2)
salesi sikhangisi
3.4 Ngabe izivakashi zingayithola kanjani le ndawo? (2)
3.5 Ucabanga ukuthi lesi sikhangisi singabasiza kanjani abantu abaphila (2)
kulesi sikhathi samanje?
3.6 Phawula ngekhono lombhali ekusebenziseni amasu okukhangisa. (2)

Uhla lwezimpendulo/ Umhlahlandlela

3.1 Kukhangiswa indawo yokuvakasha/ yokuchitha amaholidi/ (1)
yokungcebeleka eKuphumuleni Lodge.

3.2 Inyanga kaLwezi. (1)

3.3 Ifonti enkulu isetshenziselwe ukuheha izivakashi/ abantu abathanda (2)
ukungcebeleka.

3.4 Izivakashi zingayithola le ndawo ngokusebezisa inombolo yocingo

08616677123/i-email reserveationsel.@telkomsa.co.za/ iwebsite
www.ekuphumulenilodge.co.za.
(Umfundi anganikeza okubili kwalokhu okungenhla)
(2)
3.5 Ngicabanga ukuthi lesi sikhangisi singabasiza abaphila esikhathini
samanje ngokuthi uma befuna ukuphumuza imizimba yabo kanye
nemiqondo emva kokusebenza kanzima/ uma befuna ukuchitha
isikhathi bakhe ubudlelwano obuhle. (2)
3.6 Umbhali uphumelele kahle ukusebenzisa amasu okukhangisa. Umbhali
usebenzise ifonti enkulu esihlokweni sesikhangisi sakhe ukuheha
abavakashi, isithombe esiveza abantu abathokozile bepholile, ulimi
olunxenxayo oluthi nihlala nibabili kukhokhe oyedwa nezingane zidla (2)
mahhala. Ukunikeza izindlela ezahlukene zokuxhumana.

IKHATHUNI
IYINI IKHATHUNI?

• Ikhathuni umdwebo odlulisa umyalezo noma yethula amaqiniso ngendlela

ehlekisayo.
• Ibeka umbono noma ngani esematheni ezindabeni.
• Iveza ubuthaka bomuntu, abantu abathile noma umphakathi.
• Ingaba nesithombe kuphela noma isithombe sihambisane nombhalo.
• Imidwebo iba yihaba okungaba ikhala noma amehlo amakhulu
• Iyabhinqa/ uteku/ukubhuqa noma ukulingisa ngokubhuqa
• Uma kuyikhathuni yepolitiki/ yosaziwayo/ yomdlali odumile inhloso ukwehlisa
isithunzi sakhe.

Amakhomikhi striphi (comic strips)

• Isebenzisa abalingiswa
• Imayelana nezehlakalo zemihla ngemihla
• Yethulwa ngamabhokisana axoxa indaba
• Iveza ubuthaka bomuntu /abantu abathile noma umphakathi
• Inhloso ukuhlekisa, ibuye ijabulise
• Indaba inesingeniso, umzimba nesiphetho (Iba nengwijikhwebu)
Okumele kuqashelwe kumakhathuni
• Umdwebo/ imidwebo iba sebhokisini
• Izinhlamvu zokubhala ezincane zisetshenziselwa ukugcizelela okuthile.
• Inkulumo iba phakathi kwamabhaluni
• Kungaba nesihloko esichaza indaba (caption)
• Ifundisa ngemifanekiso zithombe (pictorial)
• Inkulumo-mpendulwano yethula imizwa nemicabango yomlobi
Izimpawu ezikhombisa amazwi aphinyisiwe kanye nemicabango angama kanje:
• Ibhaluni esamcijo ikhombisa ulaka /ukuthetha
• Isikwele esingunxande sikhombisa ukucabanga.
• Ibhaluni elinolayini ogcwele (solid) limele inkulumo eyejwayelekile
• Ibhaluni elinolayini ongamadothi (dotted) limele ukuhebeza /ukuhlebeza
• Ibhaluni elinolayini odlavukile (jagged) limele ukumemeza
• Ubukhulu befonti buhambelana nobukhulu bomsindo wempimiso
• Izimpawu ezinjenge glob likagesi likhomba umbono ophusile, ifulegi noma ibheji
likhomba ezombusazwe.
• Isithombe simele okubonwayo.
• Amagama amele amazwi.
• Bheka abalingiswa kanye nesizinda.
• Abalingiswa bavezwe ngendlela eyejwayelekile noma bayihaba
• Bheka isimo sobuso sabalingiswa isimo somzimba sinabudlelwano buni
nomlingiswa.
• Bheka isizinda
• Ngabe ikhathuni ikhuluma ngamaqiniso noma umzekeliso.
Umsebenzi 9

UKUHLAZIYA IKHATHUNI

UMBHALO E (OFUNDWAYO NOBUKWAYO)

Bukisisa le khathuni engezansi bese uphendula imibuzo elandelayo.

Imibuzo
4.1 Shono indawo laba ababili abatholakala kwisithombe / kwifremu yoku-1? (2)
Sekela impendulo yakho.
4.2 Chaza kafushane ubuqiniso ngokwenzeka kule khathuni. (2)
4.3 Khetha impendulo enembayo kulezi ezilandelayo. (1)
Isimo sokukhuluma esibhalwe ngokugqamile kwifremu yesi-2 ushaye wavala
sisho:
A Ukudla kancane.
B Ukudla kakhulu.
C Ukudla uqede.
D Ukudla izibiliboco.
4.4 Kungabe okushiwo kwisithombe/kwifremu yesi-3 kunabudlelwano buni (3)
nesimo somlingiswa ohleli phansi ?
4.5 Phawula ngomyalezo odluliswa yile khathuni. Bhekisa impendulo yakho (2)
kwisithombe /kwifremu yesi-4.

4.1 Base restorenti yaseThatha noma endaweni yokudlela ngoba uLucy

uchazela ucela ngezinhlobo abanazo erestoranti yaseThatha ukuze
afake i-oda lakhe. Indlela uLucy agqoke ngayo iyakhombisa ukuthi
usebenza erestorenti. Itafula ucele ahleli kulona elinebhodlela kanye
(2)
neziqholo zokudla.

4.2 Ubuqiniso obenzeka kule khathuni ukuthi abantu kuyenzeka bafike (2)
erestoranti bafake i-oda, badle noma bengenayo imali ephelele

4.3 C Ukudla uqede. (1)

4.4 Okushiwo esithombeni sesithathu kunobudlelwano obuhle nesimo
somlingiswa ohleli phansi onguCele ngoba ukhombisa isimo
sokukhathazeka useze wabeka nesandla esidlathini kanye nesimo
sobuso bakhe esiveza ukudangala kanti noLucy
 usecasukile/usethukuthele useze ubikela imenenja ukuthi uCele
akanayo imali yokukhokhela ukudla.
(3)
4.5 Umyalezo odluliswa ikhathuni efremini yesi-4 ukuthi uma wonile wase
uveza ukuzehlisa /uzithobe bese uyaxolisa uyibeke yonke inkinga/usizi
lwakho kungenzeka uluthole usizo njengoba sibona uCele exolisa ebika
lonke usizi lwakhe wase ethola ukuxolelwa kanye nomsebenzi.
(2)
(Nezinye izimpendulo ezinembayo)

Umsebenzi 10

Imibuzo
4. Yisho okwenzeka kule khathuni. (2)
1
4. Nikeza umuzwa oqukethwe yilaba abasesandleni sokudla. (2)
2
4. Iyini inhloso yalo mdwebi yokubhala le khathuni? Bhekisa kowesilisa (2)
3 ohleli phansi.

4. Chaza kafushane uteku olwethulwa inkulumo yalaba abasesandleni (2)

4 sobunxele.

