PARTORDING NI PARMINGGUON

MINGGU I DUNG EPHIPANIAS

 Ev. 2 Musa 6 : 1 – 8  Ep: Epesus 3 : 1 - 12

TOPIK:
“JAHOWA DO NAPALUAHON” / “ALLAH YANG
MEMBEBASKAN”

HKBP KRAMAT JATI RESORT KRAMAT JATI

MINGGU, 07 JANUARI 2024, PKL. 10.30 WIB

Shalom, Selamat Datang & Selamat Bersekutu kepada Bapak/ibu, saudara/I yang baru pertama kali
bergabung dalam Gereja ini, kiranya persekutuan hari ini membawa damai dan sukacita dari Tuhan.
Pendeta, Sintua mengucapkan “Selamat Ulang Tahun Kelahiran” & “Selamat Ulang Tahun Pernikahan”
bagi yang sedang merayakannya. Dan bagi jemaat yang sedang sakit, yang sedang dalam kedukaan,
Kiranya Tuhan mengaruniakan kesembuhan, penghiburan. Horas !
“BERKATILAH DIA YANG DATANG DALAM NAMA TUHAN” (Mazmur 118 :26a)

TATA IBADAH MINGGU HKBP KRAMATJATI 1

 HATA PAMUHAI DI PARMINGGUON
“Shalom..! Horas..!
Andorang so tamulai marhadaulaton marsaor dohot
Debata, tapangke ma tingki sangombas martangiang
di bagasan rohanta be. Martangiang ma hita…”
(Dung didok Paragenda Amen, diuduti ma
marhadaulaton.)

I. MARENDE HURIA BE. No.71 :1-2 “O RAJA NA SUMURUNG” BL.156

O Raja na sumurung O Jesus Tuhanki, Na so hea marujung Do harajaonMi.

Pasangap ma goarMu Di hasiangan on, Paro harajaonMu Di atas tano on
[Jongjongma saluhutna]
Parroha sian purba Na ro sumomba Ho, Diboan siluana Lao pasangaphon
Ho. Di ida do bintangmu Na marsinondang i, Paboa nunga tubu Ho Sipalua i

II. VOTUM –INTROITUS (A.IVA.1- D.IV.11)

[Hundulma]
III. MARENDE BE. No. 73 :2-3 “BINTANG NI SI JAKOP” BL. 74
2. Sere naeng hulehon do, i ma haporseaonku, Ai naung dilopokkon
Ho i tu au baen ugasanku. Sai polin ma serengki Nang di haporsuhon i

3. Timus ni haminjon i Na manaek tu habangsaMu, Tangianghu nama i

Na huboan tu joloMu. Sai pasiat hatangki Na mamuji goarMi

IV. PATIK : I - X
R : Tatangihon ma Patik ni Debata di Minggu sadari on, i ma Patik
Parjolo sahat tu Patik Pasampuluhon, songon na ma didok di si ;
I. Ahu do Jahowa Debatam, ninna Debatanta. Ndang jadi marangkup
Ahu bahenonmu Debatam.

II Ndang jadi ganaonmu jala ndang jadi sumanonmu manang aha na di

banua ginjang dohot na di banua tonga on, ro di na di bagasan aek
na di toru ni tano, ianggo tung gabe sisombaon manang sioloan.

TATA IBADAH MINGGU HKBP KRAMATJATI 2

III. Ndang jadi dohonon goar ni Debata, ianggo so ture dalanna, ai hona
uhum¬Na do sogot angka na marsineang di GoarNa.

IV. Ingot hamu ma pabadiahon ari Minggu i ! Di na onom ari ma ula

hamu nasa siulaonmu; alai anggo ari papituhon i, ari paradianan ni
Jahowa Debatam do i. Ndang jadi ho mangula anggo di na sadari i,
manang anak¬mu pe manang borum manang naposom lahilahi
manang naposom boruboru, ro di pinahanmu, ro di isi ni huta ni
halak pe na mangebati hutam. Ai di na onom ari do ditompa
Debata langit dohot tano dohot laut dohot nasa isina, dung i
maradian do Ibana di ari papituhon i. Dibahen i do umbahen na
dipasupasu Debata Jahowa ari paradiananNa i jala diparbadiai.

V. Ingkon pasangaponmu do natorasmu, asa martua ho jala leleng

mangolu di tano na nilehon ni Jahowa Debatam di ho.

