Azərbaycan atalar sözləri/Y

←V

Azərbaycan atalar sözləri Müəllif: Şifahi xalq ədəbiyyatı

Z→

Həmçinin baxın: Haqqında • < Mündəricat

• Ya bil, ya da biləndən soruş.
• Ya bir yol tap, ya bir yol aç, ya da yoldan çəkil.
• Ya bu dəvəni güdməli, ya da bu diyardan getməli.
• Ya dağ ətəyində, ya bəy ətəyində.
• Ya dalına min, ya da dalına mindir.
• Ya dəvə ölər, ya dəvəçi, ya da üstündəki hacı.
• Ya keçəl Həsən, ya da Həsən keçəl.
• Ya qarnımda, ya könlümdə.
• Ya lələ şələni basar, ya şələ - lələni.
• Ya unçu ölər, ya dəyirmançı.
• Ya vəlvələdən, ya zəlzələdən.
• Ya zatdan, ya süddən.
• Yabılarda qotur yabı mərd olar, yorulanda yiyəsinə dərd olar.
• Yabıya tumar eləsən şıllaq atar.
• Yad gəlib aşna olunca, aşna - yar əldən gedər.
• Yad itin quyriuğu qısılı olar.
• Yada arxa verən tək qalar.
• Yaddan yoldaş olunca, qardaş əlindən gedər.
• Yaxşı arvad ərini bəy eylər, yaman arvad - zay.
• Yaxşı arvadlı ev cənnətdir.
• Yaxşı at köhnə çulun altında da bilinər.
• Yaxşı at özünə qamçı vurdurmaz.
• Yaxşı at yemini artırar, yaman at - qamçısını.
• Yaxşı at yemin artırar, pis at qamçısın.
• Yaxşı ata bir qamçı, yaman ata min qamşı.
• Yaxşı atadan pis oğul?!
• Yaxşı atları yaxşı kişilər minib getdilər.
• Yaxşı bez arşınsız da satılar.
• Yaxşı demişlər: Hər şeyin xiridarı gərəkdir!
• Yaxşı dost qardaşdan əzəldir.
• Yaxşı dost yaman gündə məlum olar.
• Yaxşı gündə düşmən gələr dost olar, igid odur yaman gündə dayansın.
• Yaxşı gündə yad yaxşı, yaman gündə vay qardaş.
• Yaxşı igid dayısına çəkər, xanım qız bibisinə.
• Yaxşı iş heykəl kimidir, hər yerdən görünür.
• Yaxşı it ələ düşməz.
• Yaxşı qəssab ətin yaxşısını axıra saxlar.
• Yaxşı qızdan yaxşı gəlin olar.
• Yaxşı niyyət yarım dövlət deməkdir.
• Yaxşı olanda "xanım elədi", pis olanda "kəniz elədi" deyərlər.
• Yaxşı olsa ağadan, pis olsa nökərdəndir.
• Yaxşı, yaman - keçdi karvan.
• Yaxşılıq düşməni də adama dost edər.
• Yaxşılıq istəyən qabaqcadan behin verməlidir.
• Yaxşılıq yerdə qalmaz.
• Yaxşılığa yaxşılıq hər kişinin işidir, yamanlığa yaxşılıq nər kişinin işidir.
• Yağ yağ üstə gedər, yarma yavan qalar.
• Yağ yeyən it tükündən məlum olar.
• Yağıdan qalanı yağmur apardı.
• Yağış ilə yer göyərər, alqış ilə ər öyünər.
• Yağışdan çıxdıq, yağmura düşdük.
• Yağışdan qaçan doluya düşər.
• Yağlı əlin var sürt öz başına.
• Yağmadı yağış, bitmədi qamış.
• Yamanlığa yaxşılıq nər kişinin işidir.
• Yalan ayaq tutar, ancaq yeriməz
• Yalan elə bağırdı ki, sanki, doğrudur
• Yalanla dünyanı dolanmaq olar, amma geri dönmək olmaz.
• Yalançı çox yanılar.
• Yalançının dili topuq vurar.
• Yalançının evi yandı, heç kəs ona inanmadı.
• Yalançının ipi ilə quyuya düşən quyuda qalar.
• Yalançının şahidi yanında olar.
• Yanan yerdən tüstü çıxar.
• Yandırdığın yovşan, ağlatdığın - dovşan.
• Yanlış hesab Bağdaddan qayıdar.
• Yar yarı görər, ürəyi odlanar.
• Yarpaq altda gəzəndir.
• Yazda çalan qışda oynar.
• Yel aparan yelinki, Yerdə qalan mənimki.
• Yemə namərd çörəyini, axırda başına vurar.
• Yeməyin qulu, işləməyin xəstəsi.
• Yeməyini yalqız yeyən yükü özü qaldırar.
• Yersiz danışmaqdan lallıq yaxşıdır.
• Yersiz danışmaqdan yerli gəyirmək yaxşıdır.
• Yetim əlində qoğal əcaib.
• Yıxılan yıxılana yoldaş olar.
• Yıxılanı vurmazlar.
• Yıxılanın dostu olmaz.
• Yırtıcı aslan zülmkar şahdan yaxşıdır.
• Yırtıcı quş dimdiyindən bəllidir.
• Yırtıcı quşun ətin yeməzlər.
• Yırtıcı quşun ömrü az olar.
• Yoxdan yer də bezardır, göy də.
• Yoxsul arpa tapar, saxlamağa yer tapmaz.
• Yoxsul, oduna da yoxsul, suya da yoxsul?!
• Yoxsul öz vilayətində qəribdir.
• Yoxsulluq ilə qocalıq düşüb bir yerə.
• Yoxsulluq varlılıqdan yaxşıdır.
• Yoxsulluğa düşməyən varlılığın qədrini bilməz.
• Yoxsulun dili gödək olar.
• Yoxsulun evində dəmir tapılmaz, itinin adını gümüş qoyar.
• Yoxsulun əlacı ağlamaqdır.
• Yoxsulun sərmayəsi gözünün yaşıdır.
• Yol həmişə bostan qırağından düşməz.
• Yol ilə gedən yorulmaz.
• Yol yolu tapar, dəvə - kolu.
• Yola çıxan yolda qalmaz.
• Yolda qal, yoldaşdan qalma.
• Yolda yoldaş, evdə qardaş.
• Yoldan irəli - yoldaş, evdən irəli - qardaş.
• Yoldaşı yolda tanı.
• Yoldaşını bab elə, görən desin ha belə.
• Yoldaşını mənə de, sənin kim olduğunu deyim.
• Yorğanına bax, ayağını uzat.
• Yovşan bəsləməklə çəmənzar olmaz.
• Yovşan olub arxanda dovşan yatınca, palıd ol kölgəndə sürü yatsın.
• Yumru qaya, yumru daş, keçəl baş.
• Yumurta gətirmir, qayğanaq istəyir.
• Yumurta toyuğun cəriməsidir.
• Yumurtada tük bitməz.
• Yumurtadan yun qırxır.
• Yumurtana görə qaqqılda.
• Yumurtanı halqadan keçirdir.
• Yumurtlamadı, falını da yedi?!
• Yumurtası tərs düşüb.
• Yumşaq döşək salan, axırda quru yerdə yatar.
• Yun darayaram, kələf olar, qız doğaram xələf olar.
• Yunu var, ünü yox.
• Yurd yeri - guman yeri.
• Yurddan çıxsan da, eldən çıxma.
• Yuvanı erkək quş tikər.
• Yüz ölç, bir biç.
• Yüyrək at özünə qamçı vurdurmaz.