4. Phawula ngokusetshenziswa kwegama ngokutheleka ukuthi limveze (2)

5 njengomuntu onjani uMongameli waseCuba.
Uhla lwezimpendulo/ Umhlahlandlela
4. Okwenzeka kule khathuni: (2)
1
● Ukufika kukaMengameli wase Cuba,

● Ukuqhuma kukamakhalekhukhwini wentatheli kwasaphazeka

izinsiza kusebenza phansi,

● Ukubaleka kwezithandani ngokubona umakhalekhukhwini

ushunqa intuthu.

(Shono okubili kwalokhu)

4. Umuzwa oqukethwe yilaba abasesandleni sokudla umuzwa (2)

2 wokwethuka ngoba bahlahle amehlo, bacabanga ukubaleka njengoba
bebona intuthu emva kokuqhuma kukamakhalekhukhwini.

4. Inhloso yomdwebi yokubhala le khathuni ukuveza ukuthi izintatheli (2)

3 zigcina sezifaka impilo yazo engozini ngenxa yokuphuthuma ukuqopha
izindaba ezintsha zize zikhohlwe ukuqikelela ukuphepha kwazo.
4. Uteku olwethulwa inkulumo yalaba abasesandleni sobunxele,olokubuza (2)
4 ukuthi kazi ulimi lwakhe alushanga yini, kuveza ukuthi akanendaba
nesimo intatheli ekuso kodwa ukhathazeke ngolimi oluzosebenza uma
isimethula.
4. Ukusetshenziswa kwegama “ngokutheleka” limveze njengomuntu (2)
5 okhathalele indlela amanxusa aseCuba asebenza ngayo ezweni
laseNingizimu Afrika. Ukuqinisekisa ukuthi abantu baseCuba
abahlukumezeki yini eNingizimu Afrika.
Umsebenzi 11

Bukisisa UMBHALO E bese uphendula imibuzo elandelayo

Imibuzo

4. Yini okukhulunywa ngayo esithombeni sokuqala? (2)

1
4. Nikeza okungumehluko phakathi komuntu ojimayo esithombeni sesi-2 (2)
2 kanye nosesithombeni sesi-3.
4. Ucabanga ukuthi unkulumo yalaba ababili abasesithombeni soku-1 ibe (2)
3 namthelela muni kulo wesifazane obelalele?
4. Ngabe umdwebi wale khathuni uphumelele yini ukusidlulisela (2)
4 umlayezo?
4. Humusha ulimi olubhalwe ngokugqamile esithombeni sesi-2. (2)
5

Uhla lwezimpendulo/Umhlahlandlela
4. Kukhulunywa ngemikhabakazi ehlasele bonke abantu. (2)
1

4. Okungumehluko-indlela yokuziphatha osesithombeni sesi-2

2
Akayilandeli imithetho yokujima,umile futhi ungena nokudla
osesithombeni sesi-3 ubukeka ezimisele ejima ngokuzimisela futhi (2)

uphethe amanzi kuphela

4. Inkulumo yalaba ababili abasesithombeni soku-1 ibe nomthelela

3 omuhle ngoba lo wesifazane ngemva kokulalela inkulumo kaBhoza (2)
noMasaka ube esethatha isinqumo sokuyozivocavoca.

4. Umdwebi wale khathuni uphumelele ukusidlulisela umlayezo othi:

4 akukuhle ukuba nomkhaba noma ngabe ungowabuphi ubulili,
esithombeni sesi-2 nesesi-3 sibona owesilisa nowesifazane bethatha (2)
isinyathelo sokuyojima ukuze banciphise imikhaba.

4. Ulimi olubhalwe ngokugqamile olusetshenzisiwe, isisho esithi

5 ‘ukushaya indiva’, okusho ukungabi nandaba. Lokhu okusho ukuthi
uMasaka akanendaba nokulandela imithetho yasejimini njengoba (2)
engene nokudla/ lokhu kusho ukuthi uMasaka akazi ukuthi kufanele
adle kanjani ukuze umkhaba wakhe unciphe.

Umsebenzi 12
Bukisisa UMBHALO E bese uphendula imibuzo elandelayo

Imibuzo
4.1 Yikuphi okukhombisa ukuthi laba ababili basendlini kadokotela? (1)

4.2 Chaza kafushane isimo sokukhuluma esisenkulumeni kaZikode. (2)

4.3 Sebenzisa igama elichazayo ‘oqotho’ emshweni wakho ozakhele wona. (2)

4.4 Ngokuzwa inkulumo kaZikode kungani ezobonana nodokotela wengqondo?

(psychologist) (2)

4.5 Ngabe umdwebi wale khathuni uphumelele ukudlulisa umyalezo wakhe?

Sekela impendulo.

Uhla lwezimpendulo/Umhlahlandlela
4. Okukhombisa ukuthi basendlini kadokotela (1)
1 inkulumo kaZikode / isitulo ahlezi kuso /amaphepha alahlwe phansi.
(okukodwa kwalokhu)
4. Isimo sokukhuluma ‘ ngiswele umgodi wokucasha’ isisho sichaza ukuthi
2 akazi ukuthi enzenjani.
(2)

4. Umusho: Umuntu oqotho ubonakala ngezenzo zakhe. / UNompumelelo

3 ngumuntu oqotho ngoba wamnikeza imali yakhe eyayilahlekile. (2)
4. UZikode uzobonana nodokotela wengqondo ngoba enenkinga
4 yokuthatha ngozwane/ yokweba (2)

4. Umdwebi wale khathuni uphumelele ukusidlulisela umyalezo othi,

5 Abantu besilisa abathandi ukubonwa bekhala ngoba bakholelwa
ekutheni awuyona indoda ngokuphelele uma ukhala. Sibona ngesitulo
sikazikode esihleli safulathela esikadokotela.
(2)

Umsebenzi 13

Bukisisa UMBHALO E bese uphendula imibuzo elandelayo

4. Yikuphi OKUBILI okukhombisa ukuthi laba balingiswa abakule khathuni (2)
1 bayaxoxa.

4. Chaza kafushane uteku olwethulwa umdwebi wale khathuni ubhekise

2 kumlingiswa ongumfana.
(2)

4. Khetha impendulo enembayo ngegama elimqondophika naleli

3 elidwetshelwe , ‘Umklinyelani ubaba ’
A. Umphululelani
B. Umkhululelani
C. Umshayelani
D. Umbuyiselani.
(1)
4. Humusha inkulumo eyethulwa umlingiswa ongumfana esetshenziswe
4 umdwebi wale khathuni. (2)

4. Ngabe umdwebi wale khathuni uphumelele ukudlulisa umyalezo

5 wakhe? Sekela impendulo. (2)

Uhla lwezimpendulo/Umhlahlandlela
4. Okubili okukhombisa ukuthi laba balingiswa bayaxoxa : (2)
1 * Uhlobo lwesibiyelo olunomcibisholo umdwebi alusebenzisile
* Umlomo womlingiswa ongumfana ovulekile.
4. Uteku olwethulwa umdwebi wale khathuni ukuthi umfana ukhuluma
2 nopetrol engathi ukhuluma nomuntu. Umfana ubuza upetrol ukuthi
(2)
kungani eklinya uyise ekubeni engenamoto futhi engasebenzi.
4. B / Umkhululelani (1)
3

4. Inkulumo eyethulwa umlingiswa ongumfana iveza ukuthi upetrol

4 kufanele uklinye abantu abanezimoto kanye nabasebenzayo kuphela
hhayi uyise ngoba akanamoto futhi akasebenzi. (2)
4. Umdwebi uphumelele kahle ukudlulisa umyalezo wale khathuni othi,
5 uma upetrol ukhuphuka umuntu onemoto nongenayo, osebenzayo
nongasebenzi uyathinteka ngoba kugcina kwenyuka zonke izidingo
zempilo. (Nezinye izimpendulo ziyokwamukeleka.
 (2)

