Illiriërs
Die Illiriërs (Grieks: Ἰλλυριοί, Illyrioi; Latyn: Illyrii) was 'n groep Indo-Europeessprekende volke wat in antieke tye in die westelike deel van die Balkanskiereiland gewoon het. Saam met die Grieke en Thraciërs was hulle een van die drie belangrikste Paleo-Balkanbevolkings.
Die gebied waar die Illiriërs gewoon het, het aan latere Griekse en Latynse skrywers bekend geword as Illirië. Hulle het 'n gebied geïdentifiseer wat ooreenstem met die huidige Albanië, Montenegro, Kosovo, 'n groot deel van Kroasië en Bosnië en Herzegowina, Wes- en Sentraal-Serwië en dele van Slowenië tussen die Adriatiese See in die weste en die Dravarivier in die noorde, die Moravarivier in die ooste en die Kerauniese gebergte in die suide.[1] Die eerste keer dat die Iliriese volke genoem is, is in die 6de eeu in die werke van die antieke Griekse skrywer Hekataios van Milete.
Die antieke Grieke het hulle bure in die noorde die "Illiriërs" genoem, wat dalk verwys het na 'n breë, swak gedefinieerde groep volke. Die Illiriese stamme het vermoedelik nooit na hulleself as sodanig verwys nie en dit is onwaarskynlik dat hulle een naam vir hulleself gebruik het.[2] Dit lyk of "Illiriërs" die naam van 'n spesifieke stam was wat die Grieke in die Bronstydperk teengekom het.[3] Die Grieke het toe die naam gebruik vir alle volke met 'n soortgelyke taal en kultuur.[4]
Die term "Illiriërs" verskyn in die 7de eeu die laaste keer in die historiese rekord, waar dit verwys na 'n Bisantynse garnisoen in die voormalige Romeinse provinsie Illyricum.[5] Wat met die Illiriërs gebeur het nadat die Slawiërs hulle in die streek gevestig het, is 'n saak van debattering onder geleerdes. Dit sluit die vraag in of Albanies nie dalk van die ou taal Illiries afstam nie.
Verwysings
[wysig | wysig bron]- ↑ Shpuza 2022, p. 553; Zindel et al. 2018, p. 346; Bejko et al. 2015, p. 4; Hammond & Wilkes 2012, p. 726; Dausse 2015, p. 28.
- ↑ Roisman & Worthington 2010, p. 280.
- ↑ Boardman 1982, p. 629.
- ↑ Wilkes 1992, p. 92.
- ↑ Schaefer 2008, p. 130.
Aangehaalde bronne
[wysig | wysig bron]- Boardman, John; Hammond, Nicholas Geoffrey Lemprière (1982), The Cambridge Ancient History: The Expansion of the Greek World, Eighth to Six Centuries B.C, Cambridge, United Kingdom: Cambridge University Press, ISBN 0-521-23447-6, https://books.google.com/books?id=0qAoqP4g1fEC
- Roisman, Joseph; Worthington, Ian (2010), A Companion to Ancient Macedonia, John Wiley and Sons, ISBN 978-1-4051-7936-2, https://books.google.com/books?id=lkYFVJ3U-BIC
- Schaefer, Richard T. (2008), Encyclopedia of Race, Ethnicity, and Society, SAGE Publications, ISBN 978-1-4129-2694-2, https://books.google.com/books?id=jscZAQAAIAAJ
- Shpuza, Saimir (2022). "D'un limên à une polis. Orikos aux périodes archaïque et classique". In Brancato, Rodolfo (red.). Schemata: la città oltre la forma : per una nuova definizione dei paesaggi urbani e delle loro funzioni: urbanizzazione e società nel Mediterraneo pre-classico : età arcaica. Edizioni Quasar. ISBN 9788854912755.
- Wilkes, J. J. (1969). Dalmatia. Harvard University Press. ISBN 9780674189508.
Skakels
[wysig | wysig bron]
Wikimedia Commons het meer media in die kategorie Illiriërs.
Hierdie artikel is in sy geheel of gedeeltelik uit die vertaal.