VI. Unang ho mamunu !

VII. Unang ho mangalangkup !

VIII.Unang ho manangko !

IX. Unang ho olo manghatindangkon hata na so tutu maralohon

dongan jolma.

X. Ndang jadi haliangan ni roham bagas ni donganmu, ndang jadi

haliangan
niroham dongan saripe ni donganmu, manang naposona baoa
manang naposona, boruboru manang lombuna manang hodana,
manang dia pe ugasan ni donganmu.

Beha pandok ni Debata taringot tu Patik na sampulu i ?

On do: Ahu do Jahowa Debatam, ninna Debatanta. Pargogo na so
hatudosan jala Parrimas, Siluluhon dosa ni ama-ama tu
pinomparna, ro di sundut patoluhon, ro di sundut paopathon,
pinompar ni angka na sogo roha di Ahu; alai asi do rohangKu di
angka na marribu-ribu, angka na marholong ni roha di Ahu, na so
TATA IBADAH MINGGU HKBP KRAMATJATI 3
 mangalaosi PatikHi. I do sahatna! Antong rap mangido gogo ma
hita sian Tuhan Debata!

U+ H: Ale Tuhan Debata! Sai pargogoi ma hami mangulahon na

hombar tu PatikMi. Amen

V. MARENDE BE. No. 72 : 2, 4 “HEHE MA HAMU PARBEGU” BL. 84

2. Na buni do nasailaon Sangkap ni Tuhanta I, Ndang diboto hajolmaon
dalan hangoluan I, Tung na lilu do sude Di pardalananna be.
[Jongjongma saluhutna]
4. Jesus sondang ni tondingku Na patiur sasude, Sai palua ma rohangku Sian
dosa sasude. Taiti dohot rohangkon Tu na tiur i tongtong

VI. TANGIANG MANOPOTI DOSA (B.1 – C.1)

[Hundulma]
VII. MARENDE BE. No. 437 : 1-2 “TUNG NA MUBA ROHANGKU” BL. 390
1. Tung na muba rohangku dibaen Tuhanki, Dung Jesus maringan di au
Nunga sonang au on, tung dame rohangki, Dung Jesus maringan di au
Dung Jesus maringan di au, Dung Jesus maringan di au
Tung na sonang do au dung tu Jesus au lao, Dung Jesus maringan di au
2. Au na lilu hian dapot sambulongki, Dung Jesus maringan di au
Nunga sae dosangki dibaen mudarNa I, Dung Jesus maringan di au
Dung Jesus maringan di au, Dung Jesus maringan di au
Tung na sonang do au dung tu Jesus au lao, Dung Jesus maringan di au

VIII. EPISTEL: EPESUS 3 : 1 – 12 (P:Paragenda - R:Ruas)

P : Hata ni Debata Epistel di Minggu Ephipanias sadari on tarsurat

di Epesus Bindu 3 ayat 1 – 12 tajahama dibagasan responsoria.
*Ala ni i do ahu, Paulus, niihot ni Kristus, ala hamu angka
sipelebegu.
R : Molo tung dibege hamu tohonan mangaradoti asi ni roha ni Debata, na
pinasahatna i tu ahu, patureturehon hamu.
P : Ai sian pangungkapon do dipabotohon tu ahu hahomion, na
hutaringoti nangkiningan.

TATA IBADAH MINGGU HKBP KRAMATJATI 4

 R : Laho manjaha i, dapot timbangonmuna pangantusingku di hahomion
ni Kristus i.
P : Ndang dipabotohon dope i tu angka anak ni jolma di angka
sundut najolo, alai nunga dipapatar i nuaeng tu angka apostelna
na badia i dohot tu angka panurirangna, di bagasan Tondi i:
R : Paboa, dohot do halak parbegu gabe dongan panean jala dongan
sadaging dohot dongan satohap di bagabaga, na di bagasan Kristus
Jesus, marhite sian barita na uli i.
P : Naung gabe parhalado ni i do ahu, sian pangalehon ni Debata di
asi ni rohana, na tu ahu sian pangkorhon ni hagogoonna i.
R : Tu ahu, na ummetmet sian saluhut angka na badia i, dilehon asi ni roha
on: Mamaritahon tu angka sipelebegu hamoraon ni Kristus na so
hadodoan i;
P : jala patorangkon pangalaho ni tohonan di hahomion i, na buni
sian mula ni mulana di bagasan Debata, Sitompa saluhut.
R : Naeng ma marhite sian huria i dipatandahon godang ni ragam ni
hapistaran ni Debata tu angka na marmulia jala marhuaso di banua
ginjang i.
P : I do ditahi sian mula ni mulana, gabe dipasaut di bagasan Kristus
Jesus, Tuhanta i.
P+R : Marhitehite Ibana dapot hita hiras ni roha dohot dalan masuk, di
bagasan roha na pos, na mangkaporseai Ibana.
P : Ido sahatna. Martua do angka na tumangihon Hata ni Debata jala
na umpeopsa.
R : Amen