ISIQEPHU E

IZAKHIWO NEZIMISO ZOKUSETSHENZISWA KOLIMI

 Leli khono kumele ulifundise ngokudidiyela ubheka amanye amakhono.
Yingakho-ke kubafundisi abaningi kuyinkinga ukuthi bakwazi ukufundisa
izakhiwo nezimiso zokusetshenziswa kolimi.
 Izakhiwo nezimiso zokusetshenziswa kolimi zehlukene kathathu:

Ukuthuthukiswa kolwazimagama
Kule ngxenye kusuke kusabhekwa ukuqonda amagama anhlobonhlobo
asetshenziswa olimini lwesizulu. Okumele kuqashelwe ukuthi kule ngxenye
akukabhekwa ukwakheka kwamagama. Kuphela nje kwandiswa ulwazi
lwamagama okuzokwenza ugcine usungungoti olimini lwesiZulu. Amanye
amagama aye abhekwe kule ngxenye yilawa alandelayo:
 Omabizwafane
 Amagama amqondophika
 Amagama amqondomningi
 Igama elilodwa elimele ibinzana
 Amagama ahambisanayo- isibonelo inkukhu nempaka; inja nekati.
Kuzokhumbuleka ukuthi olimini lwesiZulu la magama isikhathi esiningi agcina
wona esakha izimo zokukhuluma
 Ukuhlolisisa ukuthi amagama asuselwa kwamanye amasiko/ayimfakela
anamthelela muni emathekisthini
 Ukukwazi ukubona inkulumo eqhathanisa izehlakalo ezedlule, umlando,
inkolo, imibhalo yobuciko, njl.

Izakhiwo zemisho
Izakhiwo zemisho kubhekwa kakhulu ukusetshenziswa kwamagama emishweni
(izingcezu zenkulumo) kanye nokwakhiwa kwemisho.
Usobizo
Ibizo
 Izakhi zamabizo: - isiqalo
 Isiqu
 Izinhlobo zamabizo
 Umsebenzi webizo emshweni ukuba libe yinhloko yomusho okungaba umenzi
noma umenziwa.

Isibonelo: Uthisha ufundisela izingane ehholo.
Leli bizo elingenhla elibhalwe ngokugqamile lenze umsebenzi wokuba inhloko
emshweni. Lena inhloko engumenzi ngoba yiyo eyenzayo emshweni.
Isibonelo: Izingane zifundiswa nguthisha.
Kulo musho ongenhla ibizo elibhalwe ngokugqamile lenze umsebenzi wokuba
inhloko. Nakuba leli bizo lingumenziwa ngoba izingane yizona ezifundiswa
nguthisha.
Isabizwana
 Isabizwana soqobo
 Isabizwana sokukhomba
 Isabizwana sokubala/ senani

Isichasiso
Umsebenzi wesichasiso ukuchaza umenzi noma umenziwa.
Isibonelo: Abafundi abalalelayo bazophasa kahle.
Leli gama elibhalwe ngokugqamile ‘abalalelayo’ liyisichasiso. Ngakho-ke
umsebenzi waleli gama ukuchaza abafundi. Kubhekwa ukuthi yibaphi abafundi
okuyibona abazophasa kahle. Yilaba abalalelayo.
Izinhlobo zesichasiso:
 Isiphawulo
 Isibaluli
 Ongumnini – okhanyisayo
 Ongumnini woqobo
 Inani

Isilandiso
Isilandiso yisona esiqukethe umusho esizulwini. Umusho awusoze wabakhona
uma isilandiso singekho. Okubaluleke kakhulu ukuthi:
Umsebenzi wesilandiso ukulandisa emshweni.
Isibonelo: Izingane zibuka umabonakude.
Isitsha singcolile.
Isilandiso sisodwa singaba umusho. Lokhu kwenzeka ngoba isilandiso
sisebenzisa isivumelwano senhloko isikhathi esiningi.
Isibonelo:
Uyamdelela.
Leli gama elingenhla liyisilandiso futhi lingumusho ophelele. Okuqaphelekayo
ukuthi kusuke kusetshenziswe isivumelwano senhloko.
u- isivumelwano senhloko umuntu wesithathu okhulumayo- ubunye
-ya- isakhi senkathi esikhomba ukwenzeka manje
-m- isivumelwano sikamenziwa
-delela isiqu sesenzo
Isilandiso sinesibanjalo kanye nesenzo.

Isibonelo: isakhi eselulayo sesenzo “- el-”

1. UThemba ufundela umama incwadi.
2. Abafundi bafundela isiZulu ehholo.
3. UNomathemba ufundela ukuba ngumhlengikazi.

Emushweni woku-1 lesi sakhi siqukethe umqondo wokwenzela. UThemba nguye

ofundela umama incwadi. Ngakho-ke uyamenzela.
Emshweni wesi-2 lesi sakhi siqukethe umqondo wendawo. Njengoba abafundi
besunda isizulu, basifundela kuphi. Ngakho-ke kugqama umqondo wendawo.
Kanti umusho wesi-3 lesi sakhi siqukethe umqondo wenhloso noma sikhomba
isisazathu. Uphendula umbuzo othi kungani uNomathemba efunda. Inhloso
eyokuba ngumhlengikazi
Qaphela: Uma umfundi kubuzwe ngesakhi kubalulekile ukuthi abheke umusho
wonke ukuze ezokwazi ukuthola umqondo esiwuqukethe, emshweni. Hhayi
egameni lapho sisebenze khona.
Isikhanyiso
Umsebenzi wesikhanyiso ukukhanyisa isilandiso
Izinhlobo zesikhanyiso:
 Isenzukuthi
 Isandiso
 Isandiso sendawo
 Isandiso senkathi
 Isandiso sesimo
 Isandiso sokusetshenzisiwe
 Isandiso esikhomba isizathu
Isibonelo:
1. Abafundi bafundela ehholo.
2. isiZulu sizofundwa ntambama.
3. Abadlali bebhola likanobhutshuzwayo badlala kahle ibhola.
4. Ngimshaye ngebhande lesikhumba.
5. Mina ngifundela ukuba ummeli.

La magama abhalwe ngokugqamile enze umsebenzi wokukhanyisa njengoba

etshengisiwe kulezi zinhlobo ezingenhla.
Isibabazo
Umsebenzi wesibabazo ukubabaza emshweni. Abafundi kumele baqaphele
ukuthi uphawu lokubabaza kungenzeka lungenzi umsebenzi wokubabaza kepha
lwethule imizwa yalowo okhulumayo.
Isihlanganiso
Umsebenzi wesihlanganiso ukuhlanganisa umusho. Uma kusetshenziswe lezi
zihlanganiso zigcina sezenza umusho ombaxa.
Abafundi badlala ibhola kepha bayafeyila.
 Abafundi badlala ibhola
 Abafundi bayafeyila.

UMUSHO
Umusho ungumusho ngesilandiso. Ukuze kube khona umusho kumele kube
khona isilandiso.
Izinhlobo zemisho
Umusho oqondile
Unesilandiso esisodwa esisobala
Isibonelo:
1. Abafundi abakhuthele bazophasa ngamalengiso.
2. (Mina) ngiyamthanda (yena).

