Jan Breytenbach
| Jan Breytenbach | |
|---|---|
| Geboortedatum | 14 Julie 1932 |
| Sterfdatum | 16 Junie 2024 (op 91) |
| Sterfplek | George, Wes-Kaap |
| Lojaliteit |  Suid-Afrika Verenigde Koninkryk[1]
|
| Jare in diens | 1950–1955 (SAW) 1955–1961 (Britse Koninklike Vloot) 1961–1987 (SAW)[1] |
| Rang | Kolonel |
| Diensnommer | 720101 |
| Poste beklee | Bevelvoerder |
| Veldslae/oorloë | 1956 – Suezlanding |
| Toekennings | Van Riebeeck-dekorasie[2][3] |
| Familie | Breyten Breytenbach (broer) |
| Ander werk | Skrywer |
Kolonel Jan Dirk Breytenbach (14 Julie 1932 – 16 Junie 2024, George) was die stigter en eerste bevelvoerder van 1-Verkenningsregiment (1-Recce) – voorloper van die latere Spesiale Magte Brigade van die SANW, soortgelyk aan die Britse SAS. Hy was ook die stigter van 32-Bataljon, informeel bekend as "Buffalo Battalion", sowel as 44 Valskermbrigade.
Militêre loopbaan
[wysig | wysig bron]Breytenbach het in 1950 by die Leërgimnasium aangesluit en in 1953 is die Vredesswaard aan hom toegeken. Daarna het hy by die Royal Navy Fleet Air Arm aangesluit nadat hy in die Pantserkorps diens gedoen het en in die Suezkrisis in 1956 operasionele ervaring opgedoen het. Hy het in 1961 weer by die Suid-Afrikaanse Weermag (SAW) aangesluit en kort daarna een van die eerste 1-Valskermbataljon-kursusse voltooi. Hy het in 1971 1-Verkenningskommando gestig.
In 1975 lei Breytenbach die operasie Savannah, die SAW se koverte ingryping in die Angolese Burgeroorlog. Die oorblyfsels van hierdie groep het later die berugte 32-Bataljon geword.
Hy het in 1977 die Stafkollege-kursus bygewoon en is tot kolonel bevorder. In 1978 lei hy die SAW-valskermaanval op Cassinga.[4]
Hy het 'n senior stafoffisier by die Noord-Transvaalse Bevelstruktuur geword en vanaf 24 September 1980 tot 31 Desember 1982 die 44 Valskermbrigade aangevoer. Hy het die SAW se Guerrillaskool gestig, waarvan hy in bevel was tot met sy aftrede.[3]
Breytenbach het in 1987 uit die weermag getree en later 'n aantal boeke geskryf. Hy is die broer van die Suid-Afrikaanse digter en skrywer Breyten Breytenbach en van die oorlogskorrespondent / fotograaf Cloete Breytenbach. Gedurende die 1980's het Breyten en Jan Breytenbach sterk teenstrydige politieke standpunte gehuldig.
Afsterwe
[wysig | wysig bron]Breytenbach sterf op 16 Junie 2024 in 'n hospitaal in George,[5] bygestaan deur sy gesin. Hy word oorleef deur sy vrou Rosalind, sy seun, Richard, dogter, Angela, en sy kleinkinders Christopher en Matthew.[6]
Boeke deur Jan Breytenbach
[wysig | wysig bron]- 1986. Forged in battle. Saayman & Weber. ISBN 0-7971-0025-3.
- 1990. They live by the sword. Lemur. ISBN 0-620-14870-5.
- 1997. Eden's exiles, one soldier's fight for paradise. Queillerie. ISBN 1-874901-24-4.
- 2001. The plunderers. Covos Day. ISBN 1-919874-01-1.
- 2002. The Buffalo Soldiers, the story of South Africa's 32-Battalion, 1975–1993. Galago. ISBN 1-919854-07-X.
- 2008. Eagle Strike: The Story of the controversial airborne assault on Cassinga 1978. Manie Grove Publishing. ISBN 978-0-620-40614-7.
Verwysings
[wysig | wysig bron]- ↑ 1,0 1,1 (en) "Authors – Col. Jan Breytenbach". The Galago Publishing Company. Geargiveer vanaf die oorspronklike op 26 Oktober 2019. Besoek op 27 November 2008.
- ↑ (en) "History of the South African Special Forces". SAForces Club. Geargiveer vanaf die oorspronklike op 27 April 2020. Besoek op 27 November 2008.
- ↑ 3,0 3,1 (en) Els, Paul J., WO1 (2010). We conquer from above. PelsA Books. ISBN 978-0-620-46738-4.
{{cite book}}: AS1-onderhoud: meer as een naam (link) - ↑ (en) PHD dissertation by V.A. Shigwedha, 2011
- ↑ (af) Hanti Otto (16 Junie 2024). "'Vader van Spesmagte' sterf". Netwerk24. Besoek op 18 Junie 2024.
- ↑ (en) Familie-persverklaring, 16 Junie 2024, Passing of Colonel (Ret) Jan Dirk Breytenbach.
Eksterne skakels
[wysig | wysig bron]- (en) Jan Breytenbach @ Galago Publishing Geargiveer 26 Oktober 2019 op Wayback Machine
- (en) Jan Breytenbach (2003). The Buffalo Soldiers: The Story of South Africa's 32 Battalion 1975–1993. Galago Publishing. 191985407X. (Hardeband)
- (en) The Silent War – Suid-Afrikaanse Spesmagtegeskiedenis Geargiveer 26 Maart 2005 op Wayback Machine
- (en) 32 Bataljongeskiedenis Geargiveer 7 Januarie 2006 op Wayback Machine
- (en) SA Weermag Webwerf. Geargiveer 22 April 2006 op Wayback Machine
- (en) Gedeeltelike kopie van die ou, verwyderde amptelike SA Spesmagte Webwerf. Geargiveer 2 Desember 2005 op Wayback Machine
- (en) SA Special Forces League