IX. MARENDE Buku Ende No. 543 “Buni Bingkas Ni Holong” BL No.
374
Buni bingkas ni holong ni Tuhanta i di au, Ditobus dohot mudar i pardosa
songon au. Alai on do na huboto : Ditiop Jesus gomos tanganku, Tondingku
do diramoti, Rodi haroroNa I
[Jongjongma saluhutna]
Buni ulaon ni Tondi i patiur rohangki, Manaiti au tu Jesuski, Sitobus jolma i.

TATA IBADAH MINGGU HKBP KRAMATJATI 5

 Alai on do na huboto : Ditiop Jesus gomos tanganku, Tondingku do diramoti,
Rodi haroroNa i.

X. MANGHATINDANGHON HAPORSEAON
U : Tahatindanghonma haporseaonta i, songon na hinatindanghon
ni donganta sahaporseaon di sandok portibi on. Rap ma hita
mandok!
P+R : Ahu porsea di Debata Jahowa……
[Hundulma saluhutna]

XI. KOOR

XII. TINGTING

XIII. MARENDE Buku Ende No.28 "Hata Ni Jahowa"BL No.203

(Papungu Pelean Ia dohot Ib)
Buku Ende No.28 "Hata Ni Jahowa"BL No.203
1. Hata ni Jahowa, Sipadame jolma, Hangoluan i
Halalas ni roha, Siapuli roha, Ni na marsak i
Gogo ni Debatangki, Paluahon na porsea, Sian nasa jea

instrument musik...

2. Nasa tinahiNa, Tagan so ditompa, Tano on dope,

Nang na tinuduan, Ni sude pelean, Jumpang do muse,
Sangkap ni AmaNa i, Dipatulus Jesus kristus, Jolma i ditobus

instrument musik...

3. Na rade di hita, Asi ni rohaNa, Nang basaNa pe,

Nunga mate Kristus, Nunga sun ditobus, Hita on sude,
Sangap ma di Debata, Na porsea di hataNa, Do pangoluonNa

instrument musik...

4. Hata hangoluan, Do nuaeng diboan, Parjamita i,

Na lambok begeon, I nuaeng dilehon, Tu rohanta i
TATA IBADAH MINGGU HKBP KRAMATJATI 6
 Hita on dijamitai, Ai didokkon be do hita, Paubahon roha

instrument musik...

5. I do haojahan, Na tongtong manahan, Salelengna i,

I hajongjonganku, I do haposanku, Hangoluanki
Gogongki tongtong ma i, Mangihuthon tu hataNa, Lao mambaen lomoNa

instrument musik...

XIV. JAMITA, 2 MUSA 6 : 1 - 8

XV. MARENDE Buku Ende No.770 "Tu Debatami" BL.No.770 (Pelean II)
1. Tu Debatami na sun gogo i, Sai maporus ma ho ganup ari
Di tanganNa do ho molo musu ro, Tung na sonang di ampuanNa ho
Di tanganNa do ho molo musu ro, Tung na sonang di ampuanNa ho

instrument musik...

2. Tung sun hinagogo ni Tuhan i, Ingot ma Debatam do manghophop

Nang ponjot rohami, ndang na leleng i, Tongkin nai pujionmu Tuhan i
Nang ponjot rohami, ndang na leleng i, Tongkin nai pujionmu Tuhan i

instrument musik...

3. Soara ni olopolopna i, Marsaringar di angka partigor

Lan do gogo disi mambaen monang i, Paima sahat sude tu Surgo i
Lan do gogo disi mambaen monang i, Paima sahat sude tu Surgo i
instrument musik...
[Jongjongma saluhutna]

16. TANGIANG PELEAN - ALE AMANAMI – PASUPASU - AMEN(3x)

“Selamat Hari Minggu, Shalom”

TATA IBADAH MINGGU HKBP KRAMATJATI 7

TATA IBADAH MINGGU HKBP KRAMATJATI 8