Umusho ombaxa
Lolu hlobo lomusho usuke unezilandiso ezingaphezulu kwesisodwa.
Isibonelo: izingane zifunda incwadi kepha azihlakaniphile.
Umusho omagatsha
Kulolu hlobo kuba khona umusho okwazi ukuzimela. Lo musho kuthiwa umusho
omkhulu. Bese kuba khona umshwana ongakwazi ukuzimela. Ongachaza
noma ukhanyise.
1. Othisha abafika sekwedlule isikhathi emsebenzini bazojeziswa.
Umusho omkhulu: Othisha bazojeziswa.
Umushwana okhonzile ochazayo: abafika sekwedlule isikhathi emsebenzini.
2. Ngimxoshile lowo mntwana ngoba akabahloniphi abantu abadala.
Umusho omkhulu: Ngimxoshile lowo mntwana.
Umshwana okhonzile okhanyisayo ngokukhomba isizathu: Akabahloniphi
abantu abadala.
Lo musho ukhanyisa okusetshenzisiwe: akabahloniphi abantu abadala.
UKUHLOLISISA INDLELA ULIMI OLUSETSHENZISWA NGAYO

• Kulekelela abafundi ukuba bakwazi ukubona kanye nokuvikela ukukhohliswa

kusetshenziswa ulimi.
• Kusebenzisa ulimi ngendlela efanelekile.
• Kwakha kanye nokuzindla kanye nabasebenzisi bolimi.
• Ukwazi ukubona amandla okusebenzisa ulimi kanye nesayensi yemicabango.
• Ukufundisa abafundi ukuthi ulimi alusetshenziselwa ukuxhumana nabanye abantu
kuphela.
• Kulekelela abafundi ukuba baqonde ngezinto ezibazungezile empilweni
abangazisebenzisa kumathekisthi.
• Kuthuthukisa ukucabanga ngobunzulu.
• Kuthuthukisa ukuxhumana, ukuqondisisa umphakathi ngokufunda indlela
efanelekile yokubona obekuqondwe inkulumo.

Incazelo eqondile negudliselayo.

Incazelo eqondile emshweni yileyo esho into esobala engadingi ukuthi kuze kujulwe
kufunakale ukuthi iqondeni.
Incazelo egudliselayo yileyo egqamisa omunye umqondo. Uthi uma uyifunda uthole
ukuthi kunomqondo omunye oqukethwe umusho lowo.

Izibonelo:
1.Ingane ilahle isicathulo sayo esisodwa. (kushiwo impahla unyawo olufakwa
kuyo-oqondile)
2.Uphakamise isicathulo wathi qhabu ecima ukoma. (kushiwo ukhanjana lotshwala
ngoba luncane ngakho lungathekiswa nesicathulo okuyimpahla yonyawo
ogudliselayo)
Bakhona kodwa abantu abadlala izigubhu emalibeni. ( abantu abadlala umculo
odumayo ngenxa yezandisi msindo ezinkulu abazisebenzisayo-ogudliselayo
ungathekisa ukuduma kwesigubhu esikhulu)

Iqiniso nombono
Iqiniso inkulumo equkethe okungenakuphikiswa, abudingeki ubugagu uma kubekwa
le nkulumo.
Umbono amazwi adinga ubugagu,owashoyo kudinga awaseke ukuze abawafundayo
/abawalalele bawabone ngendlela awasho ngayo kodwa ebe engaphikiseka.

Izibonelo:
Indlovu isilwane esikhulu kunazo zonke ezweni. (iqiniso)
Awukwazi ukweqiwa ngisho nawusuku olulodwa ekufundeni izifundo zakho uma
ufuna ukuphumelela ngamalengiso. (umbono kuyenzeka onyakeni umfundi lumeqe
usuku olulodwa noma ngaphezudlwana kwalokho engafundanga kodwa aphumelele
ngamalengiso )

Ukweqiwa nokufakwa kwamagama encazelweni.

Kunamagama eqiwayo ezinkulumeni ezithize ngenhloso yokuguqula incazelo
ngabomu noma ngephutha.

Izibonelo:
Akutshalwe izihlahla ezizovikela amanzi kumafenya. (indawo iveziwe)
Akutshalwe izihlahla ezizovikela amanzi. (indawo ayivezwanga)
Kuyenzeka amagama amanye afakwe ngoba kufanele agcizelele noma aveze
inhlonipho ethile uma eqiwe kwakheke umqondo wokwedelela.

Izibonelo:
Umame uthe ngimkhumbuze uma sekuyisikhathi sokuhamba. (Ukuhlonipha uma
ingane ikhuluma naye ngqo umame)
Uthe ngikukhumbuze uma sekuyisikhathi sokuhamba. (Igama umame leqiwe ibe
ingane ikhuluma naye ngqo umame, lokhu kukhomba ukwedelela)

Ulimi Oluvusa/oluchukuluza Imizwa

Lolu ngulimi olweneka imizwa yokhulumayo noma yobhalayo. Luyisu lokudoba
abafundayo noma abalalele ukuze imizwa yabo ithinteke njengoba umbhali noma
isikhulumi sihlosile.

Umuzwa wokuxolisa
Sixolele Simakade thina zoni ezilusizi.
Shwele Mdali!
Maluju!

Umuzwa wokudangala
Usixolele Simakade thina zoni ezilusizi.
Kuvalwe ngehlahla emizini eminingi ngenxa kamashayabhuqe.
Uhambe ngokukhulu ukuzuma uzakwethu.

Umuzwa wokujabula
Ngadla mina khanda le nkawu usimakla!
Kikiki! Kuhle kwethu!
Halala!
Ngibathanda sebelihlikihla abafana nalapho sebelidlisa utshani kuphela.

Umuzwa wokucasuka
Habe! Angifuni nakuzwa ngalezo sichwensi!
Ngeke uze ukubone lokho!
Phuma uphele lapha!

Umuzwa Wokwethuka / Wokumangala

Hawu! Wenzani?
Yehheni we bantu!
Habe!
Mameshane!

Umuzwa wothando
Ntombi emhlophe okwezihlabathi zolwandle.
Intombazanyana yabo ikhula kahle kakhulu.
Izwe lakithi linobuhle obungefaniswe.

Umuzwa wenzondo
Nx! Ulayekile lo mgulukudu waboshwa.
Mudle maliyakhe!
Uzwile ungetshe!
Uqhele ukwenza kukulungela, ufike kwangqingetshe namuhla.

Ubudlelwane phakathi kolimi nesikhundla somuntu ophethe

Lokhu kusho ukuvela kwamandla omuntu ophethe enkulumeni yakhe.

Izibonelo:
Ayikho induna ezophatha amabutho ingabuthiwe ngokusemthethweni.
(okhulumayo unamandla ngaphezu kwezinduna namabutho)
Izingane azisheshe zilale, isikole kusasa.
(Okhulumayo unamandla ngaphezu kwalowo amtshela lo myalezo kanye nezingane)

Ulimi oluvumisayo
Lolu ulimi olusetshenziselwa ukwenza akuvume okushiwoyo lowo inkulumo yalolu
hlobo ebhekiswe kuye.

Izibonelo:
Uzongiboleka leyo ncwadi uma usuqede ukuyifunda angithi?
Bonke abafuna intuthuko bahamba nathi ngoba yithina kuphela esaziyo
ngentuthuko.

Ukuchema
Ukuba nemibono evuna noma engaluvuni uhlangothi oluthile ngaphandle
kokusebenzisa ulwazi oluphelele ukuze uthathe isinqumo okuyiso.
Kungachenywa ngezindlela ezehlukene kanje:

Izibonelo:
Izingane zamanje zihlakaniphile kunabantu abadala.(ngobudala)
Abashayeli besifazane bayacophelela kunabesilisa. (ngokobulili)
Kuleli zwe kuhlala amaKrestu kuphela. (ngokwenkolo) njl.

Ukubandlulula
Ukuphatha abantu noma izinto ngokwehlukile ngezizathu ezehlukene ezingaba
ngezemukelekile noma ezingamukeleki ebantwini abehlukene)

Izibonelo:
1.Abafundi abaphumelele ngamalengiso kuphela abazothola umfundaze.(abafundi
abangaphumelelanga ngamalengiso bayabandlululwa)
2.Izihambi kumele zibe nemvume yokuba sezweni lakithi. (izihambi ziyabandlululwa
ngokusemthethweni)
3. Ababhemayo ababhemele kude nabangabhemi futhi endaweni evulekile.
(ababhemayo bayabandlululwa)

Inkolelo engaguquki
Lokhu kuyilokhu umuntu akuthatha njengeqiniso okukanye ngokufana noma
kungelona iqiniso futhi kungafani.

Izibonelo:
Abafana bayafana njengegama labo.
Zinjalo izingane ezikhula zitotoswa.
Mdala umlungu.

Ijagoni
Ulimi olusetshenziswa ngabantu abahlanganiswe okuthile okungaba uhlobo
lomsebenzi, inkolo, ubungani, njl.

Izibonelo:
Khohlwa yilowo mlingiswa uyisicaba ngeke aguquke.
(Abafundisa / abafunda isiZulu)
Umndende wabapotozayo kuphela lowo.
(Abathintene nokuhlenga abakhulelwe)
Owokuqala umdabule ngesikela olandelayo walihlohla ekhishini zachwaza izihlwele.
(Abadlali / abalandeli bebhola lezinyawo)

Ulimi lwesigodi
Lolu ulimi olungachumile ezweni lonke noma kulabo abalukhulumayo kodwa
olusetshenziswa ikakhulu ngabantu bendawo ethile.
Izibonelo:

Ukuqagula
Lokhu kuwukusho into sengathi iliqiniso elingephikiswe yize oyishoyo engenabo
ubufakazi obuphelele:

Izibonelo:
Kuse linenkungu kusho ukuthi lizobalela emini.
Ushayela kahle ngoba useneminyaka enezincwadi zokushayela.
Ukucabangela (okungahle kwenzeke)
Ukuhlanganisa izinkomba, izimpawu noma ubufakazi obuthile bese okhulumayo
ecabangela umphumela. Indlela le nkulumo ebekwa ngayo kuyacaca ukuthi
oyikhulumayo akanasiqiniseko esiphelele.

Izibonelo:
Usheshe walala kuyobe ubekhathele kakhulu.
Ukulima izitshalo akusenanzuzo cishe yizo lezi zimvula ezingasaqondakali ukuthi
ziyofika nini futhi zime kanjani izingane

IZAGA KANYE NEZISHO

Kusemqoka ukuqaphela imvelaphi, ubuciko kanye nencazelo yezaga nezisho ukuze
zisetshenziswe ngaso sonke isikhathi ezimeni ezihlobene nemvelaphi yazo.

Okugqamile Ngezaga Kanye Nezisho

Izaga nezisho zigqame ngokusebenzisa ulimi olucebile ngezifengqo

Izibonelo:
Oxamu bayabusa ekweneni (isaga).
Oxamu lapha bangathekisa izigebengu kanti ekweneni khona kungathekisa izindawo
ezithile lapho izigebengu zikhululeka khona ngaphandle kokuphazamiseka.

Ikhotha eyikhothayo engayikhothi iyayikhahlela (isaga).

Lapha sithola ifanamsindo kanye nesiqhathaniso kugqamisa ukusizakala
ngokufanayo nobuhle obenzile ukujeza lapho ungelusizo lwalutho.
ukushaya esingeqiwa gundane ( isisho)
Lapha ukudla kuze kugcwale isisu kungathekiswe ngokushaya kanti kuyihaba ukuthi
uma ususuthi isisu siyoba sikhulu kangangokuba ngisho negundane ngeke likwazi
ukuseqa.

Izaga zethula amaqiniso angephikiswe kanti izisho aziwethuli amaqiniso

angephikiswe.

Izibonelo:
Umzimba uzwiwa ngumniniwo (isaga)
Kuyiqiniso elingenakuphikiswa ukuthi omunye umuntu ngeke abazi ngokuphelele
ubuhlungu obuzwiwa ngomunye umuntu.

Ukuluma indlebe (isisho)

Umuntu uma etshela omunye imfihlo akalokothi amhlabe ngeziyo endlebeni. Yisu nje
leli lokunonga ulimi eligqamisa ukuthi yilowo ohletshelwe ozosala nomthwalo
wokufihla imfihlo asehletshelwe yona. Akumnandi phela ukugcina izimfihlo ngoba
uhlale usaba ukuthi zingahle ziphunyuke bese eyakusho owakuhlebela athi
zaphuma ngawe.
Zikhona izaga eziqala ngo: uku- kanjalo nezisho ezingaqali ngo:uku-.
Umehluko ukuthi noma zikhona izaga eziqala ngo: uku- kepha ziyimisho ephelele
futhi engeguquke.

Izibonelo:
Ukuzala ukuzelula amathambo. (isaga)
Insizwa eyancela (isisho) Sisho insizwa enamandla noma enesibindi

Zikhona izisho ezithile ezingazimela.

Isibonelo:
Unwele olude!
Mana njalo!

Umsebenzi 15

IMICIMBI YOKUVALELISANA KAMATIKULETSHENI

Abafundi kufanele bazi ukuthi imfundo iwukhiye ovula ngawo iminyango

evaliwe. Empilweni yomfundi, kubalulekile ukulalela abazali nothisha. Enye
yezinto ezibalulekile kubafundi bebanga le-12 umcimbi wokubavalelisa
owenziwa uma kuphela unyaka esikoleni. Ezinye izikole lo mcimbi ziwenza
phakathi nonyaka ukuze abafundi bangaphazamiseki uma sebelungiselela 5
ukuhlolwa. Lokhu kungenye yezinto ezibathokozisa kakhulu abafundi baleli
banga. Basuke sebeshayela phezulu umhlaba bewubuka sakuwenyanya

Indlela olubaluleke ngayo lolu suku, usuke ungafunga ukuthi bonke

bazalwa abazali abadla izambane likampondo. Abafundi basuke begqoke
beconsa 10
izimpahla zikanokusho ezithengwe ngemali eshisiwe. Inkinga eyaye
ivele
ngalezi zinsuku eyokuthi imiqondo yabafundi ithi ukuphuma kancane nje
ezincwadini. Lokhu kwenziwa ukuthi bafuna ukuphothula kahle
amalungiselelo omcimbi. Kuyingozi-ke lokho ngoba abanye bagcina 15
bengene ezingozini ezahlukahlukene ngenkathi besemcimbini. Uma
kungazange kube khona izingozi babuya sebexegelwa amakhanda esikoleni
bangabe besafuna ukuza nokufunda esikoleni. Ngaleyo ndlela bagcina
bengasaphumeleli kahle ezifundweni zabo.
Imibuzo
5.1 Igama elibhalwe ngokugqamile emgqeni woku-1 lenze msebenzi
muni? (1)

5.2 Iyiphi indlela yesenzo etholakala emgqeni wesi-2? (1)

5.3 Shono ukuthi isakhi esigqanyisiwe emshweni ongezansi siletha

muphi umqondo.?
‘Ezinye izikole lo mcimbi ziwenza phakathi nonyaka. (1)

5.4 Nikeza igama elimqondofana naleli elibhalwe ngokugqamile emgqeni

we-12. (1)

5.5 Khetha impendulo enembayo yalesi sisho kulezi ezilandelayo.

‘ ukudla izambane likapondo’ (1)

A ukuhleka
B ukuphila kahle
C ukuhlupheka
D ukufunda

5.6 Sebenzisa igama elibhalwe ngokugqamile emshweni wesi-8 emshweni (2)

osuzakhele wona siveze ukuhlonipha.

(1)
5.7 Phinda ubhale lo musho obhalwe ngokugqamile osemigqeni we-16
kuya emgqeni we-17 usukhombisa ukuvuma.

(2)
5.8 Ncoma ukusetshenziswa kolimi okutholakala emgqeni wesi-9.

[10]

Uhla lwezimpendulo/umhlahlandlela

5.1 Liyinhloko yomusho. (1)

5.2 Indlela esabizo (1)

5.3 ubuningi (1)

5.4 ukuqeda (1)

 5.5 B / ukuphila kahle. (1)

5.6 Inyathuko azoyithatha inzima. (2)

5.7 Ngaleyo ndlela bagcina bephumelela kahle ezifundweni zabo. (1)

5.8 Umbhali usebenzise kahle isisho ‘Begqoke beconsa’ ukuveza ukuthi (2)
basuke bebahle bezimisele/beswenkile.

IPHEPHA LESI-3

INCWADI YOBUNGANI

Umzali wakho ukusekile ngezindlela zonke wenza Ibanga le -12 waze waphumelela ngamalengiso
ezifundweni zakho.

Bhala incwadi ubonge ukwesekwa endleleni obuyihamba ebheke empumelelweni.

AMALUNGISELELO (ayakhanselwa)

1. Ikheli lobhalayo elihamba nosuku

2. Ukubingelela ngesibingelelo esiveza ubuhlobo.
3. Isingeniso: Siveze ukwazana nenhloso
4. Umzimba:
Ukwenaba ngengqikithi yencwadi
Ukubhala izithembiso ngazokwenza kulo nyaka ukuze aphumelele.
5. Isiphetho: Khonza kafushane
6. Isivaleliso: Akuvele ubuhlobo
 P O Box 1540
Durban
4000
22 Agasti 2021

Mama
Sagcinana emcimbini wokuklonyeliswa kwabafundi abaphumelele ngamalengiso
esifundazweni sethu nami engangiyingxenye yawo. Ngifisa ukubonga ngokungeseka
endleleni yami yempumelelo.
Impumelelo yami ibingeke ibe yilokhu esikubone kuyikho ngenkathi ngidla
umhlanganiso ezifundweni zami. Ngaze ngaba ngomunye wabaklonyeliswayo
esifundazweni sethu. Ngiyabonga ngezindlela ongifundise zona ukuze ngifinyelele
empumelelweni njengoba kade kunemisebenzi ebekumele yenziwe yimina kodwa
ngaleso sikhathi ibisiyenziwa nguwena mama, ngaleyo ndlela ngithi ukwanda
kwaliwa umthakathi.
Ngiyathembisa ukuthi konke ongifundise kona njengokukwazi ukuzimela nokuthi
ngicele nosizo lapho seziyime emthumeni ngizokusebenzisa uma ngihlangabezana
nezingqinamba, phela injobo enhle ithungelwa ebandla. Ngizoqhubeka
ngezimfundiso zakho ongifundise zona njengokugwema izindawo zobumnandi
nabangani abangelona usizo kimina. Sekuyoba lula nakumina ukwedlulisela lezi
zimfundiso zakho kubafowethu nodadewethu abangelamayo ukuze nabo bakwazi
ukuphumelela ngamalengiso kanye nokuziphatha ngendlela eyiyo empilweni.
Khonza kubo bonke ekhaya ubatshele ukuthi siyobonana ngamaholide kaZibandlela
sesiphumelele sonke ezifundweni zethu.
Yimina indodakazi yakho
uNosimilo

INCWADI YOMSEBENZI/ESEMTHETHWENI

Indawo eniyakhele ibe nenkinga yokuqhuma kwamapayipi amanzi okudale ukuthi

kube nezinkinga eziningi endaweni.
Bhalela ikhansela langakini ukhalaze ngale nkinga.

AMALUNGISELELO: AKHANSELIWE NGOMUGQA OVUNDLILE

Amakheli amabili,elobhalayo elinosuku :
P. O. BOX 1748, Durban,4000, 22 Ncwaba 2021
Obhalelwayo:Khansela, P.O. BOX 224,Durban,4000
Isibingelelo: Mnumzane Bhengu
Isihloko esiveza ukuthi incwadi imayelana nani.
Isingeniso: Esiveza inhloso yencwadi.
Umzimba: 1.Imizamo
2. Izinkinga zomphakathi
 3. Izincomo
Isiphetho:
Isivaleliso: Yimiba ozithobayo, uT.J Zulu (Nkkz.)

P.O.Box 1748
Durban
4000
22 Ncwaba 2021
Khansela
P.O. BOX 224
Durban
4000
Mnumzane (Bhengu)

Incwadi Yesikhalazo Ngokungabi Namanzi

Khansela elihloniphekile, ngithi angibhalele ihhovisi lakho ngenkinga enkulu
esikhungethe esiyingini sethu.
Sibhekene nenkinga enkulu lapha endaweni esiyakhele iLindelani. Kwasa ngelinye
ilanga kugijima amanzi emigwaqeni. Lokhu okusidalele inkinga enkulu ngoba agcine
engasafinyeleli ezindlini. Sekuyisonto lesithathu manje singenawo.
 Mnumzane ohloniphekile, kuba umqansa uma kumele siye endlini yangasese
kwazise imvelo ayilawuleki kanye nazo zonke izidingo zasendlini azisaqhubeki.
Izitolo nezinye izindawo zamabhizinisi zivalwe thaqa ngenxa yalolu sizi, ikakhulukazi
lawa adinga amanzi kakhulu okungaba izindawo zokugeza izimoto nezitolo ezidayisa
ukudla. Imigwaqo le egeleza amanzi isifana nengekho ngoba izimoto azisakwazi
ukuyisebenzisa ngenxa yamanzi agijima kuyo.
Siwumphakathi besinesicelo esisodwa ehhovisi, sicela ukuba sithunyelelwe abantu
abanobuchule obusezingeni eliphezulu ngoba kubukeka sengathi le inkinga idinga
onjiniyela kwazise laba ababezozama kwafana nokuthi abenzanga lutho.

Singajabula uma isikhalazo sethu singasukunyelwa ngokushesha.

Yimina ozithobayo
uT.J. Zulu (Nkkz.)

INCWADI EYAKUMHLELI
Incwadi eya kuMhleli ifana nencwadi yomsebenzi kepha kukhona nakuyo okudingeka
sikuqikelele ngayo.
Le incwadi –

 Iveza uvo lombhali wayo ngento ethile.

 Inika imininingwane ethile ukuze leyo mininingwane yaziwe umphakathi.
 Ikhala ngokuthile. Kuyavama ukuba uma umuntu enezikhalo azikhiphe ephephandabeni
kunoma aziqondise lapho zifanele ukuya khona. Inhloso ukwenza abaphethe bazazi
izikhalo zomphakathi nabanye bazame ukulungisa lokho okungalungile ngokushesha
ukuze bangahlambalazeki. Kwenye inkathi umbhali usuke enziwa ukuthi abaphethe
basuke bengaziphenduli ngokufanele izikhalo zomphakathi.
 Ibuza okuthile kubafundi bephephendaba, kepha ibe iqondiswe kumhleli.
Uma umuntu ebhala lolu hlobo lwencwadi kumele aqikelela lokhu -

 Incwadi iqondiswa kuMhleli. Noma ngabe uphendula okuthile okuvele ephephandabeni kepha
yena uqondana noMhleli.
 Iphephandaba lizama ukonga isikhala ngakho-ke alikufuni ukuthemeleza.
 Iphephandaba alifuni ukuqhatha umphakathi, ngakho-ke amazwi ayinhlamba noma ajivazayo
aliwafuni.
  Incwadi kufanele ibe nekheli eliphelele lombhali, igama nesibongo. Uma umbhali engathandi
kukhishwe igama lakhe lempela, uyasho kodwa libekhona elempela liphelele futhi.
 Isihloko sendaba angazibhalela yena phezulu encwadini yakhe, kodwa uMhleli angasiguqula
ngokubona kwakhe.
 Incwadi ayisayinwe umbhali ukuze iphephandaba livikeleke.
 Ukugxeka ngokwakhayo kuyindlela esebenza kahle kakhulu kulolu hlobo lwencwadi.
UMhleli unelungelo lokuthi angayikhiphi mpela mpela incwadi uma ebona kunesidingo.

Amalungiselelo
Bhala ikheli lalowo obhalayo

Usuku

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Isikhundla salowo obhalelwayo

Bhala ikheli lalowo obhalelwayo

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Isibingelelo

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Bhala isihloko obhala ngaso, bese usidwebela

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Isingeniso – Bhala ngamafuphi isizathu sokuthi kungani ubhale le ncwadi.

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Umzimba – Bhala wenabe ngesihloko ubeke izizathu zakho. Lokhu

kungaba yizigaba ezimbili noma ezintathu.

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Isiphetho sendikimba – Phetha indikimba yencwadi yakho.

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Isiphetho sencwadi siba negama nesibongo sobhalayo, kanye

nobulili noma isikhundla.

P.O. Box 2789

Umlazi

4031

14 Okthoba 2009

Mhleli

ILanga

27 Mngeni Rd

DURBAN

4001

Mnumzane

UKWENZELELA EKUQASHWENI KWABANTU EMINYANGWENI KAHULUMENI

Emisebenzini abaholi bayaqala ukuziveza ubunjalo babo. Kubukeka sengathi kuba yilowo nalowo
 akhumbule izihlobo nabangani bakhe. Bakhona abacabangela amalunga amaqembu abo
abamba iqhaza ekukhethweni kwabo. Bakhona nalabo abakhumbula omakhelwane babo. Kuvela
imikhakha ngemikhakha yabaholi. Ngisho nomakhwapheni bayahlomula kulokhu. Okubuhlungu
ukuthi abavoti abangamalunga omphakathi nje ababe besakhunjulwa lapho seyidubukele. Yehla
njalo le nkohlakalo ize izofika emazingeni aphansi.

Amanye amalunga athile amaqembu ayakwazi okungenani ukucoshacosha imvuthuluka esala

lapho izikhulu zabelana ngemisebenzi nomnotho. Amalunga omphakathi angacheme
namaqembu asala kanjalo. Ngiyasola abasezikhundleni basuke sebelibele ukuthi akuwona
wodwa amalunga amaqembu avotela amaqembu abo. Amanye amavoti amaqembu awathola
emalungeni omphakathi nje. Awabe esakhunjulwa nhlobo lawo mavoti. Amalunga omphakathi nje
aze akhunjulwe yilawo angomakhwapheni balabo abasemagunyeni.

Liyaphi leli zwe? Kungabe umnotho waleli zwe owokwabelana kwalabo abasemagunyeni
nezithandwa zabo? Kungabe umnotho ongaka owalabo abasondelene nalabo abasemagunyeni?

Yimina ozithobayo

uThandwangubani Mdunge

UMLANDO KAMUFI
Umkhulu wakho obewusizo emphakathini nakwezemfundo, unishiye ngokukhulu
ukuzuma ngenxa yokhuvethe. Ube usucelwa amalungu omndeni ukuba ubhale
umlando ngaye.
Bhala umlando kamufi
Amalungiselelo
Isihloko:
Amagama aphelele kamufi kanye nesibongo

Isigaba 1:
Amagama aphelele kamufi, usuku lwakhe lokuzalwa, amagama abazali bakhe
abangasekho emhlabeni kanye nendawo azalelwa kuyona.

Isigaba 2:
Imfundo yakhe yamabanga aphansi, athe thuthu namabanga aphezulu.

Isigaba 3:
Izindawo asebenza kuzona, izikhundla neqhaza abelibambile emphakathini.

Isigaba 4:
Usuku ahambe ngalo emhlabeni nalabo abashiyile emhlabeni abayigazi
lakhe.
 Isiphetho:
Amazwi okuvalelisa

Isibonelo:

Umlando Ka-Eric Muzikayise Ndlovu

UMnumzane U-Eric Muzikayise Ndlovu wazalwa mhla ziyi-10 kuNhlaba kowe-1948,

ezalwa uNkosikazi uNontombi Ndlovu uMaButhelezi noMnumzane uBhekifa Ndlovu
nabo asebalala kobandayo. Wazalelwa endaweni yase-Bulwer esigodini
saseMachunwini .
Waqala imfundo yakhe yamabanga aphansi esikoleni iMasibambisane Primary
School. Wadlulela esikoleni samabanga athe thuthu eGobizembe High School
waphumelela umatikuletsheni ngamalengiso. Waqala imfundo yakhe esikhungweni
semfundo ephakeme eNyuvesi yaKwaZulu (uNgoye) wazuza iziqu zakhe ze-
Bachelor of Education.
Waqala ukusebenza njengothisha esikoleni iSiqongweni High School
eMgungundlovu. Wakhushulela esikhundleni sokuba yiNhloko yeziLimi. Ngoku
phazima wakhushulelwa esikhundleni sokuba iPhini likaThishanhloko. Wadlulela
esikoleni saseDlangezwa High School eseyoba uthishanhloko nokuyilapho aze
wathatha khona umhlaphansi.
Ubebambe elikhulu iqhaza emphakathini ngokusiza izingane ezintulayo
ngokuzitholela imifundaze nokusiza intsha kwezikaqeda isizungu ikakhulukazi
kwezomculo wamakhwaya nezemidlalo ukuze intsha ingabi uvanzi.
Usishiye ngokukhulu ukuzuma mhla zingama-22 KuNtulikazi kowezi-2021. Ushiye
emhlabeni unkosikazi wakhe, indodakazi eyodwa ,amadodana amabili ,abazukulu
abayisikhombisa.
Lala ngokuthula Gatsheni, uyibekile induku ebandla!
Inkulumo-mpendulwano

Nazi izinto okufanele abafundi baziqaphele uma bebhala lolu hlobo lombhalo:

 Isakhiwo senkulumo-mpendulwano
 Njengemibhalo yonke kufanele kubekhona isingeniso. Esingenisweni yilapho kwethulwa
khona udaba oluzoxoxwa, nokuthi luzoxoxwa ngobani.
 Amagama alabo abakhulumayo abhalwa ngasesandleni sokunxele, abe mafishane nesibongo
singasetshenziswa. Akubhalwa lutho ngaphansi kwamagama alabo abakhulumayo.
 Kubhalwa ikholoni emva kwamagama abantu abakhulumayo.
 Ukukhethwa kwamagama kumele kukhombise ukwehlukana kwezinga lalabo abakhulumayo.
Isibonelo ubaba uma ekhuluma nendodana, ingane yesikole uma ikhuluma nothisha.
 Ukuthi inkulumo-mpendulwano iqala ngesingeniso akusho ukuthi akubekhona isigaba
esiyisiphetho. Isiphetho sendaba siba senkulumweni yabo, kuzwakale ukuthi isiyaphetha.
 Ingaphetha ngokuba bezwane noma bangezwani kuye ngokuthi udaba ebebeluxoxa luhamba
kanjani.

INTHAYVU

Amalungiselelo
1. Isihloko
2. Isethulo
siba kubakaki siveza isizinda, amagama abalingiswa nenhloso
3. Isingeniso
ukwemukela
4. Umzimba
uba nengqikithi
imibuzo emifushane kobuzayo
ophendulayo uyenaba
5. Isiphetho
ukusonga
I-INTHAVYU
Uphumelele ngamalengiso ezifundweni zakho zikamatikuletsheni nakuba izwe lisebunzimeni
bokubhekana nalolu bhubhane i-covid-19, iMeya yoMkhandlu wangakini ibe isikubizela
ehhovisi lomkhandlu izokubuza ngezindlela ozisebenzisile ukuze uphumelele ngamalengiso
ngesikhathi esibi kanje.
Bhala i-inthavyu obe nayo phakathi kwakho neMeya yoMkhandlu.

I-inthayvu Phakathi Komfundi WasePhumanyova High School Kanye Nemeya

YoMkhandlu WaseZululand.
(Kusemini ehhovisi loMkhandlu waseZululand,iMeya yoMkhandlu uMnumzane
Mbatha ubuza uNolwazi mayelana nezindlela azisebenzisile njengoba ephumelele
ngamalengiso kumatikuletsheni)

uMbatha: Siyajabula kakhulu ndodakazi ukuthi sithe uma sikucela

wasukumela phezulu.

uNolwazi Ngiyathokoza kakhulu nami baba uMbatha ukuba kanye nawe

uMbatha: Iziphi izingqinamba obubhekene nazo ngesikhathi usafunda?

 uNolwazi: Ziningi izingqinamba ebengibhekene nazo njengoba izwe
belihlaselwe ubhubhane.Ukubalula ezimbalwa, ukuvalwa
kwezwe,umthetho womvalelandlini nokuphazamiseka kwezikole

uMbatha Awungichazele ukuthi ukwaze kanjani ukubhekana nalezi

zingqinamba?

uNolwazi: Nakube bekungelula kodwa ngigxile izincwadi zami nokufunda

ngamaqembu silekelelwa ngabafundisi.

uMbatha: Ikuphi okunye okuye kwakusiza kakhulu?

uNolwazi: Bengibuye ngisebenzise izifundo ebezithulwa emsakazweni .

uMbatha: Ikuphi ongaluleka ngakho abazobhala kulo nyaka?

uNolwazi: Abafundi abazobhala kulo nyaka abazimisele unyaka usaqala

basebenzisane nabafundisi kunciphe isikhathi sokuzijabulisa
bekhumbule ukuthi imfundo ingukhiye wempumelelo.

uMbatha: Njengoba usuphumelele ikuphi ozimisele ukukwenza?

uNolwazi: Ngimukelwe ezikhungweni zemfundo eziningi kodwa ngikhethe

ukuyokwenza izifundo zobuthishela eNyuvesi yaseZululand.

uMbatha: Siyabonga kakhulu njengoMkhandlu sihlele ukukwelekelela

ngomfundaze

uNolwazi: Ngiyabonga kakhulu Mthiya kanye noMkhandlu

wonke .Ngiyethemba nala engiya khona ngeke nginidumaze.

Inkulumo elungiselelwe (eqatha)

Uma abafundi bezokwenza inkulumo kumele bakhumbule ukuthi abantu abefani ngamasiko,
ngezinkolelo, ngemfundo, ngabakuthandayo nokunye. Ngakho-ke kumele umfundi acabange ukuthi
bazosithanda yini isihloko sakhe, futhi bazi kangakanani ngaso, bazowezwa yini amagama ahambelana
naleso sihloko labo azokwethula kubo inkulumo.

Yini inhloso yenkulumo?

Lapho abafundi beqoqa ulwazi ngesihloko abazokhuluma ngaso kufanele bazi ukuthi baqonde
ukubajabulisa nje, ukubafundisa okuthile, noma ukuba balandele imibono yabo labo abalalele. Lapho
sebekhuluma abaqikelela futhi ukuthi ngabe abalalele bayajabula, bayezwisisa noma bayayemukela
yini le nto abayishoyo..
Ukulungiselela inkulumo
Kubalulekile ukuthi umfundi ozokwethula inkulumo azilungiselele ngokwenele. Ukuzilungiselela
kubandakanya ukubhala amaphuzu ephepheni. Lapho ezilungiselela kumele athinte izihlokwana
ezilandelayo:

Isihloko
Kubalulekile ukuthi isihloko sibe nokuthi inkulumo izokwenziwaphi, ngubani ngaluphi usuku futhi sethule
ingqikithi yenkulumo.

Isibingelelo
Kumele oxoxayo abingelele abakhona ngezinhlelo zabo, abakhulu nabancane, abalandelanise kahle
ngokwamazinga abo emehlweni omphakathi.

Isingeniso
Isingeniso kumele sihehe sibe sifushane siphoqe abantu ukuba balalele. Singaba -

 Iqiniso elake lashiwo omunye.

 Indatshana ehlekisayo kodwa ephathelene nazokusho.
 Umbuzo odinga impendulo ephathelene nazokusho.

Owethula inkulumo angalokothi enze izixoliso, njengokuthi “Nixole ngoba angikwazanga ukulungiselela
le nkulumo.” Lokhu kuqeda umdlandla kwabalalele. Akenze abalaleli babenesasasa kwakushoyo.

Indikimba:

 Uma ekhuluma akasebenzise izandla, isimo sobuso, amehlo, kodwa hhayi ngokweqile.
 Amehlo akhe awahambe indlu yonke angakhombisi ukwesaba, ukungakhululeki kumbe
ukwethuka.
 Ukuze inkulumo ivuse isasasa kwabalalele, owethula inkulumo akaguquguqule izwi, lizwakale
ngokucacile, lilandele indikimba yakhe; ukuphakamisa izwi kukhombisa isasasa, ukulehlisa
kukhombisa ukuthi kukhona azokusho. Akangahlebi futhi angamemezi, kuphela akazikhohlwe
ukuthi ungubani umqondo wonke wakhe ubesenkulumweni. Akalandelanise kahle amaphuzu
ukuze inkulumo izwakale kahle. Akasebenzise izibonelo amahlaya nokunye okufuze lokho.
 Akangalokothi ethuke noma abukele phansi labo abamlalele.
 Akangayenzi inkulumo yakhe ibe yinde kakhulu kuze kuphele umdlandla kwabalalele.
 Inkulumo ayifeze inhloso yomethuli wayo.

Isiphetho:
Ukuze isiphetho sigculise, umlaleli azizwele ukuthi uzuzile, kumele oxoxayo aphethe ngesiphetho
esifanele, esifushane nesinembayo. Angasebenzisa lezi zindlela ukwenza lokho:

 Angafingqa inkulumo yakhe ngokugcizelela amaphuzu asemqoka awashilo.

 Angafaka inselelo.
Isibonelo senkulumo elungiselelwe:

INKULUMO EYETHULWA NGUTHISHA S.A UNTOMBELA EMGAZI PUBLIC SCHOOL NGOSUKU

LOKUVALELISWA KWAKHE MHLA KA-27 NOVEMBA 1996

Ngiyabonga Mphathihlelo ngethuba onginika lona. Ngiyabingelela kubaphathi bemfundo

abakhona, kuMphathisikole, kothisha, kumalunga omkhandlu olawula isikole, kubazali, kubafundi,
ezivakashini ezikhona kulolu suku olukhulu kangaka.

Kungenzeka ukuthi phakathi kwenu bakhona abalindele ukuthi njengoba ngimude kangaka nje
ngizoba mude kanti cha.

Uma ngibuka isikole, ngibuke la madoda atatamisa inyama, ngibona kunento efanayo kulezi zimo
ezimbili - ukubambisana. Lapha esikoleni uNgwane ngimfanisa nale nsizwa ezihola phambili.
Uma engelona igagu kuzokuba lukhuni kuhle kokukhipha umbokwane emanzini ukufukula
abafundi. Uma eligagu othisha bazobamba bafukule kanyekanye. Ngaleyo ndlela abazali
bazozithola bekikiza. Ngokwenzenjalo othisha bazozizwa benamandla amaningi, bazizwe
benothando lomsebenzi. Kuzothi uma othisha becela imvume yokwenza into ethile, uNgwane
abavumele, babuye babonge:

 Bande ubuntu.
 Kwande ukubambisana.
 Kunciphe izinkinga ngaphakathi esikoleni.
 Anciphe amahora lapho kuxazululwa izinkinga ezidaleka ngenxa yokungabambisani.
 Baphumelele ngamalengiso abafundi.
 Basho abazali baseNquthu bathi, “Kuyafundwa eMgazi”.

Ngiyabonga Mphathihlelo.